VOV4.K’ho- Sở Xây dựng Dak Nông đơng lam pơgồp bal mờ kong ti Cổ phần Tập đoàn T&T mờ kuang đơng lam bồ Ủy ban Nhân dân ƀòn dờng Gia Nghĩa bơyai lơh yal rơndap ù tiah tiah drà nhơl chờ brê bơnơm tơnau dà Dak Rtih.

Jat hơ̆, rơndap broă lơh tiah drà nhơl chờ brê bơnơm tơnau dà Dak Rtih ơnàng rlau 1 rbô 715 lồ geh bơnah ù gờl gơ wèt ală sơnah ƀòn Quảng Thành, Nghĩa Phú, xã Dak Rmoan mờ bơnah mat dà tơnau dà hìu măi pờ tơlik ồs đèng Dak Rtih, gơ wèt xã Dak Rmoan, ƀòn dờng Gia Nghĩa. Rơndap broă lơh geh tam pà jat 7 bă tiah ờs mờng, niam chài lơh hìu đam geh rơndap lơh tàm ală anih ƀuơn bè gùng lòt geh gơl gùng tờm tơrbŏ mờ ală bă tiah ờs mờng ndai bơh tiah drà dê. Bơdìh hơ̆ tai, rơndap broă kung geh bơt bơtàu ală broă lơh phan bơna kuơmàng, ală anih ơm rlô să, broă lơh bal gơ jat bal mờ tiah ơm kis tơlir, cèng niam chài krơi is bơh làng bol ală jơi bơtiàn kòn cau dùl êt mă cau tàm càr dê.

Cau mblàng K’Duẩn