VOV4.K’ho – Ơm kis 30 nam, mơya [òn Nà Ven, xã Ea Wer, kơnhoàl Buôn Đôn, càr Daklak kung ờ hềt geh đèng sơl. Kung tài ờ hềt geh đèng, làng bol ờ geh bơta nàng bơtàu tơnguh lơh sa, lơh hìu nhă r[ah geh tus 93%, mờr gùl khà hìu nhă tàm [òn pal sang hìu đam nàng lòt tus tiah ndai:

Nam 1998, hìu nhă mò Phạm Thị Thơm bal mờ 74 hìu nhă lik lòt bơh [òn tờm Thái Bình mut ơm kis tàm [òn Nà Ven, xã Ea Wer, kơnhoàl Buôn Đôn, càr Daklak. Tòm 30 nam glar bòl tàm ù tiah pa, hìu nhă mò Thơm kung gam gơ wèt hìu nhă r[ah, ai bơklau mò dê den neh chơt tu\ ờ hềt thàn sền go\ àng gùng che đèng dà lơgar dê. Neh geh 34 hìu nhă tàm [òn Nà Ven ờ jai kơp đèng dà lơgar, pal sang hìu đam nàng lòt tus tiah ndai. Mò Thơm pà git:

“Nam lơi kung đơs là mờr geh đèng, lồi nam geh đèng, mơya ờ go\ geh đèng. Dà ngui  den bol a` ngui dà tơrlung khoàng. Dà sa den pal ngui dà mìu, jơh dà mìu den ngui dà dờng mơya [ơ\ ngan. Lài do mut tus ndo uă ngan, rlau 70 hìu nhă, mơya hời rơhời khi ntrờn dô tiah ndai. Kal ke ir, khi ơm ờ gơtùi den pal dô tiah ndai. Cau lơi bè bol a` den ơm wơl tàm do.”

Tòm 30 nam ơm kis tàm ù tiah pa, bơh 74 hìu nhă bơh sơn rờp, tus tu\ do, [òn Nà Ven mìng gam 40 hìu nhă, mờ khà hìu nhă r[ah geh rlau 93%. Rài kis làng bol dê bòl glar kal ke ir, tài ờ tơl ală bơta kuơ màng ngan rlau jơh, hơ\ là đèng mờ dà.

Rlau 13 nam lơh broă Thanh tra làng bol mờ atbồ [òn Nà Ven, ồng Nguyễn Đức Giang sùm kơlôi rơcang bè rài kis làng bol dê gam kal ke ir. Uă tu\ ồng ala mat làng bol đơs mờ Kuang bàng Quốc hội, HĐND ală kơnă bè bơta kal ke tài ờ geh đèng, dan gơ noar atbồ tàm [òn lơgar mờ gah lơh broă geh gơnoar sền gròi.

Pơgap mờ do 4 nam, ồng Giang bal mờ kuang atbồ Mpồl lơh broă Mặt trận lòt tus tơn gah ồs đèng kơnhoàl Buôn Đôn dan jơnau đơs mờ bơyai lơh pơrjum làng bol, lam sồr làng bol tă pơgồp nàng lơh gùng che đèng bơh [òn rềp bal; jơh ală cau ndrờm ringbal, mơya tài r[ah ir den tàng ờ gơtùi lơh.

Jat ồng Nguyễn Đức Giang, tài ờ geh đèng, broă lơh sa - mpồl bơtiàn [òn Nà Ven dê gơtìp kal ke nđờ jơt nam do. Làng bol mìng gơtùi tam ală bơta chi tam ờ huan geh cồng nha lơh sa uă bè bùm blàng, tơngời mờ kòi. Broă bơsram sră oh kòn dê kung gơtìp gơ rềng sơl.

Tàm [òn geh hìu bơsram kấp 1, mơya mìng bơsram tus ơdu\ 4, ai kơnòm bơsram ơdu\ 5 mờ kấp 2 den mè bèp pal jun tus tiah tờm xã dê pơgap 7 kơi sồ. Ală broă lơh yal jơnau tơnggit, nhơl `o\ lơh rài bồ tơngoh ờ huan geh ngan. Geh tu\, tài broă lơh sa kal ke ir den tàng lơh gơ rềng tus broă bơtàu tơnguh Đảng. Ồng pà git:

“Lài do geh 5 nă cau geh Đảng, mơya 3 nă cau geh Đảng dan is lik bơh Đảng tài pal kơ lôi rơcang priă sàu sa pah ngai. Dilah tu\ do geh đèng den gơtùi tơmù dimơ bơta r[ah kal ke. Lài ngan là dà ngui sa wil tơl, bè dà [ồm, dà ngui, ròng phan. Làng bol kờ` tam ală bơta chi tam nàng bơtàu tơnguh rài kis bè tờm quê\t, tờm pơ ò mơya tài ờ geh dà den tàng ờ gơtùi tam. Dilah geh đèng den rài kis làng bol dê digơlan neh krơi. Làng bol geh tam ală chi tam jo\ nam bè chi sa plai, priă lơh geh digơlan uă rlau, gơtùi tơmù r[ah pơgap 50%.”

Ồng Lê Văn Bình, Phó kuang atbồ gah ồs đèng Buôn Đôn, di Kong ti ồs đèng Daklak pà git, tàm kơnhoàl tu\ do mìng gam [òn Nà Ven, xã Ea Wer ờ hềt geh đèng dà lơgar. Bơta do neh geh đơs uă tàm ală dơ\ pơrjum HĐND, mơya ờ hềt geh priă bơcri. Pa do, [òn Nà Ven geh ai mut tàm rơndap broă lơh đèng ai kơnhoàl Buôn Đôn in, mơya mhar ngan rlau jơh kung pal lồi nam tơ nơ\ hơ\ sồng geh đèng.

Ơm kis 30 nam mờ mìng ngài mờ tiah geh đèng 4 kơi sồ, mơya [òn Nà Ven, xã Ea Wer, kơnhoàl Buôn Đôn, càr Daklak kung ờ hềt geh đèng là dùl bơta hoàc huơr ngan.

Bơta hoàc huơr hơ\ gơ jat bal mờ dùl ròt ală bơta lơh sa - mpồl bơtìan bơh 74 hìu nhă làng bol dê (tàm hơ\ geh mờr dùl neh pal sang hìu đam dô tiah ndai), khà gam wơl jơh ală là hìu nhă r[ah. Mờ rơndap broă lơh đèng ai kơnhoàl Buôn Đôn in, kơp kờ` 2, 3 nam tus, [òn Nà Ven, xã Ea Wer geh gùng lik klàs rơ[ah.

                                                            Cau cih mờ yal tơnggit K’Duẩn