VOV4.K’ho- Lơh jat gùng dà broă lơh ờ huan ngui priă ngan tàm tu\ tơm, Công ty Ồs đèng Daklak neh jơh nùs pơgồp bal mờ ală ngân hàng mờ bơyai lơh tă [à priă đèng. Mơya, broă lơh do tu\ do kung gam tìp uă kal ke, tài uă ngan cau ngui đèng là cau lơh broă sa sươn sre ờ hềt geh bơta quèng ngui tài khoản, tàm tu\ ală mpồl tă [à ờ hềt ngan ngồn sền gròi tus [òn lơgar tàm tiah sar lơgar ngài bơh càr dê.

Ơm tơn tàm [òn dờng Buôn Ma Thuột, mơya pah nhai, ồng Lê Ngọc Hải ơm tàm sơnah [òn Ea Tam kung gam pal đìh rơndeh măy lòt gùng jòng rlau 4 kơi sồ tus tàm anih lơh broă bơh Công ty Ồs đèng Daklak dê nàng tơm priă đèng. Bơdìh mờ priă đèng ngui tàm rài kis, hìu bơnhă ồng Hải gam ngui đèng nàng tuh dà kơphê mờ phan tam in tai, kờp bal pah nhai priă đèng pal tơm jơh pơgăp bơh 400 tus 500 rbô đong.

Bulah ờ [ươn, mơya uă nhai tài bơh rơcang lơh broă sa tàm sươn mìr mờ ồng neh hi\u te\ tơm priă đèng, den tàng đèng gơtìp koh, mơya ồng Lê Ngọc Hải kung gam ngui priă mat nàng tơm tơn tàm Công ty ồs đèng. Ồng Lê Ngọc Hải, đơs:

“Pah tu\ tus tơngai là he pal tus tàm do nàng tơm priă đèng. Bulah he ngui dùl êt halà ngui uă, mơya kờp bal pah nhai jơh bơh 400 tus 500 rbô đong priă đèng. Cau sồr là bơh ngai 19 pah nhai là tơm priă đèng. Dilah lơyaì, he ờ tơm là cau tus koh đèng. Nchi gơlơh ồng ờ lơh tài khoản nàng tơm priă gơ in [ươn? Ui, Lơnga` ngan, bòl ngan, a` ờ go\ pơyua priă tàm tài khoản ờ, ờ go\ lơh broă lơi ờ:

Ù tiah [òn dờng Buôn Ma Thuột neh bè hơ\, broă tă priă đèng bơh tài khoản tàm tiah [òn lơgar, mờ jơh ală cau ngui đèng ndrờm là cau lơh broă sa lơm den sơlơ kal ke rlau tai. Ồng Nguyễn Văn Sỹ, Kuang atbồ Mpồl lơh ồs đèng kơnhoàl Ea Súp pà gi\t, do là kơnhoàl tiah nhàr lơgar, mìng geh dùl nơm ngân hàng lơm lơh broă, ai mpồl tă [à priă đèng mìng geh dùl Bưu điện lơm lơh.

Den tàng bè hơ\, broă tơm priă đèng jơh ală ndrờm kung gam pal ngui priă ngan lơm. Ồng Nguyễn Văn Sỹ, đơs.

“Broă tơm priă đèng tàm kơnhoàl Ea Súp do den kung kal ke ngan sơl. Kuơmàng tă bơh ngân hàng den tàm do bol a` mìng geh dùl ngân hàng Agribank lơm. Măy ATM kung ờ huan geh sơl, mìng geh 2 măy ATM lơm.

Den tàng broă làng bol kờ` ngan lơh tài khoản kung kal ke ngan sơl. {òn lơgar kal ke, làng bol ơm kis rơha rah rài, den tàng ală mpồl tă [à priă đèng ờ bài kờ` ngan. Tàm do mìng geh dùl Bưu điện lơm”.

Mờ mpồl lơh broă geh làm uă tàm càr, Ngân hàng Nông nghiệp mờ Phát triển nông thôn càr Daklak tu\ do geh pơgăp 130 rbô nă geh lơh broă mờ Ngân hàng do, tàm hơ\ geh 60 rbô nă năc càn priă mờ 70 rbô nă năc pơyua priă, là jơnau [ươn ngan ai broă tơm priă đèng mờ broă tơm bơh tàm tài khoản.

Bè hơ\, mơya jơh ală anih ngân hàng tu\ do rơ\p mìng pa geh 30 rbô nă năc tơm priă đèng bơh broă tơm tàm tài khoản. Ồng Phan Thông Thái, Phó Kuang atbồ Ngân hàng Nông nghiệp mờ Phát triển nông thôn càr Daklak pà gi\t, ngân hàng do geh pơn jat tai lơh geh tơl ală bơta niam ngan rlau jơh nàng năc in ngui broă lơh tơm priă bơh tàm tài khoản. Ồng Phan Thông Thái, đơs tai:

“Bol a` jờng rơ ngan, kờ` ngan broă tơm priă đèng bơh ngân hàng. Bol a` neh lơh tus tàm jơh ală ngân hàng gơ wèt bal in, lơh bè lơi nàng làng bol in lơh tài khoản tơm priă đèng bơh ngân hàng.

Bơdìh hơ\ tai, bol a` gam dan mờ Dà lơgar dùl rơndăp broă lơh ai càn priă tă uă rlau mờ priă geh tàm tài khoản gơ wèt mờ ală hìu làng bol geh broă lơh mờ ngân hàng nông nghiệp càr Daklak bơh 1 tus 2 tơlak priă nàng lơh broă drơng tơm priă đèng do. Dilah năc geh tài khoản den pah nhai bol a` sền pơgăp 6 dơ\. Khat tu\ lơi năc geh priă là bol a` tơm tơl”.

Công ty Ồs đèng Daklak tu\ do atbồ mờ tăc đèng ai rlau 500 rbô nă năc in, tàm hơ\ geh 440 rbô nă năc ngui đèng tàm rài kis. Công ty neh lơh sră pơrgon lơh broă bal drơng broă tă [à priă đèng mờ 14 ngân hàng mờ 6 mpồl bơyai lơh tơm priă [à ờ di mờ priă mat.

Ồng Lê Hoài Nhơn, Phó Kuang atbồ Công ty Ồs đèng Daklak đơs ngan là, broă tơm priă đèng bơh tài khoản ngân hàng halà drơng broă tă [à ờ mìng dong gah ồs đèng tơrmù [à cau lơh broă, tă priă đèng dùl bă sơrbac mhar ngan rlau jơh, loh làng song dơ pă lơm gời mờ gam lơh geh tơl ală bơta ai năc in [ươn tàm broă tơm priă, ờ huan gơtìp koh đèng tu\ ờ hềt thàn tơm priă đèng. Ồng Lê Hoài Nhơn, đơs:

“Chính phủ gam geh gùng dà ờ huan ngui priă ngan tàm tu\ tơm priă, den bol a` kung pơgồp bal mờ ală ngân hàng nàng năc in geh jơnau kờ` lơh tài khoản, tu\ tơm priă ai bol a` in den geh tă is.

 Gơ wèt mờ ală mpồl tă [à den jat tàm sră pơrgon pal jat mờ bol a`, bơyai lơh ală anih tă [à priă đèng geh lơh tàm ală [òn lơgar rềp ngan rlau jơh, mờ jơnau kờ` lơh geh bơta [ươn ai năc ngui đèng in”.

Loh làng, broă tơm priă đèng bơh broă pơyua priă tàm tài khoản halà bơh drơng broă tă [à là dùl bơta [ươn kơ` pal sồr ngui. Bulah gam uă kal ke, mơya Công ty Ồs đèng Daklak pơn jat tai lơh pràn broă lơh mblàng yal nàng năc ngui đèng in lơh jat dùl nùs bal, jơh nùs lơh jat gùng dà broă lơh do bơh Chính phủ dê mờ jơnau kờ` tus jơh nam do geh pơgăp 60% năc tơm priă đèng bơh tàm tài khoản halà bơh drơng broă tă [à ndai!  

Cau cih mờ yal tơngi\t- Lơ Mu K’ Yến