VOV4.K’ho – Tàm [òn dờng Buôn Ma Thuột, càr Daklak, Tổng cục Cảnh sát pơgồp bal mờ Kuang àng càr mờ Tỉnh đoàn Daklak pa bơyai lơh mblàng yal rơcang sơndră cau tìs mờ broă lơh tìs tàm mpồl bơtìan tàm ơruh pơnu, kơnòm pa tàu. Broă neh gơ hòi geh bơta tus bal jơh nùs ngan bơh đoàn viên ơruh pơnu dê.

Tus bal broă lơh geh rlau 300 nă đoàn viên ơruh pơnu tàm [òn dờng Buôn Ma Thuột mờ ală tơngume bè: phàt sră cih jơnau mblàng yal rơcang sơndră ma tuý, cribơyai jơnau git wă rơcang sơndră cau tìs mờ ma tuý, mblàng yal bơh jơnau lơh lèu bè rơcang sơndră cau tìs mờ broă lơh tìs tàm mpồl bơtiàn. Tàm hơ\, bơnah tìp mat cribơyai neh dờp geh bơta tus bal uă ngan bơh đoàn viên ơruh pơnu dê, 4 jơnau lơh lèu mờ ală tơngume bè rơcang sơndră tam lơh tam pờng tàm hìu bơsram, rơcang sơndră ma tuý, rơcang sơndră kă bro cau, blac pơr lồm tàm internet gơwèt tus mờ ơruh pơnu geh ală mpồl pơr lòng ngui mờ lơh niam ngan, đơs loh tơngume kờ` pơyua tus cau sền in. Bi Trần Đình Quý, cau tàm mpồl pơr lòng hìu bơsram Đại học Tây Nguyên mờ jơnau lơh lèu “Dilah geh rê wơl” yal: “Tơngume mờ mpồl a` kờ` cèng tus dơ\ pơr lòng ngai do là tam lơh tam pờng tàm hìu bơsram. Gơwèt mờ 1 hìu bơsram tu\ do, den tam lơh tam pờng gam là dùl bơta ờ suk ngan, tài ờ mìng là lơh pờng mờ jơng tê, mờ gam là bơta lah pơr hơng bè nùs nhơm tai mờ gơ lơh aniai uă ngan tus cau bơsram dờng, kơnòm bơsram, den tàng bol he pal sền gròi uă rlau tai tus bơta do. Bơh dơ\ mblàng yal ngai do, oh kơp kờ` geh ală bơyô kơnòm bơsram mờ ală mpồl bal sền gròi te\ tus ơruh pơnu, kơnòm pa tàu uă rlau tai.”

Thiếu tướng Nhữ Thị Minh Nguyệt, Kuang atbồ Cục Chính trị cảnh sát pà git, do là broă lơh mblàng yal bơh Ban đơng lam dà lơgar pơgồp bal mờ ală tiah, kờ` tơnguh jơnau git wă rơcang sơndră ma tuý mờ broă lơh tìs tàm mpồl bơtiàn ai ơruh pơnu, kơnòm pa tàu in. Ală broă geh lơh neh dờp geh bơta tus bal uă ngan bơh ơruh pơnu, kơnòm pa tàu mờ kơnòm bơsram dê, pơgồp bơnah tàm cồng nha bơh broă lơh mblàng yal tàm hìu bơnhă, [òn lơgar: “Ală tơngume mblàng yal do bol a` kờ` ai tơl nă đoàn viên ơruh pơnu in gơ gơs là ală cau mblàng jơnau jơh nùs ngan tàm broă lơh rơcang sơndră cau tìs mờ broă lơh tìs tàm ơruh pơnu, kơnòm pa tàu nàng bơt bơtàu tiah ơm kis niam bơne\ ai đoàn viên ơruh pơnu in mờ pơgồp bal tiah ơm kis đah hìu bơsram, hìu bơsram mờ mpồl bơtìan nàng bơto bơtê ơruh pơnu, kơnòm pa tàu mờ rơcang sơndră cau tìs tàm ơruh pơnu, kơnòm pa tàu mờ bơt bơtàu tơl hìu bơnhă là dùl anih kơ\ kơljap tàm broă lơh rơcang sơndră cau tìs tàm mpồl bơtiàn.”

Jat tơr gùm kờp, càr Daklak tu\ do geh mờr 320 rbô nă đoàn viên ơruh pơnu tàm sơnam bơh 16 tus 30 sơnam. Tơngai lài, khà broă lơh tìs mờ khà cau lơh tìs tàm sơnam ơruh pơnu, kơnòm pa tài tàm gùt lơgar kung bè tàm càr Daklak kung gam uă. Tàm 6 nhai bồ nam do, tàm Daklak neh gơlik geh 63 broă ơruh pơnu, kơnòm pa tàu lơh tìs adat boh lam mờ mờr 100 nă cau lơh tìs. Den tàng, broă pơgồp bal mblàng yal, bơto bơtê ơruh pơnu kơnòm pa tàu là dùl broă lơh kuơ màng nàng tơnguh jơnau git wă, dong ală oh gơtùi pleh broă gơ gơs là cau gơtìp aniai bơh cau tìs dê mờ ờ gơ gơs cau tìs.

              Cau mblàng K’Duẩn