VOV.K’ho-Là dùl tàm ală [òn r[ah ngan rlau jơh tàm xã Ea ~uôl, kơnhoàl Buôn Đôn, càr Daklak dê, mơya rài kis tàm [òn Niêng 3, gam rơhời tam gơl kơnờm geh ồs đèng dà lơgar. Ồs đèng ờ mìng pờ àng lơm gời ờ mờ gam gơ cèng bal bơta hờm ram gơ rê mờ làng bol.

Tơnơ\ 2 nhai kờp bơh ngai geh lơh đèng, rài kis tàm hìu bơnhă bi Y Chuông Niê, tàm [òn Niêng 3, xã Ea ~uôl, kơnhoàl Buôn Đôn dê geh uă bơta tam gơl. Tơnơ\ dơ\ sa piang mho, ùr bơklau bi ơm nggui sền jơnau yal tơngi\t tàm ti vi, ai ală kòn den wa\ wờng is nggui tềng k[àng bơsram sră.

                                     Bi Y Chuông Niê bơto kòn bơsram sră tàm bơta àng bơh ồs đèng

Bi Y Chuông Niê, đơs, tơnơ\ pah ngai lơh broă bòl glar, kơnòm geh bơta àng ồs đèng dê, rài kis tàm xã Ea ~uôl gơ gơs duh hồl hô hơng ngan. Jơh tơl nă cau [ươn ngan lòt còp bal mờ gơ\p, lùp bè broă lơh sa, cribơyai bơta mờng chài tàm broă lơh sa. Bi Y Chuông Niê, đơs:

Hìu bơnhă a` mờ uă hìu bơnhă ndai tàm do neh sền go\ gơlơh àng sơndah rlau kơnờm geh ồs đèng, mìng pơgăp mờ do bàr pe nhai lơm, gùng che ồs đèng pa pràn ngan mờ àng sơndah ngan. Oh kòn kòn sau tàm hìu gơtùi lơh rài bồ tơngoh bơh broă sền ti vi, iat rơdio, hơ\ sồng broă tru\ gơm biăp piang kung gơlơh [ươn ngan rlau, lòt rê kung bè hơ\ sơl.

Ai mò H’Bon Kbuôr, mờng hòi là mè Lâm, ơm tàm [òn Niêng 3 yal, ồs đèng gơ rê mờ [òn lơgar neh dong rài kis hìu bơnhă mò dê gơlơh [ươn [oài rlau uă ngan. Dilah bè lài do, mò pal guh bi\c bơh 4 jiơ drim nàng sing ồs, bòl glar ngan jơnau lòng sùh lòng ro, den tu\ do geh ồs đèng, broă tru\ gơm biăp piang gơlơh [ươn ngan mờ sơrbac mhar ngan. Mờ kung kơnờm bơh hơ\, mè Lâm geh tu\ jiơ lơh bal ală broă lơh bơh mpồl cau ùr [òn dê, rài kis gơlơh niam rlau mờ chờ hờp rlau. Mò H’Bon Kbuôr, đơs:

Rài yau pal tru\ piang mờ bơnhă ồs lòng, đèng den chu mờ dà zờu chu, ồs đèng lơh dan mờ cau den tàng ờ pràn ngan. Tu\ do, geh gùng che đèng pa ala sền go\ gơlơh đèng àng rlau, tàm hìu ngui geh uă phan bè glah piang đèng, glah cê đèng, tùh mrềt ală bơta, sền go\ gơlơh chờ hờp ngan. Rài kis gơlơh niam ngan rlau, oh kòn kung tơryang ngan rlau tàm broă bơsram sră.

Ồng Y Thơm Kpơr, mờng hòi là bàp Hoai, kuang atbồ [òn Niêng 3, xã Ea ~uôl, pà gi\t, [òn Niêng 3 geh crơng gơs bơh nam 2009 bal mờ rlau 200 hìu bơnhă làng bol, tàm hơ\ geh 60% là cau Rơđê gơ wèt ală hìu bơnhă r[ah bơh [òn ndai tus ơm kis jat broă lơh 134 bơh Chính phủ dê.

Bulah mìng ơm ngài mờ tiah tờm [òn dờng Buôn Ma Thuột pơgăp 20 kơi sồ lơm mơya ờ geh ồs đèng, rài kis kung gam r[ah r[ừp ờ bơtàu tơnguh ngan. Kờ` ir ồs đèng, ală hìu bơnhă neh tă pơgồp is priă jền nàng lơh gùng che đèng bơh [òn Hoà Thanh, xã Ea ~uôl nàng geh đèng ngui. Mơya, tài bơh gơ ơm ngài ir, khà hoàc hươr uă den tàng đèng ờ pràn ngan, rài kis mờ broă lơh sa bơh làng bol dê kung gam bòl glar ngan sơl.

Bồ nhai 10 pa do, gùng che đèng rê hờ [òn geh lơh niam wơl, jơnau kờ` ngui đèng den hơ\ sồng ngan ngồn lơh geh tơl. Uă hìu bơnhă khin cha bơcri priă rề ơnàng broă lơh sa, blơi măy tuh dà kơphê in mờ ală phan ngui tàm hìu bơnhă, bè ti vi, glah piang đèng…

Ndrờm bè hìu cau lơi kung geh lơm ti vi nàng sền, ờ mìng nàng lơh rài bồ tơngoh lơm mờ gam sền nàng lùp bơsram bơta mờng chài sơngka sền gàr chi tam, gi\t geh uă broă lơh sa jak tàm dơlam mờ bơdìh càr cèng rê đòm jat lơh tàm hìu bơnhă he dê. Ồng Y Thơm Kpơr, đơs:

Kơnờm geh ồs đèng mờ [òn lơgar bol a` chờ hờp mờ tam gơl uă ngan. Geh ồs đèng, geh sền ti vi, iat rơdio, lùp bơsram ală jơnau gi\t wa\ bè sơngka sền gàr chi tam, phan ròng, bơtàu tơnguh lơh sa, ờ go\ iăt jơnau bol ờ niam pơrlồm pơn jồ. Bơh tu\ geh ồs đèng, uă hìu bơnhă làng bol neh jơh nùs lơh broă lơh sa, khin cha tam tơrlòng uă sơntìl chi tam pa bè kroăc, kuêt, pơ ò ală bơta.

Gùng che đèng pa geh lơh niam wơl tus hờ [òn Niêng 3 ờ mìng cèng bơta àng tus lơm gời ờ mờ gam cèng tus bơta chờ hờp, bơta kơ\p kơnờm ai làng bol in. Hơ\ gam là bơta kơ\p kơnờm bè bơta tam gơl bơh [òn lơgar dê, bè rài kis bơh làng bol dê ngai sơlơ bơtàu tơnguh mờ hờm ram rlau.

Cau cih mờ yal tơngit - Lơ Mu K’Yến