VOV4.K’ho – Mờ uă broă lơh ngan ngồn bè: dong kờl hìu ơm, lùp còp tu\ kòp jê, dong kờl geh tiah lơh broă duh hồl, geh cồng nha, ală kấp công đoàn tàm càr Daklak neh ai go\ bơta sền gròi tus rài kis cau lơh broă dê. Mut tàm công đoàn, cau lơh broă geh sền gàr gơnoar mờ bơta kuơ dipal, bơh hơ\ pin dờn lơh broă, lơh sa, tă pơgồp tàm bơta bơtàu tơnguh bal bơh mpồl lơh broă, mpồl lơh sa kă bro dê:

Pah [ùi drim tơnơ\ tu\ tơn jơh dơ\ lơh broă mờ jun kòn lòt bơsram, bi ùr Hứa Thị Đông Trinh, công nhân pơs wàs tiah ơm kis, kong ti TNHH Môi trường Đông Phương Daklak, lời tu\ tơngai lòt tàm suơn nàng sền mpồl iar pa ròng. Bi ùr Trinh pà git, bi ùr neh càn 6 tơlak priă bơh kes priă “tam klac dong kờl bal mờ gơp” bơh công đoàn kong ti dê nàng blơi iar sơntìl mờ lơh wàng ròng. Rài kis hìu bơnhă kal ke, dùl nă ròng kòn gam dềt, den tàng bơdĩh mờ priă nhai, ròng iar tàm suơn dong bi ùr geh tai priă lơh geh mờ geh tai phan sa hìu bơnhă in: “Geh bơta sền gròi bơh Mpồl đơng lam kong ti mờ Ban chấp hành kong đoàn den kong ti kung dong kờl nàng oh mi cau ùr geh tai priă jền lơh geh mờ broă dong kờl ai càn priă nàng oh mi cau ùr in lơh sa tai tàm hìu bơnhă, pơn yơu bè ròng phan. Đơs bal là bơdĩh mờ priă ndai mờ kong ti tơm pah nhai den he kung lơh geh tai 1 êt priă jền nàng dong rài kis hìu bơnhă dê niam rlau tai.”

Kơnờm kes priă tam klac dong kờl bal mờ gơp bơh kong đoàn kong ti dê, bi ùr Trinh mờ uă đoàn viên ndai neh geh càn priă nàng bơtàu tơnguh broă lơh sa, tơnguh tai priă lơh geh. Jat tơr gùm kờp bơh Liên đoàn lao động Daklak dê, tus tu\ do, càr geh rlau 90% công đoàn bơt bơtàu kes priă tam klac dong kờl bal công đoàn mờ priă tă pơ gồp geh mờr 30 tơmàn. Bơh kes priă do, neh ai mờr 33 rbô dơ\ đoàn viên in càn nàng bơtàu tơnguh lơh sa hìu bơnhă, mờ khà ai càn bơh 3 tus 10 tơlak priă tàm 1 dơ\.

Ală kấp công đoàn kung sùm sền gròi, lùp còp, pà phan cau lơh broă geh rài kis kal ke, cau gơtìp rềs àr broă lơh di ală ngai chờ, ngai sa tềp. Mò Nguyễn Thị Thân, công nhân kong ti TNHH MTV atbồ tiah drà mờ tiah ơm kis Daklak gơtìp rềs àr lơh broă nam 2011 mờ khà sồt să 81%. Kơnờm geh công đoàn, mò neh geh sền gàr gơnoar kuơ he dê, geh dờp tơl ală bơnah dong kờl jat jơnau cih adat boh lam dê mờ geh ai lơh broă di mờ pràn să jan tu\ do mò dê. Ală kấp công đoàn kung sùm tus lùp còp, pơn jờng, dong mò tơmù dimơ kal ke tàm rài kis. Mò đơs: “Anih lơh broă mờ kuang đơng lam công đoàn pah nam kung tus lùp còp, pà phan, nting sap sa tềp mờ tam pà bal kal ke tàm ală tu\ a` gơtìp bè do den a` kung ưn ngài ngan kuang đơng lam liên đoàn lao động mờ ală kuang bàng bơh kong ti dê.”

Kuang đơng lam công đoàn sùm lùp còp cau lơh broă tàm ală ngai chờ, sa tềp

Hìu ơnàng mờr 40 thơk vuông bơh hìu bơnhă bi ùr H’Thoai Hra, đoàn viên công đoàn anih lơh broă gơnoar atbồ kơnhoàl Buôn Đôn là 1 tàm 28 nơm hìu công đoàn tàm kơnhoàl Buôn Đôn geh Liên đoàn lao động kơnhoàl dong kờl lơh pa bơh kes priă hìu ơm công đoàn tàm tơngai bơh nam 2013 tus nam 2017. Bi ùr H’Thoai pà git, tài rài kis kal ke den tàng 11 nam do, 3 nă mè mờ kòn bi pal ơm hìu ơpah mờ ơm jồm hìu ơm bal bơh anih lơh broă dê. Lồi nam 2017, bi geh kes priă hìu ơm công đoàn bơh Liên đoàn lao động kơnhoàl Buôn Đôn dê dong kờl 30 tơlak, bal mờ dùl êt priă tềm pềr geh mờ bơta dong kờl bơh oh mi jơi nòi dê, tơnơ\ rlau 3 nhai lơh, hìu bơnhă bi H’Thoai neh geh hìu ơm pa. Do là bơta pơn jờng, dong kờl kuơ màng ngan, dong bi iang nùs lơh broă mờ ròng siam ală kòn: “Să tờm a` bơtuah ngan geh bơta sền gròi bơh anih lơh broă, công đoàn, gơnoar atbồ, liên đoàn lao động kơnhoàl dê, den pa do neh dong kờl hìu bơnhă a` lơh geh 1 nơm hìu kơ\ kơljap nàng a` iang nùs lơh broă nàng ròng 2 nă kòn dềt nàng ală sau in bơsram tus gùng tus dà, ờ git đơs bè lơi tai, a` chờ hờp ngan.”

H’Thoai Hra geh jàu hìu ơm công đoàn

Jat Liên đoàn lao động Daklak, ală nam do, broă lơh hìu ơm công đoàn neh geh lam lơh geh cồng nha tàm jơh ală kấp công đoàn. Tàm tơngai bơh nam 2013 tus nam 2017, neh dong lơh pa mờ lơh niam 650 nơm hìu ai cau lơh broă gơtìp kal ke bè hìu ơm in mờ priă dong lơh mờr 19 tơmàn. Bal mờ hơ\, ală kấp công đoàn tàm càr neh mut lơh ngai sơlơ niam broă sền gròi rài kis phan bơna mờ nùs nhơm ai đoàn viên, cau lơh broă tàm càr in. Bơh nam 2013 tus tu\ do, neh dan bơsong bơta dong kờl ai cau pơgru tiah sar lơgar ngài, tiah uă kal ke in mờ priă dong kờl rlau 20 tơmàn; ai wơl dồs bảo hiểm xã hội, bảo hiểm y tế, bảo hiểm ờ geh broă lơh rlau 15 tơmàn.

Mờ ală broă lơh ngan ngồn, công đoàn gam ngai sơlơ gơ gơs là anih kơl dìng kơ\ kơljap, dong cau lơh broă geh sền gàr gơ noar mờ bơta kuơ dipal. Ngan là tu\ să tờm ờ bơtuah gơtìp rềs àr, bơh hơ\ dong khi iang nùs lơh broă, đềr mềr mờ kong ti, mpồl lơh sa kă bro mờ công đoàn.

                                                     Cau cih mờ yal tơnggit K’Duẩn