VOV4.K’ho - Mpồl đơng lam lơh niam wơl hành chính bơh càr Daklak dê bơyai lơh pơrjum sền sơwì cồng nha lơh jat kơnòl lơh niam wơl hành chính 6 nhai bồ nam mờ lam lơh broă lơh jat kơnòl broă 6 nhai lồi nam 2018.

 Tơngai lài, UBND càr Daklak neh geh 13 sră nggal pơlam lơh jat ală jơnau cih adat boh lam dê, 11 quyết định yal mat sră nggal hành chính. Kơrnuat dùl mpồng, dùl mpồng lơh bal geh lam lơh geh cồng nha, ring bal tàm jơh bal 3 kấp. Broă drơng ala hành chính dà lơgar tàm internet tơr gùm bal dùl mpồng điện tử lơh bal neh geh mut lơh tàm 34 mpồl, geh 19 sở, gah, mpồl lơh broă mờ 15 UBND kơnhoàl, thị xã, [òn dờng. Càr neh crơng gơs rlau 1 rbô sră nggal hành chính tàm internet.

 Nàng lơh niam rlau tai broă do, UBND càr Daklak neh đơng lam ală anih lơh broă, mpồl lơh broă tơr gùm lơh pràn broă lơh niam wơl hành chính; sơlơ mblàng yal nàng làng bol in jơh nùs ngui broă drơng ala hành chính dà lơgar tàm internet; sơlơ ngui công nghệ thông tin tàm broă lơh bơh ală anih lơh broă hành chính dà lơgar dê mờ tàm broă bơsong broă gơlik geh bơh làng bol, mpồl lơh sa kă bro dê…