VOV4.K’ho- Ngai 30/6, Hội đồng Nhân dân càr Dak Nông khoá 4 (tơngai lơh broă bơh nam 2021-2026) neh bơyai lơh pơrjum dơ̆ 1 pồ ală gơnoar broă tờm gơwèt gơnap gơnoar bơh Hội đồng Nhân dân (HĐND) càr dê. Tàm dơ̆ pơrjum, Ủy ban tĕ khà càr Dak Nông neh yal cồng nha tĕ khà mờ đơs nền gơnoar broă bơh 52 nă kuang bàng neh geh pồ mut tàm HĐND càr khoá 4, tơngai lơh broă bơh nam 2021-2026. Ală kuang bàng neh đùh sră pồ ală gơnoar broă Chủ tịch, Phó Chủ tịch HĐND càr mờ Chủ tịch, Phó Chủ tịch Ủy ban Nhân dân (UBND) càr.

Kuang đơng lam bồ Tỉnh ủy Dak Nông pà bơkào gờm chờ Kuang đơng lam bồ HĐND- UBND càr

Cồng nha đùh sră: ồng  Lưu Văn Trung, Phó Bí thư Thường trực Tỉnh ủy, geh pồ at gơnoar broă Chủ tịch HĐND càr khóa 4, tơngai lơh broă bơh nam 2021-2026. Ồng Y Quang Bkrông mờ mò Mai Thị Xuân Trung, pơn jat tai at gơnoar broă Phó Chủ tịch HĐND càr. Gơwèt mờ ală gơnoar broă bơh UBND càr, ồng Hồ Văn Mười, Phó Bí thư Tỉnh ủy, Kuang atbồ Kuang àng càr geh pồ at gơnoar broă Chủ tịch UBND càr. Ồng Lê Trọng Yên, mò Tôn Thị Ngọc Hạnh pơn jat tai geh pồ at gơnoar broă Phó Chủ tịch UBND càr.  Phó Chủ tịch UBND càr pa là ồng Lê Văn Chiến (lài do là Chánh Văn phòng Tỉnh ủy).

Cau mblàng K’Hạnh