VOV4.K’ho- Tềng đap bơta gơlik geh kal ke bơh kòp Covid-19 bơtờp dơ̆ 3 tàm lơgar Campuchia, UBND càr Dak Nông sồr Gah đơng lam ling sền gàr tiah nhàr lơgar càr dê mờ ală mpồl geh gơrềng lơh jat niam broă atbồ broă mut tàm lơgar mờ lik bơh lơgar, kơryan kòp bơtờp tàm lơgar. Mpồl ling sền gàr tiah nhàr lơgar càr dê pal lơh jat niam broă ơm gak tàm ală mpồng tiah nhàr lơgar, ală anih kơryan kòp nàng kờñ kơryan kòp bơtờp tam lơgar, lòt gan tiah nhàr lơgar tìs mờ kơrnoat boh lam jat kềng gah gơl gùng tiah nhàr lơgar tàm ù tiah càr dê. Ală kấp geh gơnoar tàm ù tiah càr dê atbồ, sền gròi niam làng bol tus ơm kis tàm càr.

Mblàng yal bè kòp Covid-19

 Mpồl đơng lam rcang sơn dră kòp Covid-19 càr Dak Nông pà gĭt, bal mờ broă lơh pràn ală broă lơh sền gròi, rcang sơn dră kòp, Dak Nông kung lơh ngan rcang lài bè phan bơna, phan lơh sơnơm nàng bơsong di tŭ dilah kòp Covid-19  gơlik geh.

Cau mblàng K’ Hạnh