VOV.K’ho-Gam dùl êt ngai tai là tus ngai sa tềp bơhiàn Mậu Tuất nam 2018, drà kă bro phan ngui nsa tàm Daklak gam gơlơh duh hồl ngan, ală bơta phan uă ngan, mờ li la ngan sền niam mat ngan, lơh di jơnau kơ\p kờ` blơi phan ngui sa bơh làng bol dê.

Tàm tơngai do, tàm [òn dờng Buôn Ma Thuột, càr Daklak, phan bơna ràng tăc tàm ală siêu thị mờ ală drà bơh yau neh gơguh uă ngan bè khà, bơta phan, ngan là ală bơta phan kờ` pal geh, bè phan ngui sa, banh kèu, mứt ală bơta, phan sa, puăc ka, biăp, phan lơh gơs bơh sươn sre…

                                             Duh hồl drà kă bro phan sa tề

Jat jơnau đơs bơh cau ngui sa dê, khà priă ală bơta phan nam do gơguh dùl êt, geh tu\ là uă bơta phan gơ ơm tàm ală broă lơh blơi phan geh pà phan geh tơrmù khà priă bơh 15- 30%. Ngui tu\ jiơ ơm rlô ngai lòt blơi àu mpha pa ai ală cau tàm hìu bơnhă in, bi Phạm Trần Tú Anh, ơm tàm sơnah [òn Thắng Lợi, [òn dờng Buôn Ma Thuột, càr Daklak pà gi\t, phan àu mpha nam do geh uă ngan, li la mờ niam ngan, ai khà priă den dipal ngan. Bi Phạm Trần Tú Anh, đơs bè do:

Đơs bal nam do, ală bơta phan tàm do li la mờ uă ngan, khà priă den kung ờ go\ kas uă ir pơndrờm mờ nam lài, ală bơta phan khà priă kung gơguh sơl, mơya tu\ do bè oh dê sền go\ den ală broă lơh blơi phan geh pà phan halà tơrmù khà priă geh uă bơta phan gơ dipal mờ priă jền he geh.

Gơ wèt mờ ală bơta phan pà, kơnờm bơh bơta [ươn ngui, rùp să niam den tàng ală bìai phan geh năc dan blơi uă. Gơ jat tàm khà phan mờ bơta niam krơi is mờ tơl biài phan geh tăc bơh 250 rbô tus 1 tơlak priă, mờ uă bơta phan bè: banh mứt, ce, kèu, kơphê, phan ro, ơlak bơh ală măt phan kư bro geh bơngă pin dờn dê. Bơdìh mờ ală biài phan geh dăp lài, cau năc gơtùi sac rwah ală bơta phan rah rài nàng dăp jat mờ nùs he dê kờ`.

Bìer, ơlak, dà lơngồt kung là ală bơta phan geh cau ngui sa rwah blơi uă ngan bal mờ uă bơta phan, li la ngan. Mơya, ală bơta phan Việt Nam niam ngan kung gam geh cau ngui sa sac rwah blơi lài sơl. Bi Hồ Thị Lý, ơm tàm sơnah [òn Tự An, [òn dờng Buôn Ma Thuột, càr Daklak, pà gi\t:

Dơ\ sa tềp nam do a` sac rwah mờ blơi lài phan Việt Nam niam ngan, ală phan bơna mờ he sền go\ niam mơkung dipal mờ priă he geh. Đơs bal là phan Việt Nam ală phan bơta phan mờ he rwah blơi cèng rê ngui sền go\ khà priă dipal, bè bơta niam kung gơlơh niam sơl rlau den tàng a` rwah blơi phan Việt Nam niam ngan nàng iang nùs ngui sa tàm dơ\ sa tềp do.

Pleh jơnau “phan ờ huan geh uă, gơguh uă khà priă” tàm ală ngai mờr tus sa tềp, tài bơh cau blơi phan gơguh uă, Sở Công thương càr Daklak sồr ală mpồl lơh sa kă bro tus bal lơh broă lơh gàr niam khà priă gơ wèt mờ ală bơta phan pal geh drơng sa tềp bơhiàn. Bơh hơ\, neh geh uă mpồl lơh bal broă lơh do bal mờ kờp jơh phan bơna kă bro ơn prăp là mờr 230 tơmàn priă.

Bè đah he, ală mpồl lơh sa kă bro neh rơcang lài ơn prăp tơl phan nàng lơh bal broă lơh do, ngan là ală bơta phan sa geh jơnau kờ` ngui sa uă, bè: phe, mbar, puăc sur, puăc iar ada, ka ală bơta, phan sa tru\ gơm lài, tơngi sa, sơdàng, biăp, bùm kơnuh…Mò Trần Thị Thành Nhân, Phó Giám đốc gah phan, Ală siêu thị Co.opmart Buôn Ma Thuột, pà gi\t: nàng lơh di jơnau kờ` bơh cau ngui sa dê tàm dơ\ sa tềp, siêu thị neh geh khà ơn prăp phan gơguh 15% pơndrờm bal dùl tu\ mờ nam lài. Bè khà priă, siêu thị Co.opmart Buôn Ma Thuột hơ geh khà priă ndrờm halà lơyah rlau mờ khà priă tàm drà bơh 5-10%. Mò Trần Thị Thành Nhân, đơs bè do:

Co.opmart ơn prăp phan gơguh tai pơndrờm bal dùl tu\ mờ nam lài tus 15%, tàm hơ\ mpồl phan gàr khà priă gơguh bơh 5-30% gơ jat mpồl, mơya tơrgùm uă tàm mpồl phan biăp, bùm kơnuh, plai chi, puăc ka mờ ală bơta phan sa măy mok lơh gơlik lài bè banh, mứt, bìer, dà lơngồt, gam wơl ală bơta phan ndai khà gơguh bơh 5-30% gơ jat tàm mpồl phan mờ khà priă den kung hơ gàr khà priă lơyah rlau mờ drà kă bro bơh 5- 10%.

Tàm broă lơh lài mờ dơ\ sa tềp, Co.opmart kung tơnguh tai ală broă lơh blơi phan geh pà phan halà tơrmù khà priă nàng dong cau năc blơi phan geh khà priă dipal rlau mờ blơi phan sa tềp tềm pềr rlau.

Sơlơ mờr tus ngai sa tềp, jơnau kờ` blơi phan ngui sa bơh làng bol dê ngai sơlơ gơguh uă ngan mơya mờ bơta rơcang lài niam ngan bè phan kă bro bal mờ broă lơh gàr niam khà priă, geh dong làng bol càr Daklak iang nùs tàm bơta niam mờ khà priă phan kă bro tu\ rwah blơi ai hìu bơnhă mờ cau pròc mhàm he dê in.

Cau cih mờ yal tơngi\t- Lơ Mu K’Yến