VOV4.K’ho- Kờ` gàr niam khà priă drà kă bro tàm dơ\ sa tềp bơhiàn Mậu Tuất nam 2018, uă mpồl lơh sa kă bro mờ siêu thị tàm càr Daklak neh prăp phan kă bro mờ kờp jơh priă mờr 230 tơmàn.

Ală mpồl lơh sa kă bro prăp phan sa tềp

Di tàm dơ\ do, geh 8 mpồl bal mờ mpồl lơh sa kă bro cih mat dan prăp phan kă bro drơng sa tềp bơhiàn Mậu Tuất. Tàm hơ\, tơrgùm ală bơta phan ngui sa pal geh, bè: phan sa, biăp puăc ka, xăng, zờu, gas, dà lơngồt, mờ banh kèu ală bơta.

Siêu thị Co.op mart Buôn Ma Thuột rơcang lài priă nàng prăp phan drơng sa tềp Mậu Tuất

Ală mpồl lơh sa kă bro pal lơh geh bơta niam mờ khà priă kơ\ kơl jăp tàm khà ndrờm bal halà lơyah rlau 5% pơndrờm mờ drà kă bro. Ală mpồl lơh sa kă bro lơh bal broă lơh gàr niam khà priă drà kă bro tàm dơ\ sa tềp geh dong kờl ai càn priă mờ ờ sa priă cồng tàm tơngai 4 nhai mờ nggùl.

Cau cih mờ yal tơngi\t- Lơ Mu K’Yến