VOV4.K’ho – Drim òr (31/5), Hìu chài rơgơi ơruh pơnu, kơnòm pa tàu, kơnòm dềt Daklak pơgồp bal mờ Kes priă sền gàr mờ dong kờl kơnòm dềt càr bơyai lơh broă lơh ngai Dunia kơnòm dềt 1/6 mờ mut lơh broă lơh kàl rlô bơkang nam 2018.

Daklak pà phan kơnòm dềt in

Di tu\ do, Kes priă sền gàr mờ dong kờl kơnòm dềt càr pơgồp mờ ală cau dong kờl neh jàu priă dong lơh 6 nơm hìu nùs nhơm ai ală oh dềt kòn đời geh rài kis uă kal ke in (mờ khà dong kờl 50 tơlak priă tàm 1 nơm hìu), dong kờl 6 dơ\ reh plai nùs ai ală oh dềt gơtìp kòp plai nùs bơh pa deh mờ priă dong kờl 361 tơlak; jàu 127 bơnah priă dong kờl bơsram ai kơnòm bơsram geh rài kis uă kal ke tàm ală anih ròng siam, bơto bơtê kơnòm kòn đời, cau kuet kơlte geh cồng nha jak tàm broă bơsram sră.