VOV4.K’ho – Bulah gah lơh ồs đèng sùm blàng yal, đơs lài ngòt rơngơt, geh tu\ lơh sră sồr gơnoar atbồ tàm [òn lơgar pơ gồp bal bơsong, mơya tàm càr Daklak kung gam geh git nđờ rhiang nă cau lơh tìs bă tiah ờ do ờ dă rềp gùng che đèng. Nam do, gùt càr neh lơh glài 26 nă cau lơh tìs, uă ngan là bơh gah lơh ồs đèng rơcang lơh, tàm tu\ jơnau git wă lơh jat làng bol dê kung gam dùl êt ngan:

Bơta lơh tìs bă tiah ờ do ờ dă rềp gùng che đèng gơlik geh uă ngan tàm xã Ea Ktur, kơnhoàl Cư Kuin, càr Daklak. {uơn go\ ngan rlau jơh là drà Trung Hoà, jat kềng gah gùng rơndeh 27, là tiah geh gùng che đèng cao thế 110Kv lòt gan. Tàm do, geh uă ngan hìu bơnhă làng bol lơh hìu ơm, pờ anih tac phan sơgràm tìs bă tiah rềp gùng che đèng, geh tu\ tìm rơkàng sơlo gùt dar `jrong đèng cao áp, dilah gơlik geh bơta ồs sa bơrtoh halà jờk đèng tàm nhai mìu den ngòt rơngơt ngan. Mò Nguyễn Thị Lan, ơpah hìu geh rơkàng sơlo glòm gùt dar `jrong đèng nàng tac àu mpha đơs:

“Gah ồs đèng khi lơh bè hơ\ den he kung pal kong, tu\ do git lơh bè lơi. Go\ ngòt rơngơt kung pal kong sơl. Tu\ do git ntrờn lòt tiah lơi. Đơs ngan là he pal là cau geh jơnau đơs, ờ geh bơta lơi gơ kòl nàng gah ồs đèng pal geh jơnau đơs.”

Mìng kờp is tàm kơnhoàl Cư Kuin, 16 hìu nhă geh hìu ơm lơh tìs bă tiah ờ do ờ dă rềp gùng che đèng, tàm hơ\ uă ngan là lơh rơkàng sơlo glòm gùt dar `jrong đèng cao áp. Bơdĩh hơ\ tai, Cư Kuin kung là tiah tam uă tiêu bơh càr Daklak dê, den tàng bơta lơh ìs bă tiah ờ do ờ dă rềp gùng che đèng tàm suơn chi gơlik geh uă ngan.

Ngan là tàm nhai klah ntê halà pic tiêu, làng bol ngui ntùng lòs jơnhua mờr 10 thơk, hàu rềp gùng che đèng, den tàng jơnau gơtìp đèng jờk, gơlik geh rềs àr là uă ngan. Mùl màl bè bi Nguyễn Thị Khang ơm tàm [òn 18, xã Ea Ktur, kơnhoàl Cư Kuin neh gơtìp đèng jờk tàm tu\ hàu ntùng nàng pic tiêu. Ồng Đặng Xuân Vũ, Kuang atbồ kong ti ồs đèng Cư Kuin pà git, bơdĩh mờ ală hìu ơm lơh tìs tàm tơngai jo\ jòng ờ hềt geh bơsong, den bơta làng bol tam tiêu hơ đơm `jrong đèng là ngòt rơngơt ngan. Ồng đơs:

“Tàm nam pa do, geh uă cau gơtìp rềs àr bơh đèng. Khi ngui ntùng nàng pic tiêu den ờ ơn ngài mờ gùng che đèng den tàng gơtìp đèng jừk. Khi ờ sơnơng là đèng tàm pơgap 50 phơng là neh gơ jờk, den tàng pa do geh cau tàm Ea Ktur gơtìp đèng jờk. Khi kung geh jơnau yal sồr tơm priă, mơya mùl màl den là tìs bơh khi dê ờ di bơh he dê. Geh uă tu\ khi kơl chi mờ ờ yal, tờm chi gơ pừ di che đèng, lơh gơbàn đèng jờk, khi ngòt ir den tàng sang tơn.”

Tàm càr Daklak bơh bồ nam 2017 geh 114 broă lơh, hìu ơm lơh tìs bă tiah ờ do ờ dă rềp gùng che đèng. Ală broă lơh tìs uă ngan là lơh rơkàng sơlo gùt dar `jrong đèng trung áp. Bơdĩh hơ\ tai, bơta lơh tìs bă tiah ờ do ờ dă rềp gùng che đèng tàm ală bă brê kuơ màng, suơn chi kau su tàm kơnhoàl Cư Mgar, tờm muồng jù jơm rơ hiơm kìng càl tàm suơn kơphe bơh Kong ti kơphe Thắng Lợi tàm kơnhoàl Krông Pach halà ală suơn tiêu tàm kơnhoàl Cư Kuin…gơlik geh uă ngan.

Ồng Bùi Khắc Dũng, Kuang atbồ Phòng Kỹ thuật an toàn, di Kong ti ồs đèng Daklak pà git, nam do, gùt càr neh lơh glài 26 nă cau lơh tìs, uă ngan là bơh gah ồs đèng lơh lài. Khà gam wơl neh lơh sră pơyua tus tơl hìu nhă lơh tìs, mơkung sồr gơnoar atbồ tàm [òn lơgar pơ gồp bal bơsong, mơya tu\ do kung gam 88 hìu nhă ờ hềt lơh jat. Bal mờ broă lơh mblàng yal, lam sồr, gah lơh ồs đèng kung geh rơndap broă bơsong bơta do tàm tơngai tus. Ồng Dũng pà git:

“Uă ngan ală broă lơh tìs ndrờm bơh gah lơh ồs đèng rơcang lài cih tàm ală rơndap broă lơh niam wơl dờng, lơh niam wơl dềt mờ bơt bơtàu kuơ màng, mờ broă ntrờn, lơh niam wơl, lơh wơl tàm tiah ndai halà ơla wơl che đèng glòm… uă broă lơh bè bơta kỹ thuật.

Ai bơta lơh bal bơh làng bol dê den ờ huan geh ngan, là tài bơh jơnau git wă bơh làng bol dê. Khà gam wơl kung neh geh rơndap broă cih tàm broă lơh niam wơl pah nam nàng bơsong, hời rơ hời tơmù khà hơ\.”

Gàr niam bă tiah ờ do ờ dă rềp gùng che đèng ờ mìng gàr niam gùng che đèng, drơng broă lơh sa, rài kis, kă bro, mờ kuơ màng rlau jơh là gàr niam ờ do ờ dă màng kis làng bol tàm tiah geh gùng che đèng lòt gan. Mơya tàm Daklak, uă [òn làng bol ơm kis, mờr 100 nơm hìu ơm lơh tìs bă tiah ờ do ờ dă gùng che đèng; uă tiah tam phan, làng bol kong ờ ngòt, tam chi hơ đơm gùng che đèng ờ gàr tơl khà ngài ờ do ờ dă. Khà ngòt rơngơt tus mờ màng kis neh geh gah lơh ồs đèng đơs lài mơya uă hìu hă làng bol kung ờ hềt ngan ngồn lơh bal nàng bơsong.

                                                             Cau cih mờ yal tơnggit K’Duẩn