VOV4.K’ho – Tàm uă nam do, ală broă lơh mblàng yal tềm pềr đèng tàm Daklak neh lơh tam gơl hời rơ hời broă ngui đèng bơh làng bol dê. Dong khi ngui đèng tềm pềr mờ geh cồng nha rlau, pơ gồp bơnah tơmù priă ngui đèng, bal mờ gah lơh đèng ngui đèng geh cồng nha.

Ală nhai pa do, priă ngui đèng bơh hìu bơnhă ồng Y Bin Êya, ơm tàm [òn Ê Rang, sơnah [òn Khánh Xuân, [òn dờng Buôn Ma Thuột, càr Daklak neh gơmù rlau 1/3 pơn drờm mờ lài do. Ồng Y Bin pà git, hìu bơnhă ồng geh 3 hìu ngui bal dùl gùng che đèng mờ dùl nơm đồng hồ đèng. Lài do, tài gùng che đèng neh yau, ală phan bơna ngui đèng tàm hìu bơnhă kung neh ngui jo\ nam den tàng hoàc uă ngan đèng. Pơgap mờ do 3 nhai, mpồl lơh niam gùng che đèng bơh Kong ti ồs đèng Daklak dê pơgồp bal mờ Đoàn ơru pơnu sơnah [òn tus lơh niam wơl đèng làng bol tàm [òn in, hìu bơnhă ồng kung neh ala gùng che đèng yau, ngui [ong đèng led ala đèng bè ờs. Bal mờ hơ\, đoàn viên ơruh pơnu gam sơlơ mblàng yal ngui đèng geh cồng nha, ờ do ờ dă mờ tềm pềr: “Tu\ do den hìu bơnhă a` dê ngui đèng git kơrhia ngan, ngui đèng geh tu\ jiơ mờ ngui đèng tàm tu\ jiơ ơm bal, sền tivi tàm trồ mang. A` sền gròi ngan tus tềm pềr đèng mờ gàr niam ờ do ờ dă tus mờ phan bơna ngui đèng tàm hìu bơnhă. A` go\ broă lơh do cèng wơl bơta kuơ ngan ngồn hìu bơnhă in, dong tơmù priă đèng, rlau mờ hơ\ tai, gùng dà broă lơh bơh Đảng mờ dà lơgar dê là kung sùm mblàng yal ngui đèng tềm pềr mờ geh cồng nha, den a` go\ bơta do là di ngan.”

Mblàng yal tềm pềr đèng là broă lơh sùm geh Kong ti ồs đèng Daklak mờ ală mpồl lơh ồs đèng gơwèt kong ti lam lơh tàm tơngai lài, kờ` tơnguh jơnhua cồng nha ngui đèng tàm càr. Jat kuang đơng lam Kong ti ồs đèng Daklak, bơh bồ nam, kong ti neh bơt bơtàu broă rơndap lơh mờ sơlơ tơnguh rlau tai ală broă lơh mblàng yal tềm pềr ồs đèng tus gal ngan cau ngui đèng, bơh ală broă lơh bè: Mblàng yal tềm pềr đèng tềng anih lơh broă, broă lơh tềm pềr đèng tàm bòn ơm kis; broă lơh tềm pềr đèng tàm ală hìu bơsram; broă lơh jiơ plai ù.

Bal mờ hơ\, broă bơto bơtê git wă tềm pềr đèng ai kơnòm bơsram in geh Kong ti ồs đèng Daklak sền gròi mut lơh. Ngan là pơr lòng “Kơnòm bơsram mờ jơnau git wă tềm pềr đèng” neh geh bơyai lơh tàm ờ uă hìu bơsram kấp 2 tàm càr. Do là broă lơh kờ` mblàng yal, bơto bơtê git wă tềm pềr đèng kơnòm bơsram in, dong ală oh tơnguh jơnau git wă, tam gơl broă lơh nàng ngui đèng tềm pềr, ờ do ờ dă mờ geh cồng nha. Oh Lê Quang Cảnh, kơ nòm bơsram hìu bơsram kấp 2 Ea Yông, xã Ea Yông, kơnhoàl Krông Pắk tus bal pơr lòng pà git: “Pơr lòng dong oh git loh rlau tai bè tềm pềr đèng mờ ngui đèng ờ do ờ dă. Tu\ rê lơh jat tàm hìu bơnhă mờ hìu bơsram den tềm pềr geh uă ngan priă jền mờ tơmù [à priă ngui đèng tàm hìu bơnhă mờ hìu bơsram.”

Bal mờ hơ\, tàm ală anih bơyai lơh pơr lòng, Kong ti ồs đèng Daklak neh bơyai lơh uă broă lơh bơdĩh mờ tơngai bơsram tàm ơdu\ ai kơnòm bơsram in, bè: phàt sră cih jơnau tơnggit mblàng yal tềm pềr đèng; yal rùp ai lơh pơn yơu jơnau git wă bè ngui đèng; lùp jơnau geh pà phan. Ồng Vũ Duy Đồng, atbồ hìu bơsram kấp 2 Ea Yông, xã Ea Yông, kơnhoàl Krông Pắk đơs, pơr lòng neh geh gơ rềng uă ngan tus jơnau git wă lơh jat is bơh kơnòm bơsram dê, dong ală oh git tềm pềr đèng bơh ală broă lơh dềt ngan rlau jơh. Mờ ală jơnau git wă rềp mềl mờ bơta geh ngan, ală dơ\ bơsram bơdĩh mờ tơngai bơsram tàm ơdu\ neh yal ală oh in uă jơnau git wă bè tềm pềr đèng nàng lơh jat tàm hìu bơsram, tàm hìu bơnhă mờ tàm rài kis: “Jat a` sơnơng là, tu\ ală oh jơh bơsram den kung git is gơ sơt ală [ong đèng mờ phan ngui đèng. Hơ\ sồng rê tàm hìu bơnhă den kung yal mờ mè bèp, oh mi mờ làng bol tàm [òn in git bè broă ngui đèng bè lơi nàng tềm pềr mờ geh cồng nha ngan rlau jơh.”

Ală broă lơh bơh broă mblàng yal tềm pềr đèng bơh gah ồs đèng dê neh cèng wơl cồng nha niam ngan. Jat tơr gùm kờp bơh Kong ti ồs đèng Daklak dê, mìng kờp is tàm nhai 7 nam do, khà đèng tềm pềr geh rlau 3 tơlak 600 rbô kWh đèng pơn drờm mờ bal tu\ nam lài dê, đèng tềm pềr geh tàm 7 nhai do là rlau 24 tơlak kWh. Ndrờm mờ priă tềm pềr geh là rlau 37 tơmàn priă. Bơta do ai go\, jơnau git wă ngui đèng tềm pềr neh geh bơt bơtàu mờ cèng wơl cồng nha tàm mpồl bơtiàn.

                 Cau mblàng K’Duẩn