VOV4.K’ho- Ngai 7/7, càr Dak Nông neh lơh tai 2 anih gròi sền kòp tàm gùng dờng 14 mờ gùng dờng 28 nàng lòt sền, yal tiah lòt rê mờ gah lơh sơnơm nàng rcang sơndră kòp Covid-19.

Mpồl lơh broă geh gơnoar càr Dak Nông gròi sền ală rơndeh lòt gan anih gròi sền kòp

Anih gròi sền  kòp dơ̆ 1 geh lơh tàm gùng dờng 14 rềp nhàr bal mờ càr Dak Lak. Anih gròi sền kòp dơ̆ 2 geh lơh tàm gùng dờng 28 rềp tiah nhàr bal mờ càr Lâm Đồng, nàng sền gròi kòp đo was să jan, dờp jơnau yal tiah lòt rê mờ gah lơh sơnơm mờ gùng lòt bơh năc lòt rê tàm gùng mut tàm ù tiah càr dê. Dilah sền gŏ ală cau pin bơtờp kòp halà tus bơh tiah kòp den geh jun ai ơm yah ngài mờ yal mơ mờ Mpồl đơng lam rcang sơndră kòp Covid-19 càr dê nàng geh broă lơh bơsong di tŭ.

Cau mblàng K’Hạnh