VOV4.K’ho – Ngai òr 6/11, Gah đơng lam ling klàng càr Daklak neh ai rlau 200 nă kuang bàng, cau ling lòt tus tàm ală tiah gơtìp aniai hoàc hươr uă tài bơh mìu càl rbu\t dờng sồ 12 dê lơh, nàng dong làng bol sơrlèt gan mờ jơnau gơlời wơl. Mpồl ling neh dong làng bol tàm ală kơnhoàl: Krông Bông mờ M’Drak tơnhàu phan tam, khòm tơrgùm jơh chi che gơtìp pă gơ pừ, pơs wàs hìu đam mờ lơh tìm wơl rơkàng hìu nàng gờ` kơ\ kơl jăp rài kis.

Tàm xã Yang Mao, kơnhoàl Krông Bông, xã gơtìp hoàc hươr uă ngan rlau jơh, geh rlau 500 nơm hìu gơtìp tơrlah tơrlơm, gơ pồ rơkàng jơh, uă hìu làng bol pal kis tàm đah bơdìh trồ. Gah đơng lam ling klàng càr Daklak bal mờ kuang bàng cau ling tàm tiah do lam lòt khòm tơrgùm jơh ală phan tơrlah tơrlơm tơnơ\ dơ\ mìu càl rbu\t dờng lơh aniai. Khòm tơrgùm wàs jơh ală chi che gơtìp pă, lơh niam wơl hìu đam, nàng dong làng bol geh anih ơm ing tàm tơngai kal ke.

Kung tàm ngai òr sơl, Huyện ủy Krông Bông neh tă rlau 120 tơlak priă bơh kes priă “Tềm pềr lơh jat jơnau Bác Hồ bơto sồr” nàng dong ală hìu bơnhă geh hìu gơtìp tơrlah tơrlơm jơh.

Cau cih mờ yal tơngi\t-Lơ Mu K’ Yến