VOV4.K’ho- Bơh ală broă lơh ngan ngồn tă bơsong kal ke ai mpồl lơh sa kă bro in, càr Dăk nông gam jơh nùs lơh ngan lơh niam wơl tiah bơcri priă kă bro nàng gơhòi gơ jà ală cau bơcri priă. Càr Dăk Nông pa bơyai lơh sơnđờm lơh Rơndăp broă lơh bơ̆t bơtàu ală anih lơh broă sa sươn sre công nghệ cao ai sầu riêng, ƀơ mờ plai màk in geh lơh tàm ƀòn dờng Gia Nghĩa.

Do là rơndăp broă lơh gơhòi gơ jà bơcri priă bơh sơnrờp geh sơnđờm lơh tơnơ̆ Broă lơh “Kơ̆p kờñ ngan Dăk Nông” bơh Ủy ban Nhân dân càr dê bơyai lơh di dơ̆ tơngkah kir sơnrai Ngai cau lơh sa kă bro Việt Nam tàm nhai lài. Bal mờ broă bơyai lơh broă lơh jờng rơ ală mpồl lơh sa kă bro mờ hòi jà bơcri priă, Ủy ban Nhân dân càr Dăk Nông neh hơ tus cồng nha lồi dŭt mờr 150 jơnau lùp bơh ală mpồl lơh sa kă bro dê. Ủy ban Nhân dân càr Dăk Nông kung lơh mpồl lơh broă dờng màng nàng kờñ tă bơsong kal ke ai ală mpồl lơh sa kă bro mờ làng bol gơtìp gơrềng tài bơh kòp Covid-19 in.

            Cau mblàng Lơ Mu K’Yến