VOV4.K’ho – Gùt càr Daklak tu\ do geh rlau 1 rbô 500 nă cau gơtìp sơnơm khih điôxin lơh aniai gam geh dong kờl, geh 1 rbô 63 nă cau neh geh tu\ tus bal tơn tam lơh mờ kòn tờm khi dê. Kờp jơh priă tă tong dong kờl pah nhai ai cau gơtìp sơnơm khih điôxin lơh aniai in mờr 2 tơmàn 500 tơlak, tàm hơ\ khà dong kờl uă ngan rlau jơh là 3 tơlak 200 rbô tàm 1 nă cau tàm 1 nhai (gơwèt mờ cau gơtìp gơmù bơta pràn lơh broă bơh 81% rlau hơđang) mờ khà lơyah ngan rlau jơh là 1 tơlak tàm 1 nă cau tàm 1 nhai (gơwèt mờ cau gơtìp gơmù pràn lơh broă bơh 21 tus 40%). Bu\lah bè hơ\, jat Mpồl cau gơtìp sơnơm khih điôxin lơh aniai càr Daklak yal, càr gam mờr 4 rbô 500 nă cau gơtìp sơnơm khih điôxin lơh aniai, geh cau neh geh tus bal tam lơh tơn mờ kòn, sau khi dê kung gam ờ hềt geh dờp dong kờl bơh dà lơgar dê. Jơnau geh bơta do là tài geh ờ uă gùng dà broă lơh ờ hềt ring bal; cau tus bal tam lơh mơya tu\ do ờ geh sră pơ àr lơh cơng tàng… Tu\ do, càr gam pơn jat tai sơlơ lơh mhar broă lơh jơh sră nggal, chính sách tus mờ ală cau gơtìp sơnơm khih điôxin lơh aniai, nàng khi in mhar geh dờp bơta dong kờl dipal mờ bơta phi să tàm rài tam lơh sền gàr ngap lơngai is jơi bơtìan in.