VOV4.K’ho –Tơnơ\ uă nam ờ geh đèng, mờr 800 hìu bơnhă làng bol ơm tàm pe thôn: 5, 6 mờ 7 bơh xã kal ke uă ngan Dak Rmăng, kơnhoàl Dak Glong, càr Dak Nông dê chờ hờp tu\ gùng che đèng dà lơgar neh geh bơcri priă lơh mờ ai ngui.

{òn gơtìp ơm is ngai lơi tu\ do neh geh đèng pờ àng, jơnau kơ\p kờ` geh đèng ala đèng zờu bơh làng bol dê tu\ do neh geh ngan, pờ tơlik uă bơta tam gơl niam ngan tàm rài kis mờ broă lơh sa.

Kàl mìu do, gùng lòt bơh xã Dak Rmăng tus tàm tiah tờm kơnhoàl Dak Glong, càr Dak Nông neh [ươn [oài uă ngan tu\ gùng lòt tờm neh geh lơh mờ bê tông. Trồ mang, ală thôn [òn gơcrà àng ồs đèng, sơlơ gơlơh bè gơcèng wơl nùs nhơm krơi is ngan pa ngan bè bơta tam gơl sơrbac mhar. Bi Giàng A Phừ, ơm tàm thôn 5, xã Dak Rmăng chờ hờp đơs.

Lài do ờ geh đèng, pal ngui đèng zờu lơm, tơnơ\ do geh đèng mờ măt tơngai, mơya mìng nàng pờ àng lơm gời, ờ gơtùi ngui tàm broă ơm kis bè tru\ gơm biăp piang. Ai tu\ do, neh geh đèng pờ àng, ngui tàm broă tru\ gơm biăp piang, ơm kis pah ngai, geh sền ti vi, iat kơno yal tơngi\t jơnau, yal tơngit lài bè trồ tiah, yal tơngi\t jơnau tàm lơgar mờ dunia.

Rơndăp broă lơh đèng ai mờr 800 hìu bơnhă làng bol tàm ală thôn: 5, 6 mờ 7 bơh xã Dak Rmăng dê in geh ai priă lơh bơh lồi nam 2017. Bơh bồ nhai 7 nam 2018 pa do, tơnơ\ tu\ jơh lơh broă bơcri priă lơh, broă lơh che đèng tus tàm tơl hìu bơnhă sơnđờm geh lơh tàm bơta chờ hờp chờ hờn ngan bơh ală hìu làng bol dê.

Đèng geh pờ àng tus tơn tàm hìu làng bol dê

Ồng Nguyễn Hữu Trình, Phó Kuang atbồ Ồs đèng Gia Nghĩa, gơ wèt Công ty Ồs đèng Dak Nông yal, rơndăp broă lơh đèng ai ală thôn: 5, 6 mờ 7 bơh xã Dak Rmăng in kờp jơh geh bơta jòng gùng che đèng trung áp rlau 15 kơi sồ, hạ áp rlau 13 kơi sồ bal mờ 5 nơm trạm biến áp kờp jơh pràn là 320 kVA. Kờp jơh priă bơcri lơh mờr 12 tơmàn.

Jat tơngai tàm jàu bơcri priă, do là tơngai lơh đèng ai ală thôn, [òn ai lơh lài xã tiah nhàr lơgar mờ tiah kal ke uă ngan in bơh rơndăp broă lơh đèng [òn lơgar càr Dak Nông dê tơngai bơh nam 2014- 2020.

Gi\t bơta kuơmàng bơh đèng dê là dùl tàm ală jơnau nàng bơtàu tơnguh lơh sa tàm tiah do den tàng tu\ geh rơndăp broă lơh jun tus là gah đèng lam lơh tơn, mờ tu\ do rơndăp broă lơh mờr geh lơh gơs mờ lơh đèng ai làng bol in.

Mpồl lơh ồs đèng lơh đèng tus tàm tơl hìu bơnhă

Ồng Trần Nam Thuần, Phó Chủ tịch UBND kơnhoàl Dak Glong, càr Dak Nông pà gi\t, uă ngan làng bol tàm xã Dak Rmăng gơ wèt [òn lơgar ală kòn cau. Mơkung uă ngan làng bol xã Dak Rmăng là hìu r[ah.

Đèng geh ai sùm bơh gùng che đèng dà lơgar gam pờ tơlik tu\ tơngai niam nàng làng bol in bơtàu tơnguh lơh sa, tơn jơh jơgloh tơrmù r[ah, bơngơl gơla klam jơngo. Mơkung pơgồp bơnah kơ\ kơl jăp lơngăp lơngai chính trị, rơndăp tăp sèng ờdo ờdă jơh gùt mpồl bơtiàn tàm dùl tàm khà ală tiah gam uă kal ke ngan rlau jơh bơh kơnhoàl dê đơs is mờ bơh jơh gùt càr Dak Nông dê đơs bal.

Bơh ală tu\ lòt sền kung bè tìp mat tơn mờ làng bol, den bol a` sền go\ làng bol chờ hờp ngan, uă ngan dơ\ ưn ngài Đảng, Chính phủ neh dong kờl ai làng bol in geh đèng pờ àng. Tu\ geh đèng, làng bol blơi geh uă phan ngui tàm rài kis pah ngai, drơng ai rài kis bơh làng bol dê bơh hơ\ rài kis sơlơ bơtàu tơnguh niam rlau tai.

Kàl do tàm Dak Rmăng là kàl bơh ală dơ\ mìu jo\ jòng. Mơya ală cau lơh đèng kung gam lơh ngan lơh jơh broă lơh đèng, lơh geh bơnàng jă dong xã r[ah tam gơl sơrbac mhar rlau tai.

Cau mblàng Lơ Mu K’Yến