VOV4.K’ho – Càr Daklak bơyai lơh pơrjum tơn jơh 10 nam broă lơh ai is mhàm mờ jờng rơ cau ai is mhàm geh pơn rơ tàm càr. 10 nam do, Daklak neh lam sồr, hòi jà rlau 165 rbô nă cau cih mat tus bal ai is mhàm. Khà mhàm geh ai is tàm tơngai do là rlau 122 rbô kơldung, ndrờm mờ 30 rbô 561 lít. Srơh ai is mhàm tàm càr Daklak gơ rề làm gùt tiah, bơtàu tơnguh tus tơl rơnàng làng bol, bơh ơruh pơnu [òn lơgar, cau kuang, cau lơh broă, mpồl ling, ală [òn làng bol kòn cau.

Di ngai dunia  jờng ala\ cau ai is mhàm  (14/6), càr Kon Tum neh bơyai lơh chờ jờng ala\ cau ai is mhàm  pơnrơ ngan. Tàm  dơ\ lơh chờ, 205 na\ cau dùl na\ sa\,  hìu nha\ pơnrơ  jak ngan tàm  ai is mhàm, lam sồr ai is mhàm  càr Kon Tum neh geh  jờng,  mờ jờng rơ. Tàm khà do geh  ala\ cau neh ai is  21 dơ\ pà mhàm. Mờ broa\ lơh ‘’Tơl ntờc mhàm  pà ai –Dùl rài kis  ơm wơl’’ tus tu\ do càr Kon Tum neh lơh geh  cau lơh broa\ pà mhàm tus nđờ rbô na\ mờ lam sồr pà is mhàm,  sùm lơh  geh 5 câu lạc bộ ai is mhàm  rcang  ai mhàm dong kis kòn bơnus tàm bơta jal mhar.

Càr Lâm Đồng bơyai lam lơh broă lơh “Ală ntờc mhàm pơr hê” kàl rlô bơkang, jờng rơ cau ai is mhàm. Ală nam do, broă lơh ai is mhàm bơh càr Lâm Đồng dê lơh geh uă cồng nha niam: Nam 2017, càr neh dờp geh rlau 13 rbô kơldung mhàm, ờ mìng geh tơl mhàm nàng drơng tàm broă sơm kòp tàm càr in mờ gam dong kờl 4 rbô kơldung mhàm ai anih prap ơn mhàm dà lơgar in. Nàng pơn jat tai bơtàu tơnguh srơh ai is mhàm gơ rề tus uă tiah, càr Lâm Đồng lam lơh broă lơh “Ală ntờc mhàm pơr hê” kàl rlô bơkang nam 2018. Tàm dơ\ lam lơh, 55 mpồl bal mờ cau dùl nă să pơn rơ jak geh cồng nha jak ngan tàm broă lơh do neh geh jờng rơ mờ pà bằng khen.

                Cau mblàng K’Brọp, K’Duẩn