VOV4.K’ho – Bơh bồ nam tus tu\ do, ală anih lơh broă geh gơnoar tàm càr Daklak neh lòt sền 17 anih tac xăng zờu tàm càr mờ sền go\, jơh 17 anih ndrờm geh broă lơh tìs. Ală broă lơh tìs uă ngan là: ờ pơn đềt kẹp chì bơrno\p sơntèk ơn xăng zờu; Tac xăng zờu bơdĩh mờ anih tac; tac xăng zờu tu\ sră ai gơnoar neh jơh tơngai ngui; tac xăng zờu geh bơta niam ờ di mờ khà tơl ndrờm bal; jàu dờp xăng zờu blơi pồn tă dia, ngui uă phan đo ờ geh sră cơng tàng sền gròi.

 Mờ ală broă lơh tìs neh geh lơh loh, anih lơh broă geh gơnoar tàm Daklak neh lơh glài rlau 1 tơmàn 500 tơlak priă, kup ai 2 rbô lít xăng RON 95 blơi pồn tă dia mờ 3 rbô lít zờu DO. Sở Công thương Daklak pà git, geh pơn jat tai sơlơ lòt sền, sền gròi krà` cê ală mpồl lơh sa kă bro tac xăng zờu, lơh glài krà` tơl broă lơh tìs, mờ yal loh làng mat ală anih tac xăng zờu lơh tìs tàm ală anih yal jơnau tơnggit nàng cau ngui in git, sền gròi, sền gàr is să tờm, pơgồp bal mờ ală anih lơh broă geh gơnoar dră wơl ală broă lơh blac pơr lồm tàm broă tac xăng zờu.