Lơh jat Broa\ lơh dà lơgar bè bơt bơtàu bòn  lơgar pa, ala\ kơna\ mpồl cau lơh broa\ sa kơnhoàl Dak R’lấp, càr Dak Nông neh lơh pràn broa\ mblàng pơlam bè tơnggu me,  pơrya bơh broa\ lơh bè lam sồr cau tàm mpồl geh ta\ pơ gồp phan bơna, ngai lơh broa\ nàng lơh bơt bơtàu bòn lơgar  pa mờ pơr lòng bơtàu tơngguh lơh broa\ sa.

Nam 2012, ntum Nhân Cơ, kơnhòal Dak Rlấp, càr Dak Nông geh anih duh broă gah tề lam gùng dră bal dà lơgar càr Dak Nông sac rơ wah nàng crơn gơs ală mpồl rơcang sơndră cau tìs. Tus tu\ do neh geh 9 bòn crơng gơs geh mpồl. Ală broă lơh mblàng yal, bơto bơtê kơrnuat boh lam tus làng bol bơh hơ\ mờ geh mut lơh sùm.

Jat ồng Y Đời kuang atbồ anih duh broă gah tề lam gùng dră bal dà lơgar ntum Nhân Cơ den tơl mpồl geh mờr 30 nă cau, uă ngan là ală cau geh bơngă tờm tàm bòn mờ geh bơta chài git wă kơrnuat boh lam uă. Tơl nă cau tàm mpồl ndrờm dờp kơ nòl mblàng yal tus mờ làng bol tiah he ơm kis tơnguh jơnhua bơta git wă lơh bal rơcang sơndră, lah yă cau tìs, pơ gồp bơnah gàr ngap lơngai ờ do ờ dă tàm bòn ơm kis.

Ồng Nguyễn Bá Thưởng kuang atbồ mpồl lơh broă tề lam gùng dră bal bòn 9 pà git, mpồl rơcang sơndră cau tìs geh crơng gơs, ờ mìng lơh broă bơto bơtê kơrnuat boh lam tàm bòn geh mut lơh uă rlau, mờ gam gơtùi brồ guh bơngă bơh làng bol dê tàm broă gàr niam ngap lơngai ờ do ờ dă tàm bòn.

Bal mờ broă mblàng yal jat tơl mpồl bòn làng bol ơm kis, tơl nă cau, den pah nam, ntum gam pơ gồp bal mờ gah lơh broă geh gơnoar pờ ală ơdu\ bơto pơlam bè broă lơh rơcang sơndră cau tìs, gùng dà broă lơh bơh Đảng, kơrnuat boh lam bơh dà lơgar dê, ală sră nggal, jơnau sồr bè ală adat boh lam, nàng ală cau tàm mpồl git mờ di tu\ mblàng tus làng bol in.

Kơ nờm geh bơta tàm pơ gồp ringbal bơh tàm bòn lơgar, bơh nam 2012 tus tu\ do, làng bol neh git go\ mờ lah yă 26 broă lơh tìs kơrnuat boh lam bè tam lơh, tung kơ`au, ma túy, nhơl bài.

Bal mờ hơ\, gah tề lam gùng dră bal, gơnoar at bồ tàm bòn lơgar mờ ală mpồl rơcang sơndră cau tìs gam pơ gồp bal mờ mpồl lơh broă geh gơnoar tus bal atbồ ală cau gơtìp lơh glài kup màng,  ngir ma túy, nhơl bài, kơ nòm lềng làng, cau jơh tơngai ơm jàm, cau gơtìp lơh glài ờ kup jàm, broă lam sồr làng bol jàu phàu crong, phan bơrtoh, phan dong kờl kung geh sền dờng màng.

Ai tàm bòn 2, bòn drà Kiến Đức kung neh crơng gơs mpồl gùt làng bol tus bal rơcang sơndră cau tìs mờ 12 nă cau tàm mpồl, tàm hơ\ kuơ màng là mpồl ơruh pơnu. Pah nhai, bơh ală dơ\ pơrjum mpồl bơtiàn, mpồl neh pơ gồp bal yal rơndap broă, bơta ngap lơngai ờ do ờ dă tàm bòn ơm kis nàng làng bol in jat sền, git mờ rơcang gàr lài mờ ală bơta cau tìs.

Mpồl geh tam cah gơs tơl mpồl dềt, geh bơh 3 tus 4 nă cau drơng broă tàm 1 bòn ơm kis, nàng buơn jat sền kung bè dờp git ală bơta gơlik geh tàm bòn, mờ mblàng tơn ală gùng dà broă lơh bơh Đảng, kơrnoat boh lam dà lơgar dê tus mờ làng bol.

Pah tu\ tàm bòn geh broă gơlik geh lơi gơ rềng tus ngap lơngai ờ dă ờ dă den ală cau tàm mpồl geh yal ală mpồl ndai in mờ kuang àng tàm mpồl git nàng pơ gồp bal lơh broă. Mìng is mờ ală ơruh pơnu, kơ nòm pa tàu geh tơng go\ lơh tìs kơrnuat boh lam hala hìu nhă sùm tam lah tam lơh den ală cau tàm mpồl tus tìp tơn tơl nă cau, tơl hìu nhă nàng bơto tơngkah, sền gròi.

Mờ ală cau neh jơh tơngai ơm jàm den mpồl kung tus bal tàm broă mblàng lam, dong khi săng  bàs sìl, mut gơ rờm wơl mờ mpồl bơtiàn, lơh jat ală jơnau sồr bơh bòn lơgar dê. Jat ồng Nguyễn Văn Dương kuang atbồ mpồl lơh broă tề lam gùng dră bal bòn 2 den broă lơh bơh mpồl dê neh pơ gồp uă ngan tàm broă sền gàr ngap lơngai tàm bòn ơm kis.

Bơh nam 2013 tus tu\ do, bơta ngap lơngai ờ do ờ dă tàm bòn lơgar neh tam gơl niam ngan, bơta lơh tìs kơrnuat boh lam neh gơmù. Nam 2013, mpồl geh 357 hìu nhă den neh geh 97% geh dờp khà jờng là hìu nhă ngac ngar jak chài. Bòn 2 kung là bòn ngac ngar jak chài uă nam sùm  mờ geh kơn hòal, bòn drà jờng rơ tàm srơh gùt làng bol sền gàr ngap lơngai dà lơgar.

Jat anih duh broă gah tề lam gùng dră bal dà lơgar kơnhòal Dak Rlấp den mut lơh dơ\ lam sồr gùt làng bol tam klac bal bơt bơtàu rài kis ngac ngar jak chài tàm bòn ơm kis, mùl màl bè jơnau kờ` sền gàr ngap lơngai, ờ do ờ dă, lơh jat niam ală gùng dà, broă lơh bơh Đảng, kơrnuat boh lam bơh dà lơgar, ală kơnă tề lam gùng dră bal tàm kơn hòal neh bơt bơtàu geh uă broă lơh mblàng yal mùl màl, geh cồng nha mờ geh bơta gơ rề uă bè 3 ờ, hơ\ là ờ geh cau tìs, ờ lơh tìs tàm mpồl bơtìan mờ ờ roh tam klac tàm mpồl bơtiàn làng bol ơm kis, cau kơ nòm să rơcang sơndră cau tìs tàm bòn 3 ntum Nhân Cơ, cau ùr mờ adat boh lam mờ atbồ, bơto bơtê ơruh pơnu, kơ nòm pa tàu ờ lơh tìs kơrnuat boh lam tàm bòn drà Kiến Đức, rơcang sơndră tam lơh tam pờng tàm hìu nhă mờ rơcang sơndră cau tìs tàm ntum Dak Ru.Do là ală broă lơh niam gam geh gah tề lam gùng dră bal kơnhòal pơn jờng, rề ơnàng, lơh gơs srơh broă lơh làm gùt tiah.

                                                                  Cau mblàng K’ Duẩn.