VOV4.K’ho- Lơh jat broă lơh “Hìu ơm công đoàn” ală kơnă công đoàn càr Daklak neh geh uă broă wèt tus cau lơh broă. Mờ bơta tam pà bal bơh tơl nă đoàn viên công đoàn dê mờ bơta tàm sơmbăt tê bal bơh ală anih lơh broă, cau geh nùs nhơm niam dê gi\t nđờ rhiang hìu bơnhă kal ke bè hìu ơm neh geh lơh niam wơl, lơh pa nàng geh ală hìu ram mhu\.

Kuơmàng tàm dơ\ rơcang wa\ rò sơnam pa sa tềp bơhiàn nam do bơh broă lơh “Hìu công đoàn”, uă đoàn viên công đoàn tàm càr Daklak kal ke bè hìu ơm neh geh hìu pa nàng wa\ rò sơnam pa sa tềp Mậu Tuất.

Bồ nhai 1 nam do, ồng Y Sen Bkrông, cau lơh broă sền gàr hìu bơsram kấp một Y Wang, xã Hoà Khánh, [òn dờng Buôn Ma Thuột, càr Daklak chờ hờp chờ hờn ngan tu\ jơh dùl hìu bơnhă geh dờp jàu hìu pa niam bơne\ ngan.

Ồng Y Sen geh pà hìu công đoàn

Do là hìu gơ wèt broă lơh “Hìu công đoàn” geh Liên đoàn lao động [òn dờng Buôn Ma Thuột mờ công đoàn hìu bơsram kấp một Y Wang dong kờl lơh bal mờ kờp jơh priă tă lơh là mờr 60 tơlak. Ồng Y Sen pà gi\t, tơnơ\ tu\ pơ ùr sang rài tàm nam 2012, ồng pal dùl nă să is ròng 6 nă kòn gam sơnam sa gời mờ bơsram sră.

Ờ geh sươn sre, priă lơh geh mờ priă ngui sa tàm rài kis uă ngan là kơnờm tàm broă lơh sền gàr hìu bơsram bơh ồng dê. Den tàng bè hơ\, uă nam do, bulah hìu yau neh ồm sèt jơh gơtìp tơngai jroh tơngai sa nhhơ\t dà mìu sùm, hìu bơnhă ồng kung gam ờ geh sơl priă jền nàng lơh niam wơl. Mờ bơta dong kờl bơh ală kơnă công đoàn dê, bèp mờ kòn ồng neh geh hìu pa ram mhu\ ngan nàng ơm mờ rơcang wa\ rò sơnam pa sa tềp:

Hìu bơnhă a` chờ hờp ngan tu\ geh hìu pa, lài do jơgloh r[ah bòl glar kal ke ngan den tàng ờ geh priă nàng lơh, den tàng nam do công đoàn hìu bơsram dê mờ liên đoàn lao động [òn dờng Buôn Ma Thuột neh dong kờl lơh pà a` in dùl nơm hìu den tàng a` chờ hờp ngan. A` kung dan ưn ngài Liên đoàn mờ công đoàn hìu bơsram.

Geh bal bơta chờ hờp geh hìu pa nàng ơm lài mờ dơ\ sa tềp bơhiàn Mậu Tuất 2018 do, hìu bơnhă ồng Trương Văn Trường, cau lơh broă tàm Công ty Cổ phần rơndeh năc Daklak chờ hờp ngan pà gi\t, tơnơ\ uă nam ơm tàm hìu klar neh ồm sèt jơh mờ gơtìp tơngai jroh tơngai sa nhhơ\t dà mìu sùm, nam do, kơnờm geh bơta dong kờl bơh Liên đoàn lao động [òn dờng {uôn Ma Thuột mờ công đoàn công ty dê, bơh broă lơh “hìu công đoàn”, kơ\p kờ` geh hìu pa niam bơne\ neh gơ gơs ngan ngồn.

Lài do hìu bơnhă a` kal ke, kơnờm geh bơta dong kờl bơh ală gah, ală kơnă liên đoàn dê a` geh hìu ơm, ngai sa tềp hìu bơnhă oh kòn geh bơtòm tơrgùm tìp măt bal sa tềp chờ hờp chờ hờn

Ồng Nguyễn Văn Tuấn, Phó Chủ tịch Liên đoàn Lao động [òn dờng Buôn Ma Thuột pà gi\t, tơngai lài, broă lơh “hìu công đoàn” bơh Tổng Liên đoàn Lao động Việt Nam dê lam lơh neh lơh gơrề làm uă, geh uă ngan đoàn viên, công nhân viên chức mờ cau lơh broă mờ ală anih lơh broă, mpồl cau, mpồl lơh sa kă bro dùl nùs bal lơh jat.

Bơh nam 2012 tus tu\ do, Liên đoàn Lao động [òn dờng Buôn Ma Thuột neh dong kờl lơh pa mờ lơh niam wơl 23 nơm hìu mờ kờp jơh priă tă lơh là 670 tơlak. Mìng is tàm nam pa do, neh dong kờl lơh geh 4 nơm hìu “Hìu công đoàn” ai đoàn viên kal ke in. Tơl nơm hìu lơh pa geh dong kờl bơh 40 tus 50 tơlak priă, lơh niam wơl geh dong kờl 20 tơlak priă.

Bol a` neh yal tus jơh ală công đoàn kơnă hơđơm lơh sră cih mat jơh ală cau đoàn viên dê nàng pơyua tus liên đoàn lao động [òn dờng in, bol a` sền swì dong kờl  ai đoàn viên in nàng ală đoàn viên wa\ rò sơnam pa sa tềp tàm nùs nhơm ram mhu\ chờ hờp mờ ờ go\ di lời dùl nă đoàn viên lơi kal ke ờ geh dùl dơ\ sa tềp ram mhu\ bềng bơta kờ` gơboh tàm nam 2018 do.

Bal mờ ală broă lơh sền gròi ai cau lơh broă in, tơngai lài, ală kơnă công đoàn càr Daklak gam jơh nùs ngan lơh jat ală broă lơh dong kờl cau lơh broă kal ke. Jat tơrgùm kờp bơh Liên đoàn Lao động càr Daklak dê, bơh nam 2013 tus tu\ do, ală kơnă công đoàn tàm càr neh hòi jà tă pơgồp priă jền tơmu\t tàm Kes priă “Hìu công đoàn” geh mờr 20 tơmàn.

Bơh priă jền do neh dong kờl lơh pa mờ lơh niam wơl geh 595 nơm hìu ai đoàn viên, cau lơh broă geh rài kis kal ke bè hìu ơm in. Mìng is tàm nam lài, neh dong kờl geh rlau 40 nơm hìu pa ai đoàn viên, cau lơh broă in. Bơh hơ\, pơgồp bơnah lòt bal mờ cau lơh broă sơrlèt gan kal ke, kơ\ kơl jăp rài kis.

Cau mblàng mờ yal tơngi\t- Lơ Mu K’Yến