VOV4.K’ho - Tàm ala\ nam rềp do,  tàm sơnah [òn Nghĩa Phú, thị xã Gia Nghĩa, càr Dak Nông gam rhời geh gơ gơs  dùl [òn  bơkàu. Tàm ala\ ngai lồi nam, cau tam bơkàu tàm do gam ờ ru ngan mờ  ala\ broa\. Broa\ lơh  tus mờ làng bol cau lơh broa\ sa la sơng ka sền gàr di pơlam nàng bơkàu geh gơ lì di tàm tu\ sa tềp mờ tac mờ khà pria\ jơnhua ngan rlau jơh.

            Hìu nha\ mò Nguyễn Ngọc Lệ, kis tàm tổ 4, sơnah [òn Nghĩa Phú, thị xã Gia Nghĩa geh bơhìan tam bơkàu cúc jo\ nam. Pria\ tac bơkàu pah nhai kung cèng geh pria\ geh bơh 30 tơlak pria\ tus 40 tơlak pria\ pria\ cồng. Tàm di lồi nam nhai  nhai àng kơnhai,  broa\ lơh bơh hìu nha\ mò ờ ru ngan, lơh broa\ den jal mhar ngan bè gam tam ntoat mờ tu\ tơngai. Jơh hìu nha\ 6 nha\ cau neh pal tam pà sơng ka sền gàr rlau 20 rbô tờm  bơkàu cúc Dà Làc mờ rlau 1 rbô tờm bơkàu ly nàng thàn bàn  tac mờ cau ka\ bro, ala\ drà tờm neh pơrgon lài. Mờ khà pria\ tac di 2.500  đong dùl tờm bơkàu, dilah gơ lì di tàm tu\ sa tềp, hìu nha\ mò Lệ geh kờp du\ geh di 300 tơlak pria\ tơnơ\ neh kờp jơh pria\ tuh lơh:

            Pah nhai, hala sa tềp kung bè hơ\ lơm, a` tam bơkàu tac yòm ngan, geh ua\  ờ geh bơkàu tac. Wa\ rò sa tềp nam do hìu nha\ neh tam di 200 rbô tờm bơkàu nàng ka\ bro tàm càr, geh lơh ngan sơng ka sền gàr bơkàu gơ in niam nàng geh bơkàu niam ka\ bro làng bol in.

            Kung gơ ơm tàm tổ hợp tác tam bơkàu tàm sơnah [òn Nghĩa Phú, kàl  bơkàu sa tềp nam do, hìu nha\ ồng Mai Xuân Khai neh tam di 20 rbô tờm bơkàu cúc tàm hìu jàl. Tàm tơngai do, ala\ cau tàm hìu drờm mìng lơh ngan tàm broa\ sơng ka sền gàr bơkàu bơh 5 jiơ àng drim tus trồ mang. Kung kơnờm bơh geh bơta mờng,  den tàng ala\ bơta chài bè kỹ thuật tuh phơng,  tuh dà, geh tu\ he tam pà duh mriềt tàm hìu jàl geh ồng Khai ngui chài ngan. Ồng đơs tờm, sa tềp nam do ồng geh ka\ bro tàm drà ka\ bro mờ khà bơkàu niam mờ gàr khà niam:

            Bơh tu\ làng bol tam kơphe den rài kis gơ guh gơmù, tơnơ\ geh kơnờm bơh broa\ lơh tam gơl chi tam den thị xã mờ sơnah [òn geh lơh bal dong kờl làng bol bơh sơntìl tus mờ hìu kìng den tàng  làng bol sơnđờm bơtàu tơngguh mờ lơh sa gơguh ua\. Đơs bal la tam bơkàu den lơh sa hìu nha\ gơguh,  pria\ geh jơnhua, ua\ ngan la gơ lơh geh kal ke bè tu\ tơngai pal sền gơ,  sơnơm sùm,  gơ lơh gơ kal ke tơngai den pria\ geh la jơnhua.

            Tổ hợp tác tam bơkàu do geh gơ gơs bơh bơta dong kờl bơh UBND sơnah [òn Nghĩa Phú. Mờ bơta bơcri lơh rlau 100 tơlak pria\ bơh sơnrờp, neh dong làng bol mờng mờ bơta chài tam bơkàu tàm hìu jàl.  Bulah ù tiah tam bơkàu gam ờ hềt rà, mìng tàm dùl lồ, tổ hợp tác tam bơkàu tàm sơnah [òn Nghĩa Phú la tiah  ai geh bơkàu tac jơh tàm thị xã Gia Nghĩa, mờ ua\ ngan bơta bơkàu. Tàm hơ\, ua\ ngan la bơkàu Cúc  bò, Muống hồng, Tía sao,  vàng Đài Loan, Tím sen, bơkàu huệ mờ bơkàu cẩm chướng.

            Mò Lê Thị sáu, Chủ tịch Hội nông dân sơnah [òn Nghĩa Đức ai git, tiah do lài do geh tam kơphe neh jo\ sơnam, kơphe kra. Mut lơh broa\ lơh tam gơl chi tam, neh khin cha mut lơh broa\ lơh tam bơkàu tàm hìu jàl, gơ cèng wơl cồng nha niam. Tơnơ\ geh lòt sền ala\ broa\ lơh tam bơkàu tàm [òn dờng Dà làc, geh bơto pơlam bè kỹ thuật tam bơkàu, tổ hợp tác neh rwah ala\ sơntìl bơkàu gơ kờ`, geh ngui ala\ bơta jak chài pa mờ bơcri sơng ka sền gàr den tàng pria\ geh bơh tổ hợp tác rhời geh niam mờ bơtàu tơngguh. Mò Lê Thị Sáu ai git,  làng bol  cau lơh broa\  jơng tê tàm do kơp kờ` pờ ơnàng broa\ lơh tam bơkàu, nàng sơnah [òn Nghĩa Phú gơ gơs la [òn bơkàu bè ala\ [òn  tam bơkàu tàm [òn dờng Dà Làc:

            Nàng  kờ` bơtàu tơngguh ua\ tai ba\ ù tam bơkàu, mờ tam ua\ broa\ lơh tam bơkàu tus ala\ hìu nha\ ndai den pal geh broa\ lơh dong kờl bơh  gơnoar atbồ [òn lơgar. Lài jơh la di gơlan geh dong kờl dùl đah lơi hơ\ kờ` làng bol geh càn pria\ kờ` geh pria\ bơh  sơnrờp lơh hìu jàl, kờ` lơh ua\,  bơtàu tơngguh, cèng wơl lơh sa hìu nha\, nàng ala\ hìu nha\ tam bơkàu tơl bơkàu tac tàm drà ka\ bro tàm càr kung bè càr ndai, tài tu\ do bơkàu gam tac ờ geh tơl nàng tac, ờ tơl  ua\ ngan geh tu\ tàm tu\ sa tềp, lơh chờ dờng gam pal tơmut blơi bơkàu bơh Dà Làc.

            Gam ờ geh 3 poh tai la tus sa tềp bơhìan dà lơgar Mậu Tuất 2018, ala\ suơn bơkàu tàm sơnah [òn Nghĩa Phú, thị xã Gia Nghĩa, càr Dak Nông gam geh sền gàr nền nòn ngan. Ala\ hìu nha\ tàm tổ hợp tác gam lơh ngan nàng bơkàu gơ lì di tàm tu\ sa tềp niam ngan, tac mờ khà pria\  yòm ngan rlau jơh. Bơh tềng hơ\,  geh đơs tờm, tam bơkàu la gah lơh sa tờm ngan tàm  [òn lơgar. Mờ Nghĩa Phú geh gơ gơs la tiah tam bơkàu tờm ngan bơh thị xã Gia Nghĩa, càr Dak Nông.

                                                Cau cih mờ yal tơnggit K’ Brọp