VOV4.K’ho- Tàm nùs nhơm chờ hờp gờm nam pa Kỷ hợi, tàm 2 ngai do, tàm Dak Nia, thị xã Gia Nghĩa, càr Dak Nông neh bơyai lơh Chờ nam pa Liêng Nung, mờ uă ngan broă lơh duh hồl, tơngo\ bơta niam chài rơgơi ală jơi bơtìan kòn cau tàm [òn lơgar.

 Mờ tơngume “ Niam bơne\ bơtòm tơrgùm- Chồl guh bơhìan niam”,  Chờ nam pa Liêng Nung geh bơta tus bal bơh mờr 400 nă cau chài, cau tàm pơr lòng tus bơh 7 sơnah [òn, xã bơh thị xã Gia Nghĩa mờ 5 [òn xã Dak Nia dê.

Chờ nam pa sơn đờm bơh dơ\ lơh yàng N’jun Jông ( gam sơn đan là dơ\ lơh yàng dờp cau cau gơ\p bơyô) bơh kòn cau Mạ dê tàm ală [òn N’Jriêng mờ Tinh Wel Đơm, mờ ală broă lơh: wă gơ\p bơyô, jàu phan pơdơng, dơ\ lơh yàng duh khoai, jàu kòng pràn kơl dang să jan mờ sơn đờm mut lơh dơ\ pờ yăng tơrnờm.

Dơ\ lơh chờ neh gơ hòi gơ jà uă ngan làng bol tàm [òn lơgar mờ năc nhơl chờ tus bal, sền ală jơnau ràng tơlik phan soh ồi kòn cau, dròng cing mồng, tus bal mờ ală broă nhơl chờ bơhìan yau bè: lềt mat ku\p sur biàng, to kòng gơmut tàm ngko ada, piah phe tru\ piang mhar, tàm pơr lòng tru\ phan sa bơhìan bơh ală jơi bơtìan kòn cau dê. ..

Tàm broa\ lơh chờ sơnam pa Liên Nung 2019, tàm Hìu [òn [òn Tinh Wel Đơm, xã Dak Nia, Gia Nghĩa, Dak Nông  neh lơh wơl dơ\ lơh yàng kờ` pràn kơldang sa\ ja` bơh cau Mạ.

Ồng K’ Ngun neh bơyai lơh yàng  jat ơdat lơh yàng kờ` pràn sa\ ja` mờ koh iar, ai mhàm iar klài tàm tơrnờm, hơ\ sồng hòi yàng. Jơnau hòi yàng geh tơnggu me bè do: Ngai do, gơnoar atbồ mờ làng bol lơh yàng kờ` pràn kơldang sa\ ja` cau kra, jà cau yàng rê sền mờ sền ngan ai tus cau kra in kis jo\, ngac ngar nàng bơto bơtê oh kòn kòn sau ua\ jơnau niam,  gùng di, dong kòn sau lơh sa jak chài nàng lơh geh ua\ phan bơna, ai [òn làng, [òn lơgar slơ ngai slơ hờm ram, boh gơbài.

Ồng mut lơh adat jào kòng pràn sa\ ja` ai tus ala\ cau dờng sơnam mờ jơnau nting sap niam bơne\. Ala\ ùr ơruh kung geh yờ sa ala\ phan sa bơkah mờ tơrnờm nàng jà ala\ ồng mò jat adat bơhìan yau.

Di tàm tu\ do, gơnoar atbồ [òn lơgar kung pà phan tơl ồng mò dùl bơnah phan pà, geh ai git bơta sền kuơ, di adat mờ bơta sền gròi  jơh mpồl bơtìan.

Cau mblàng K’ Brọp mờ  Hạnh