VOV4.K’ho - Ngai òr (14/2), Tỉnh uỷ Dak Nông bơyai lơh tìp mat ala\ cau đơs crih tam ya, cau bơceh, cau geh bồ tơnggoh git wa\ pơnrơ ngan bồ sơnam pa Kỷ Hợi 2019. Atbồ càr Dak Nông đơs niam ngan bơta ta\ pơ gồp kuơ màng tàm mpồl cau đơs crih tam ya, cau bơceh, cau lơh bao\ mờ bơta bơtàu tơngguh lơh sa-mpồl bơtìan càr dê.

Đơs tàm bùi tìp mat, at bồ UBND càr Dak Nông đơs tờm,  15 nam crơng gơs càr,  gah cau đơs crih tam ya, cau lơh bao\ mờ cau  geh bồ tơnggoh git wa\ neh lòt bal mờ  càr mờ geh  ala\ ta\ pơ gồp kuơ màng ngan tàm bơta bơtàu tơngguh lơh sa mpồl bơtìan.

Do la ù tiah bềng bơhìan kac màng, geh rài  niam chài rgơi yau li la mờ niam ngan, geh ua\ bơta pràn nàng bơtau tơngguh lơh sa suơn sre công nghệ cao, tơnhàu phan tàm ù mờ nhơl chờ. Ngan ngồn  broa\ lơh công viên ù tiah Dak Nông gam tàm broa\  lơh sra\ ngal mờ mut lơh kung la bơta pràn nàng bơtàu tơngguh nhơl chờ, chài rgơi mờ sền sơnơng  khoa học.

Atbồ càr Dak Nông kơp kờ` tàm tơngai tus, đah cau  geh bồ tơnggoh git wa\,  cau đơs crih tam ya geh pơnjat tai dong kờl, dong  càr, lòt bal mờ càr nàng  bơt bơtàu Dak Nông  slơ ngai slơ bơtàu tơngguh rlau.

Cau mblàng K’ Brọp