VOV4.K’ho – Bu\ lah gơtìp hoàc huơr kơn jơ\ ngan tài bơh càl gơ pồt dờng bal mờ mìu dờng, mơya mìng tơnơ\ 48 jiơ kờp bơh tu\ gơlik geh bơta do, ồs đèng Daklak neh bơsong jơh hoàc huơr, lơh niam mờ pờ đèng wơl ai jơh kơn hoàl Ea Sup in.

Ồng Nguyễn Văn Sỹ, kuang atbồ kong ti ồs đèng Ea Sup (gơwèt kong ti ồs đèng Daklak) pà git, tus 6 jiơ mho ngai 15/4, mpồl neh bơsong bơta aniai, lơh niam mờ pờ đèng wơl ai jơh kơn hoàl Ea Sup, càr Daklak in.

Bè VOV neh yal, lài hơ\\, tu\ pơgap 5 jiơ mho ngai 13/4, càl gơ pồt dờng bal mờ mìu dờng neh nisơna gơlik geh tàm kơn hoàl Ea Sup, càr Daklak. Càl gơ pồt dờng bal mờ mìu dờng neh lơh git nđờ rhiang nơm hìu gơtìp pồ rơ kàng, 2 nơm hìu gơtìp tơrlah jơh tơn, git nđờ jơt lồ kòi mờr tơwès gơtìp gơ pừ jơh. Tàm gah ồs đèng, den hoàc huơr bơh sơn rờp là geh 22 `jrong đèng trung thế, 3 `jrong đèng hạ thế gơtìp gơ pừ; 70 nai plai sứ ntàu 24 kV gơtìp bơcah; 8 bộ xà gơtìp kùet. Bơta aniai do lơh ală xã Ea Bung, Ea Tmốt, Ea Lê, Ea Rôk,Ea J’lơi, Ia R’Vê, Ia Lôp mờ ală pôs ling sền gàr tiah nhàr dà lơgar tàm kơnhoàl gơtìp chơt đèng.

Tài bơta aniai gơlik geh tàm tu\ mho mang tàm uă tiah, tàm hơ\ uă tiah ơm ngài tiah tờm den tàng lơh gơbàn kal ke tàm broă bơsong, lơh niam wơl. Tềng đap bơta do, kong ti ồs đèng Ea Sup neh mhar lòt sền, đal git lài bă tiah lơh niam wơl mờ yal Mpồl đơng lam rơcang sơndră trồ tiah lơh aniai mờ jòi dong kờl rềs àr ai phan bơna, mai\ mok mờ mpồl kong nhân tàm ală mpồl lơh broă gơwèt kong ti di tu\ geh mat nàng bơsong bơta aniai tàm àng drim gờ` ngai tơnơ\. Tus 8 jiơ mang ngai 14/4, kong ti ồs đèng Ea Sup neh lơh niam wơl gùng che đèng, pờ đèng wơl ai ală tiah gơtìp aniai in (ờ kờp ờ uă thôn ơm ngài tiah tờm mờ ờ hềt gơtùi ai phan bơna, mai\ mok tus nàng lơh niam)

Ală tiah gam wơl, drim ngai 15/4, kong ti ồs đèng Daklak pơn jat tai sồr 20 nă kong nhân gơ wèt Xí nghiệp Điện cơ mờ ală rơndeh mờng ngui dong kờl kong ti ồs đèng kơnhoàl lơh niam wơl. Tus 6 jiơ mho ngai 15/4, jơh gùng che đèng tàm kơnhoàl Ea Sup neh geh lơh niam mờ pờ đèng wơl.

                                                              Cau cih mờ yal tơnggit K’Duẩn