VOV4.K’ho - Tềng đap bơta trồ tơngai duh jo\ jòng, dà bơh ală dà dờng, dà croh mờ ală bơ tơt rbòng dà gơmù soat, g noar atbồ mờ gah lơh broă geh gơ noar tàm kơnhòal Krông Nô, càr Dak Nông neh rơcang lài lam lơh ală broă lơh rơcang sơndră trồ prang dờng soat dà di tu\, tơr mù [à hoàc huơr làng bol in. Tàm hơ\, pal đơs là broă ai trạm [ồm dà K’Tăk tàm xã Quảng Phú lơh broă di tu\ tàm kàl prang duh neh dong làng bol kòn cau M’nông tàm thôn Phú Lợi dơ\ sơn rờp geh tai 20 lồ kòi sre kàl mrềt prang.

Gam tàm nhai prang duh dờng ngan, trồ tơngai duh rơ-ồ, mơya mìr kơphe mờ phan tam lơyah ngai tàm thôn Phú Lợi, xã Quảng Phú, kơnhòal Krông Nô, càr Dak Nông kung gam gơs tơlir niam ngan. Kươ màng, tàm [làng sre [òn K’Tăk ơnàng rlau 20 lồ, nùs nhơm lơh broă jal mhar ngan, tài do là dơ\ sơn rờp làng bol geh dà nàng sih kòi kàl prang.

          Dơ\ sơn rờp [làng sre thôn Phú Lợi, kơnhoàl Krông Nô, càr Dak Nông geh dà nàng sih tam kàl prang

Ồng Y Phương Boy ơm tàm thôn Phú Lợi, xã Quảng Phú pà git, kơ nờm trạm [ồm dà K’Tăk pa geh ai lơh broă, ai tơl dà [làng sre in, den tàng làng bol chờ hờp ngan: “Nam do geh Đảng, Dà lơgar mờ gơ noar atbồ sền gròi, lơh bơ tơt rbòng dà tàm do den làng bol tàm [òn chờ hờp ngan. Tu\ lơi kờ` den ngui, tu\ ờ kờ` den tam pà [à oh mi in. Cồng nha tơnhàu kòi lài do den a` lơh 1, 2 sàu mìng geh 20 [àu, tơnhàu mìng geh pơgap mờr 1 tấn gời. Nam do geh dà sùm, tam pà dà ring, ơn phơng tơl den ngan là tơnhàu digơlan geh uă rlau”.

Trạm [ồm dà K’Tăk gơwèt rơndap broă Tơrmù r[ah tiah Tây Nguyên geh lơh kềng dà dờng Krông Nô. Broă lơh pa jàu ai Kong ti TNHH MTV ngui broă lơh bơtơt rbòng dà càr Dak Nông atbồ bơh bồ nam do. Tài trồ prang soat dà jo\ jòng, dà tàm dà dờng Krông Nô gơmù soat, geh tu\ gơ soat jơh tơn, den tàng nhai 2 pa do, UBND xã Quảng Phú, kơnhòal Krông Nô neh hòi jà kuang bàng, cau lơh broă bal mờ làng bol tàm [òn lơgar ngui ală bài ơn lu\ kơryan dà dờng nàng lam dà mut tàm trạm [ồm dà K’Tăk. Kơnờm bơh hơ\, rlau 100 lồ chi tam công nghiệp bè kơphe, tiêu, phan tam lơyah ngai mờ kòi sre neh sơr lèt gan bơta trồ prang dờng soat dà. Kuơ màng, [làng sre 20 lồ tàm thôn Phú Lợi dơ\ sơn rờp geh dà nàng sih tam kàl prang.

Ồng Vũ Hoàng Phú, Chủ tịch UBND xã Quảng Phú, kơnhòal Krông Nô, càr Dak Nông pà git, bu\lah trồ prang duh dờng ngan, mơya tài geh tơl dà, kàl mrềt prang do, xã kung gam gàr bè ờs bă sre tam kòi tàm 4 [làng sre, mờ rlau 150 lồ. Gơwèt mờ chi tam lơyah ngai, lài do mìng geh sơntìl tơngời pa, mơya nam do geh tai tờm jràu, bùm lô mờ ờ uă chi tam ndai tềng gah dà dờng Krông Nô, mờ bă ù mờr 200 lồ, ndrờm geh tơl dà [ồm.

   UBND xã Quảng Phú sồr kuang bàng bal mờ dân quân kơryan gùng dà hòr dà dờng Krông Nô nàng tơmut dà tàm trạm [ồm

Ồng Vũ Hoàng Phú đơs tờm, kờ` rơcang sơndră trồ prang dờng soat dà geh cồng nha, lài ngan gơnoar atbồ, gah lơh broă geh gơnoar mờ làng bol ndrờm pal rơcang lài bơh bồ kàl: “Xã kung neh rơcang lài bơh bồ kàl tơn. Tu\ do geh 4 bơ tơt rbòng dà, pal lơh bè lơi gơ in geh cồng nha, geh gơnoar broă kuơ màng ngan. Kuơ màng xã geh [làng sre pal [ồm dà jơh bal 2 kàl tơn, kàl mìu kung gam pal [ồm dà sơl. Tàm bồ kàl prang duh, UBND xã neh pơlam kuang bàng lơh broă mờng chài mờ làng bol in prap dà bơh tơnau dà, dà dờng, dà croh nàng geh tơl dà [ồm tàm tơngai chi tam hòn dờng.

Kuơ màng, nam do, làng bol tàm tiah làng bol kòn cau bè [òn Đơn, [òn Lang lài do sih tam jơ la, sùm gơtìp soat dà tàm lồi kàl, mơya nam do UBND xã neh pơlam làng bol sih tam gờ` den tàng neh gơtùi pleh bơta prang dờng soat dà”.

UBND xã Quảng Phú sồr kuang bàng bal mờ dân quân kơryan gùng dà hòr dà dờng Krông Nô nàng tơmut dà tàm trạm [ồm

 Krông Nô là kơnhòal geh uă bơtơt rbòng dà ngan rlau jơh càr Dak Nông, mờ 44 bơ tơt rbòng dà. Tài trồ prang duh jo\ jòng, tu\ do neh geh 8 bơ tơt rbòng dà ờ tơl dà, tàm hơ\ 5 trạm [ồm dà neh ơm ờ lơh broă tai mờ 3 tơnau dơng dà neh soat dà. Bơta trồ prang dờng soat dà gam pơhìn uă bă chi tam tàm ală xã Nâm N’dir, Dăk Xô, Quảng Phú, Đức  Xuyên mờ Nam Xuân. Bơh bồ nam do, Kong ti TNHH MTV ngui broă lơh bơtơt rbòng dà càr Dak Nông dơpf tai 2 trạm [ồm dà bơh ală cau tờm bơcrri priă, mơya ndrờm gơtìp kal ke tàm broă ai ngui.

Mùl màl, Trạm [ồm dà [òn Choi, xã Đức Xuyên bơta pràn [ồm dà ờ pràn, gùng drbong dềt, den tàng trạm [ồm neh bơcri priă blơi mai\ [ồm pa, crap ding dà dờng rlau nàng [ồm dà drơng broă lơh sa. Ai trạm [ồm dà K’Tăk, xã Quảng Phú bơh hìu mai\ pờ tơlik ồs đèng Buôn Tua Srah kơryan gùng dà hòr bơh đah tô, den tàng ờ tơl dà nàng [ồm, pal sồr mpồl cau lơh broă kơryan gùng hòr, lam dà dong geh dà [ồm chi tam in.

                       Trạm [ồm dà K’Tăk geh lơh kềng dà dờng Krông Nô

Ồng Đỗ Tuấn Cường, Gíam đốc Kong ti TNHH MTV Ngui broă lơh bơ tơt rbòng dà càr Dak Nông – sơne\ kơnhòal Krông Nô pà git, bơdĩh ală broă lơh kỹ thuật tàm ală trạm [ồm dà, mpồl neh pơgồp bal mờ gơnoar atbồ tàm [òn lơgar mờ ală mpồl geh gơ rềng nàng geh broă rơndap lơh ai dà dipal, kờ` tơmù tus khà lơyah ngan rlau jơh hoàc huơr tài bơh trồ prang dờng soat dà lơh aniai:

“Bồ kàl den mpồl neh ring bal mờ ală tiah là cih tơngai [ồm dà jat tơl dơ\ mùl màl gơwèt mờ chi tam công nghiệp. Gơwèt mò tờm kòi den neh ring bal broă rơndap tơl dơ\ yuh dà; mpồl pơgồp bal mờ hìu mai\ pờ tơlik ồs đèng là pal yuh tơl dà nàng [ồm dà ai bă kòi in. Tu\ do neh geh 8 broă lơh gơtìp aniai tài bơh trồ prangd ờng soat dà ờ tơl dà.

Mpồl neh lam lơh ală broă lơh rơcang sơndră trồ prang dờng soat dà. 2, 3 trạm den tơrbo\ jòng ding jồp [ồm ală dà gam wơl. Gơwèt mờ ală tơnau dơng dà den pơgồp bal mờ sơne\ lơh broă tàm kơnhoàl Dak Mil nàng tam pà dà bơh tơnau E29, tơnau Dak Sak mờ tơnau Dak Mol, sơlơ tơnguh rlau tai dà ai ală tơnau dơng dà jat gah dà croh Dak Sôr in”.

Jat đơs lài, kàl prang tàm Tây Nguyên kung gam pơn jat tai jo\ jòng tus jơh nhai 5, bơta trồ prang dờng soat dà pơn jat tai pơhìn uă bă chi tam tàm tiah do. Tàm kơnhoàl Krông Nô, Kong ti TNHH MTV ngui broă lơh bơtơt rbòng dà neh pơgồp bal mờ gơnoar atbồ mờ làng bol tàm [òn lơgar rơcang lài lam lơh ală broă lơh rơcang sơndră trồ prang dờng soat dà, pơgồp bơnah tơrmù [à hoàc huơr tài bơh trồ prang dờng soat dà lơh aniai.

                                                                                     Cau mblàng K’Duẩn