VOV4.K’ho- Trồ tiah tơngai duh jo\ jòng den tàng ală dà croh, dà dờng geh is mờ ală bơtơ\t tơnau dơng dà geh lơh tàm càr Dak Nông gam ngai sơlơ gơtìp soăt dà. Trồ prang gam pơhìn gi\t nđờ rbô lồ chi tam. Tu\ do, gah lơh broă geh gơnoar bal mờ làng bol gam rcăng lài lơh uă broă, bè [ồm tàm pơdar đah ală bơtơ\t tơnau dơng dà, tam pà dà dipal, hòi jà làng bol ngui dà tềm pềr nàng sơndră trồ prang ai ală chi tam in.

Tus tơngai do, dà tàm ală bơtơ\t tơnau dơng dà tàm ù tiah kơnhoàl Dăk Mil neh soăt uă ngan, tàm hơ\ uă tơnau dơng dà neh soăt jơh dà. Mìng is tơnau dà Đội 3 tàm xã Đức Mạnh ai dà tuh ai pơgăp 50 lồ chi tam jo\ nam mờ tờm phan sa in neh gơtìp soăt jơh.

Ồng Nguyễn Kinh Thi ơm tàm thôn Đức Thành, xã Đức Mạnh ngui dà bơh tơnau dơng dà do nàng tuh dà kơphê in pà gi\t: Nam do, tài bơh kàl prang tus gờ`, ờ huan geh mìu den tàng dà tàm tơnau dà neh soăt mhar ngan, ờ tơl dà nàng tuh. Bulah hìu bơnhă neh tờ dà tơrlung nàng tuh mơya sươn kơphê neh geh jơnau pàl nha mờ nhhòp ro jơh.

A` do geh 2 lồ kơphê mờ tu\ do den hơ\ sồng tuh geh pơgăp 500 tờm, bơtơ\t tu\ do soăt jơh dà, tu\ do kơphê a` dê ờ geh dà nàng tuh. Pal tờ dà tơrlung nàng tuh mờ dà tơrlung mơya kung ờ tơl sơl, dùl ngai mìng tuh geh bàr pe jơ\t tờm kơphê lơm hơ\ sồng ơm wơl, kơ\p geh dà den tuh tai.

Ndrờm bè hơ\ sơl, tơnau dơng dà Dăk Lao tàm xã Dăk Lao, kơnhoàl Dăk Mil geh rơndăp lơh dơng dà tuh ai pơgăp 84 lồ chi jo\ nam in kung neh soăt jơh dà sơl. Ồng Nguyễn Văn Hùng ơm tàm thôn 5, xã Dăk Lao pà git, hìu bơnhă ồng pa tuh kơphê jơh dùl dơ\ là tơnau dà neh soăt tơn.

Tàm tu\ hơ\, kàl prang gam pơn jat tai jo\ jòng, den tàng sươn kơphê gam tàm tơngai geh bơkàu mơya pơhìn gơtìp trồ prang soăt dà pơhìn. Tàm bơta kal ke ngan hơ\, ală hìu bơnhă làng bol tàm do pal apah broă drơng tuh dà apah nàng geh đau dà tuh kơphê in, kơ\p gơn geh ală dơ\ mìu ờ di kàl.

Pah nam, làng bol kung mìng bơsong bơh broă tờ dà tơrlung lơm, gam wơl den pal kong gi\t lơh bè lơi tai, mìng kơ\p kơnờm tàm bơtơ\t dơng dà do lơm, cau ờ geh den pal apah dà tuh gi\t lơh bè lơi tai, 170 rbô đong tus 180 rbô đong dùl jiơ, làng bol kung gam ơm kơ\p mìu den tàng kung ờ gi\t lơh bè lơi sơl.

Dăk Lao là xã geh bơtơ\t tơnau dơng dà uă ngan rlau jơh tàm kơnhoàl Dăk Mil, mơya tus tu\ do neh geh 5 tàm kờp jơh 8 bơtơ\t tơnau dơng dà gam ờ tơl dà mờ jơh dà. Mìng is tơnau dơng dà Dăk Ken neh jơh dà bơh lồi nhai 2, gah lơh bơ\t rbòng dà neh [ồm jun dà bơh tơnau dơng dà Hồ Tây, tàm thị trấn Dăk Mil nàng sơndră trồ prang ai kòi mờ tuh dà dơ\ 2 kơphê in.

Jat ồng Trần Nguyên Long, Phó Chủ tịch UBND xã Dăk Lao yal, kàl prang pơn jat tai jo\ jòng, bal mờ ală broă lơh jal mhar bơh gah lơh bơtơ\t rbòng dà dê, làng bol pal gi\t broă tềm pềr dà.

UBND xã bal mờ ală gah, mpồl lơh broă mblàng yal làng bol in tuh dà tềm pềr, geh cồng nha, bal mờ hơ\ dơng dà ală tơnau dơng dà neh geh lài bơh làng bol dê nàng dơng dà, rcăng sơndră trồ prang ai ală tơngai pơn jat tai in.

Ală tơnau dơng dà tàm Dăk Mil soăt jơh dà

Tàm ù tiah kơnhoàl Dăk Mil tu\ do geh 41 nơm bơtơ\t tơnau dơng dà, drơng dà tuh ai 6.300 lồ chi tam ală bơta in. Tus tơngai do, geh 2 bơtơ\t dơng dà neh soăt jơh dà, 10 bơtơ\t dơng dà dềt, digơlan jơh dà tàm tơngai tus.

Mìng is gơ wèt mờ bơtơ\t dơng dà Dăk Mbai tàm xã Dăk Lao mờ tơnau dơng dà Nông trường Thuận An, xã Thuận An ờ geh broă lơh sơndră trồ prang tu\ soăt jơh dà, tài bơh ờ geh ală anih [ồm tuh, tàm ntrờ` pơđì dà tơmu\t tàm tơnau.

Ồng Nguyễn Trương, Kuang atbồ Công ty TNHH MTV lơh bơtơ\t tơnau dơng dà Dăk Nông tàm kơnhoàl Dăk Mil pà gi\t, công ty do geh sùm broă lơh sơndră trồ prang gơ wèt mờ tơnau dơng dà Dăk Ken tàm xã Dăk Lao.

Mìng geh dùl nơm tơnau dơng dà Dăk Ken lơm tu\ do, công ty bol a` neh [ồm jun dà tus tàm tơnau dà Dăk Ken nàng ai dà tuh ai 214 lồ kòi tàm tiah Dăk Ken mờ [òn Sê Ri in. Tàm ală tu\ tam pà dà, công ty kung neh bơyai lơh ai ală oh mi in pơgồp bal mờ gơnoar atbồ tiah do lam tam pà dà, hòi jà làng bol [ồm tuh dà tềm pềr nàng drơng lơh sa.

Mờ bơta lơh ngan tam pà dà bơh gah lơh bơtơ\t tơnau dơng dà dê, bàr pe bă ù tam phan bơh kơnhoàl Dăk Mil, càr Dăk Nông dê geh sơndră trồ prang di tu\. Mơya, mờ bơta tơngai duh jo\ jòng, dilah ờ geh ală dơ\ mìu ờ di kàl, digơlan hoàc hươr tài bơh trồ prang lơh aniai gơ wèt mờ ù tiah do là jơnau ờ gơtùi pleh klàs!

Cau mblàng Lơ Mu K’Yến