VOV4.K’ho-Bulah sơnam gam dềt mơya uă ơruh pơnu kơnòm pa tàu tàm càr Daklak neh geh uă jơnau kơlôi sơnơng, bơceh lơh geh uă broă lơh jak chài, gơtùi ngui mờ gơ cèng wơl cồng nha geh kuơ ngan tàm rài kis, lơh broă sa.

Lài do neh sền go\ mờ kơno yal bè ală rềs àr gùng lòt ngòt rơngơ\t ngan gơtìp tài bơh cau măy rơndeh ntoăt mhar ir mờ pleh gùng khat gơboh, oh Vũ Thanh Sơn, kơnòm bơsram ơdu\ 9C, Hìu bơsram Kấp hai Dray Bhăng, xã Dray Bhăng, kơnhoàl Cư\ Kui`, càr Daklak dê neh geh jơnau kơlôi sơnơng lơh geh dùl phan đơng pơlam măy rơndeh ngac ngar lời ai rơndeh măy in, gơtùi ai gơnoar lòt mhar halà lòt rơle\, yal lài geh phan kơryan.

Tơnơ\ 6 nhai jòi sơnơng lơh tơrlòng, Sơn neh  lơh geh phan đơng pơlam măy rơndeh măy ngac ngar, bal mờ 5 bơta niam: yal mờ gròi sền bơta lòt mhar halà rơle\ uă ngan rlau jơh; đo bơta ngài đah rơndeh mờ phan kơryan, tơrmù thăng mờ jă thang is; atbồ bơta lòt mhar halà lòt rơle\; tơngo\ bơnah xang geh tàm thùng rơndeh bơh rùp; tơngkah pờ đèng dan gùng.

Phan do neh geh jàu khà dùl tàm dơ\ pơrlòng bơceh lơh ơruh pơnu kơnòm pa tàu mờ kơnòm dềt càr Daklak nam 2017, khà dùl dơ\ pơrlòng bơceh lơh bơta chài măy mok ơruh pơnu kơnòm pa tàu càr Daklak nam bơsram 2016- 2017 mờ khà pơn jờng Dơ\ pơrlòng bơceh lơh jak chài măy mok ơruh pơnu kơnòm pa tàu mờ kơnòm dềt gùt lơgar nam 2016. Oh Vũ Thanh Sơn, yal:

“Tàm rài kis pah ngai tu\ oh jơh bơsram mờ oh lòt rê tàm gùng den oh sền go\ jơnau rềs àr gùng lòt uă ngan. Oh kờ` phan oh dê dờp geh bơta kờ` bal bơh ală anih lơh broă geh gơnoar dê, ngan là ală cau lơh gơlik phan gơtùi ngui phan bơh oh dê crăp tàm rơndeh măy he dê nàng ai gơnoar rơndeh lòt mhar halà lòt rơle\ kung bè yal lài geh ală phan kơryan tàm tu\ lòt rê tàm gùng”.

Kung geh bơh bơta kờ` jòi sơnơng mờ bơceh lơh, oh Nguyễn Trần Nhất Phi, bơsram ơdu\ 9B, hìu bơsram kấp hai 19/8, xã Ea Tiêu, kơnhoàl Cư\ Kui`, càr Daklak neh jòi sơnơng is bơh tàm internet jơnau gi\t wa\ bè lập trình mờ công nghệ điện tử. Oh neh mòn gơtùi Robot jồp thul kơmbuh is khòm tơrgùm sồ siă lơh sàng goh hìu he dê.

Pa do, oh Phi pơn jat tai jòi sơnơng mờ lập trình ală phan đơng pơlam phan ngui đèng tàm hìu mờ điện thoại ngac ngar. Mờ ală phan do, mìng kờ` tàm tơrbo\ mờ điện thoại bơh bluetooth, broă tơn chơ\t halà pờ ală phan đèng bè bong đèng, chi puh halà ti vi…gơ gơs dùl bă [ươn soh ngan, lờih lờm ngan ai cau ngui in, ngan là cau kra mờ cau kue\t kơlte.

Oh Nguyễn Trần Nhất Phi pà gi\t, jòi sơnơng is den tàng oh tìp uă ngan kal ke mờ lơh ờ gơtùi, mơya bơta dong kờl jơh nùs bơh hìu bơnhă mờ cau pơgru dê là bơta pràn dong oh nàng oh pơn jat tai lơh gơs niam phan bơna. Oh Phi, đơs:

“Bơh sơnrờp den he ntàu dơm hìu dê. Tơnơ\ hơ\ den he bơsram lập trình bè đơng pơlam mờ jòi sơnơng bè ală phan ngui điện tử dipal mờ broă bơh hìu dê. Tơnơ\ hơ\ he tàm tơrbo\ ală mạch mờ lơh tơrlòng tơl broă. Tu\ oh lơh den bàr pe mạch điện tử bơh sơnrờp ờ hềt lơh gơs den tàng ală broă ờ hềt gơtùi ngui geh den lơh oh ờ gơdan lơh tai. Tơnơ\ hơ\, oh geh bơta dong kờl bơh hìu bơnhă mờ lồi du\t den oh neh lơh gơtùi”.

Ai gơ wèt mờ oh Nguyễn Ngọc Hồng Ánh, kơnòm bơsram hìu bơsram kấp hai Cao Bá Quát, xã Cư\ Mgar, kơnhoàl Cư\ Mgar, càr Daklak, jơnau kờ` lơh geh rơndeh lơh is ală broă khòm tơrgùm, cho\, gum, ơn tàm [ào kơphê geh bơh tu\ sền go\ bơta bòl glar ngan bơh mè bèp dê tàm ală kàl tơnhàu kơphê.

Tơnơ\ tu\ tơngai jòi sơnơng, lùp bơsram mờ kơnòm geh bơta dong kờl bơh cau pơgru bal mờ gơ\p bơyô dê, Ánh neh lơh gơs rơndeh geh pràn lơh broă 4 mã lực, geh cần gạt số nàng lòt mờ ală phan jun is khòm tơrgùm mờ ơn tàm [ào kơphê. Mờ rơndeh do, broă khòm tơrgùm gơ gơs [ươn ngan rlau, ờ roh uă tu\ jiơ mờ pràn lơh broă ai cau ngui in.

Oh Nguyễn Ngọc Hồng Ánh, yal:

“Ală tu\ lơh geh rơndeh do là jo\ jòng ngan. Pơn yơu bè phan jun tus tu\ he tuh tềng bòng đơ den gơ gơtìp gơtuh bơdìh, kờ` pal lơh niam wơl mờ săp ntas nggồr bơh rơndeh dê he ờ chài gi\t lơh bè lơi gơ in nggồr dềt wơl.

Mờ gam uă bơta ờ niam ndai kờ` pal lơh niam wơl mờ oh pal dan mờ pơgru bơto pơlam [à. Oh kơ\p kờ` là tu\ lơh gơs cồng nha mờ geh lơh gơlik uă ai làng bol in tơrmù [à cau lơh broă uă rlau. Khà priă lơh gơs bơh rơndeh dê là pơgăp 5 tơlak, oh sền là digơlan gơtùi lơh gơlik uă geh”.

Bơh ală jơnau kờ` ngan ngồn tàm rài kis, uă ơruh pơnu kơnòm pa tàu tàm Daklak neh jòi sơnơng nàng lơh gơlik ală phan ngui jak chài măy mok. Bơh hơ\ dong ală oh ngui bơta pràn jak bơceh lơh mờ jơnau hàm kờ` kơlôi sơnơng bơta jak, ngui jơnau gi\t wa\ mờ he neh bơsram tàm sră nàng lơh tàm ală bơta geh ngan tàm rài kis!

                                                             Cau cih mờ yal tơngi\t- Lơ Mu K’Yến