VOV4.K’ho- Ngai 21/04, Ủy ban tĕ khà càr Dak Nông neh bơyai lơh dơ̆ pơrjum dơ̆ 3, nàng sền sơ wì broă lơh rcang lài ai dơ̆ tĕ khà Kuang bàng Quốc hội khóa 15 mờ Kuang bàng Hội đồng Nhân dân ală kấp, tơngai bơh nam 2021-2026. Jat Ủy ban tĕ khà càr Dak Nông yal tus tŭ do ală tiah neh lam lơh broă lơh tĕ khà di mờ jơnau sồr bơh adat boh lam dê. Mặt trận dà lơgar ală kấp neh bơyai lơh pơrjum cribơyai dơ̆ 3, cih mat ngan ngồn cau tơlik mat tĕ khà di mờ khà, bơnah cau jat jơnau sồr.

Anih dơ̆ bơyai lơh pơrjum

Jat tàm cồng nha dơ̆ pơrjum cribơyai dê, gùt càr geh 10 nă cau tơlik mat tĕ khà Kuang bàng Quốc hội khoá 15; Kuang bàng Hội đồng Nhân dân kấp càr geh 88 nă cau tơlik mat tĕ khà; Kuang bàng Hội đồng Nhân dân kấp kơnhoàl geh 452 nă cau tơlik mat tĕ khà; Kuang bàng Hội đồng Nhân dân xã geh 2 rơbô 960 nă cau tơlik mat tĕ khà. 680 mpồl tĕ khà tàm ù tiah càr dê neh lơh jat broă lĭp sră cih mat cau tĕ khà tàm ală tiah đùh sră dê mờ kờp jơh tàm khà 410 rơbô 659  nă cau tĕ khà. Tàm pơrjum, Ủy ban tĕ khà càr Dak Nông neh ring bal cih mat cau tơlik mat tĕ khà Kuang bàng Quốc hội khoá 15 mờ Kuang bàng Hội đồng Nhân dân càr tơngai lơh broă bơh nam 2021-2026 nàng tàm pà rê tàm ală mpồl tĕ khà.

Cau mblàng K’ Hạnh