VOV4.K’ho - Kờ` gàr niam ờ do ờ dă phan sa tàm dơ\ sa tềp, càr Daklak gam lơh uă broă lùp sền, lòt sền ờ do ờ dă phan sa tàm ală anih tac phan sa tàm càr. Daklak crơng gơs 3 mpồl lùp sền, lòt sền làm gah bè kloh niam ờ do ờ dă phan sa tàm ală anih lơh gơlik, kă bro ală bơta phan sa bè ba`, mứt, kèu, bìer ơlak, dà hùc lơh jơh tơ hìr, biap, kơnuh plai chi, phan sa lơh gơlik lài. Ală mpồl làm gah geh tơr gùm lùp sền, lòt sền ală anih lơh gơlik, kă bro, blơi phan sa bơh lơgar ndai mờ khà uă; ală drà bơh sơn rờp, siêu thị, trung tâm kă bro tàm gùt càr.

Pơ gồp bal mờ broă lơh lòt sền, mpồl geh ai phan nàng sền, kờ` drơng broă jòi git anih lơh gơlik, sền sơwì bơta niam. Bơh hơ\, lơh glài krà` ală anih ờ lơh jat jơnau sồr bè kloh niam ờ do ờ dă phan sa, ờ tơl khà ờ do ờ dă, kờ` gàr niam ngan rlau jơh ai pràn kơldang să jan cau ngui sa in tàm dơ\ sa tềp Mậu Tuất mờ nhai lơh chờ sơnam pa 2018.

                  Cau cih mờ yal tơnggit K’Duẩn