VOV4.K’ho - Tàm ala\ ngai do,  cau tam tiêu tàm ờ ua\ xã rềp mờ Trung  tâm Hành chính kơnhòal Cư\ Kui`, càr Daklak gam ờ suk ngan, tài suơn tiêu gam gơbàn chơt ro sơ bac ngan.

Gơbàn  bơta do la bơh dơ\ mìu pa do, dà bơh dòr cao su bơh Nông trường Cao su 19/8 bơh Kong ti TNHH MTV Cao su Daklak gơ tuh tus tiah Trung tâm hành chính kơnhòal, lìu tus gùng dờng 27 mờ gùng càr sồ 10 lơh gơ ngơr bam di 60 lồ tiêu mờ ua\ phan tam bơh 3 xã Dray Bhăng, Hòa Hiệp mờ Ea Bhốk. Tềng đap mat, UBND kơnhòal Cư\ Kui` neh ta\ pria\ rcang lài mờr 45 tơlak pria\ nàng blơi vôi lơh kloh, dong kờl rlau 100 tơlak pria\ nàng cau tam tiêu blơi sơnơm bơsong kòp tềng tờm tiêu.

Mơ kung geh jơnau dan UBND càr Daklak dong kờl mờr 200 tơlak pria\ nàng blơi sơnơm rcang sơndra\ kòp chơt mhar, chơt lơyaì tềng tiêu.

                         Cau cih mờ yal tơnggit K’ Brọp