VOV4.K’ho – Kong ti Cổ phần tàu sơdàng 333 càr Daklak neh pơyua 4 tơmàn 300 tơlak priă dong kờl cau lơh broă sa tiah tam tàu bơh mpồl lơh sa kă bro dê bơsong jơnau gơ lời wơl bơh mìu càl rbut dờng sồ 12, pơlam cau lơh broă sa lơh niam wơl suơn tàu tơnơ\ mìu càl rbut dờng. Kong ti cổ phần tàu sơdàng 333 geh rlau 7 rbô 100 lồ tàu tàm 2 kơnhoàl M’Drak mờ Ea Kar, càr Daklak, geh mờr gùl bă tàu tàm 2 kơnhoàl do.

Tơnơ\ 3 ngai kờp sền, kong ti đal git, geh rlau 6 rbô lồ tàu bơh mpồl lơh sa kă bro dê gơtìp sơrling mờ pừ. tàm hơ\, bă tàu gơtìp pừ jơh là rlau 1 rbô 200 lồ, mờr 4 rbô 900 lồ ndai gơtìp pừ sơr ling. Mờ bă tàu gơtìp sơr ling, kong ti kờp du\, cau lơh broă sa digơlan gơtìp hoàc huơr rlau 10% priă lơh geh. mờ bă tàu gơtìp pừ jơh, priă lơh geh gơtìp hoàc huơr êt ngan là 30%, mơkung gơ jat bal mờ broă gơmù cồng nha tơnhàu kàl 2018 – 2019.