VOV4.K’ho- Mìng gam 2 poh tai, ngai chờ gùt làng bol lòt đùh sră tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026 geh bơyai lơh. Tàm càr Dak Nông broă lơh rcang ngai tĕ khà in neh rcang lài.

Dùl gơl gùng tàm Gia Nghĩa gam bơka niam rcang ngai khà in

Jat Ủy ban tĕ khà càr Dak Nông, tàm tơngai lơh broă bơh nam 2021-2026 càr Dak Nông geh 10 nă cau tơlik mat tĕ khà Kuang bàng Quốc hội khoá 15 (tàm hơ̆ geh 2 nă cau bơh dà lơgar yal tơngĭt rê tơlik mat tĕ khà) geh tàm pà, yal tơngĭt rê hòi jà tơlik mat tĕ khà tàm 2 mpồl lơh broă tĕ khà. 88 nă cau tơlik mat tĕ khà Kuang bàng Hội đồng Nhân dân khoá 4 geh tàm pà, yal tơngĭt rê hòi jà tơlik mat tĕ khà tàm 14 mpồl lơh broă tĕ khà. Tus tŭ do, tàm càr Dak Nông broă kờp sền, cih mat cau tĕ khà neh mờ gam geh ală tiah mhar ngan lơh sir. Rlau 410 rơbô nă cau tĕ khà neh rcang tus bal tĕ khà, mờ kơ̆p kờñ mờ sră đùh bơh he dê pồ geh ală Kuang bàng tơl nùs nhơm niam mờ tơl bơta jak chài.

Cau mblàng K’Hạnh