VOV4.K’ho – Hìu mai\ til mpồng, sang te\ git nđờ rhiang lồ tàu chơt tàm suơn; git nđờ tơmàn priă bơcri, rlau 1 nam tuh dà kơl hề bơh cau lơh broă sa dê gam gơ gơs ờ kuơ… Hơ\ là bơta geh ngan gam gơlik geh tàm 2 kơn hoàl Ea Sup mờ Buôn Đôn, càr Daklak. Bơta kơp kơnờm tam klac bal đah mpồllơh sa kă bro mờ cau lơh broă sa geh dong pơ gồp bơnah gàr kơ\ broă lơh sa, chồl pràn bơt bơtàu [òn lơgar pa mìng pa rơp sơn đờm neh pơhìn ờ lơh geh cồng nha.

Bol a` tus wơl kơn hoàl Ea Sup mờ Buôn Đôn, càr Daklak tu\ kàl tơnhàu tàu pa neh sơn đờm. Bơdĩh mờ ală bă tàu dềt pa sơr lèt rlau bồ cau, geh uă bă tàu neh ro, gơ pừ tài bơh dờng ir. Bi Đinh Thị Hằng, ơm tàm [òn 11, xã Ya Tơ Mốt, kơnhoàl Ea Sup pà git, tờm tàu geh tam uă tàm tiah do bơh nam 2017. Tu\ hơ\, tam tàu geh sền là dùl rơndap broă lơh sa geh kơp kơ nờm ngan rlau jơh làng bol dê, tài geh kong ti cổ phần tàu sơdàng Daklak bơcri dùl bơnah priă tam mờ blơi jơh phan lơh gơs. Mơya tus nam do, tờm chi tam do neh gơ gơs là bơta ờ geh cồng nha ngan rlau jơh. Kàl tơnhàu nam 2018 neh jơh rlau 1 nhai, mơya kung gam uă ngan bă tàu ờ hềt geh tơnhàu, pal lời krà` chơt  tàm suơn. Bu\lah cau lơh broă sa mờ hìu mai\ neh geh sră pơrgon blơi tàu, mơya jat bi Hằng, tam klac bal jat bơta “mìng đơs gời gơ ya ờ lơh ngan ngồn” mìng lơh cau lơh broă sa sơlơ kal ke rlau tai: “Hìu a` dê kung gam 1 lồ ờ hềt koh sơl. Tu\ do trồ mìu, đe hơ\ sồng tơl bơta phan gơ sa tàu. Tus lồi nam do mờ koh den ờ gam bơta lơi tai. Mơya khi kung gam gơs là lồi nam, tàm pơgap nhai 11 den khi geh blơi mờ khi dong kờl tơl hìu bơnhă in 3 tơlak priă, ờ ndrờm mờ priă bơcri ai 1 sàu in sơl. Kung geh hìu den neh koh mơya pal sang ờ gơtùi pơndiang rê tài bơh mìu bo\ lơm bè, den tàng sang te\ jơh tơn. Tu\ do, tơnơ\ 1 nam lơh mờ ờ geh cồng 1 đông lơi, hơ\ sồng gam dồs hìu mai\, priă cồng ngai sơlơ uă.”

Dùl bơnah den sang, dùl bơnah den gơtìp chơt

Rềp mờ kơnhoàl Ea Sup là kơnhoàl Buôn Đôn, là tiah tam uă tàu dơ\ 2 bơh Kong ti cổ phần tàu sơdàng Daklak dê. Tàm do, kung ờ krơi bè kơnhoàl Ea Sup sơl, tu\ sơn đờm geh uă cau lơh broă sa jòi tus UBND xã yă broă kong ti ờ blơi tàu jat sră pơrgon, lời tàu gơ chơt hời rơ hời tài dờng ir. Ồng Buôn Săn Viêng, ơm tàm [òn Yang Lành, xã Krông Na, kơnhoàl Buôn Đôn pà git, ồng kung ờ hềt koh 1 tờm lơi tàm 2 lồ tàu hìu bơnhă dê, mờ kong ti pal kong 1 bơnah hoàc huơr: “Hìu a` dê geh 2 lồ tàu. Tus tu\ do den geh tờm gơ pừ, geh tờm chơt, geh tờm gơ cat cồng. Mờ hìu mai\ den neh blơi jơh. Hìu mai\ til mpồng bloh, neh jơh tơngai blơi tàu. A` den neh ki\ sră pơrgon mờ kong ti. Jat sră pơrgon den sơn đờm koh tàu bơh nhai 11 mờ tus nhai 5 den jơh. Mơya tu\ do neh rlau 2 nhai bloh, den tàng bol a` tus hờ xã nàng lùp, là lơh bè lơi nàng kong ti bơsong làng bol in dipal.”

Kung gơtìp hoàc huơr ndrờm bè ồng Buôn Săn Viêng sơl, mò H’Sồi Êban, ơm tàm [òn Drêch A, xã Krông Na đơs là, broă mpồl lơh sa kă bro til mpồng hìu mai\, ờ blơi tàu cau lơh broă sa in là neh lơh tìs sră pơrgon neh ki\. Tơnơ\ tu\ lơh loh kơnòl bơh mpồl lơh sa kă bro dê, den hìu bơnhă mò geh tơn jơh jơnau pơrgon, dus sang tờm tàu nàng tam chi ndai: “Hìu a` dê geh 2 lồ tàu, tu\ do dilah kong ti ờ blơi den kong ti pal tơm wơl hoàc huơr. Mơya kung tơm wơl dùl êt gời. 1 lồ den tơm pơgap 10 tơlak, hơ\ sồng sang jơh tơn, mờ kơl jơh tàu, ờ tam tàu tai.”

Cau tam tàu lòt tus tàm xã nàng yă

Jat ồng Nguyễn Ngọc Phúc, kuang atbồ Phòng Nông nghiệp – Phát triển nông thôn kơnhoàl Ea Súp, bơta tàu ờ hềt geh tơnhàu mờ kong ti cổ phần tàu sơdàng Daklak neh til mpồng hìu mai\, tơn jơh kàl lơh sơdàng, gam lơh gơbàn uă bơta kơlôi rơcang mờ ờ suk tus mờ cau lơh broă sa tàm [òn lơgar. Dờp geh jơnau yă bơh làng bol dê bè bơta do, gơnoar atbồ kơnhoàl neh sơn đờm jòi gùng nàng bơsong: “Xã Cư Mlan neh pơyua sră jà nàng lùp kong ti, nàng sền kong ti hơ bè lơi bè ală bă tàu mờ kong ti ờ blơi. Gơtùi halà ờ gơtùi den kong ti kung pal hơ loh làng.”

Kàl tam tàu 2017 – 2018, kong ti cổ phần tàu sơdàng Daklak bơt bơtàu tiah tam tàu rlau 5 rbô lồ tàm 2 kơnhoàl Ea Sup mờ Buôn Đông, kung là kàl tam tàu sơn rờp, hìu mai\ sơdàng lơh tàm Ea Sup lơh broă. Bu\lah bè hơ\, ală bơta ờ niam tàm broă lơh mờ ngui hìu mai\, bal mờ bơta khà priă tàu gơmù lơyah neh lơh git gơp lơh broă bal đah mpồl lơh sa kă bro mờ cau lơh broă sa gơtìp kal ke bơh bồ kàl tơn. Lài mờ tu\ gơlik geh bơta hìu mai\ til mpồng, sang git nđờ rhiang lồ tàu chơt tàm [làng sre, den tàm bồ kàl, kong ti cổ phần tàu sơdàng Daklak neh lời gơlik geh bơta blơi tàu lơỳai, lơh git nđờ rhiang lồ tàu gơtìp dờng ir, gơmù cồng nha tơnhàu mờ gơtìp ồs sa, lơh uă cau lơh broă sa gơtìp hoàc huơr. Bơta pal đơs rlau là, mờ ală bơta ờ niam bơh bồ kàl tus tu\ do, neh geh uă cau lơh broă sa ờ gam kờ` tai, kờp tus broă sang tờm tàu nàng tam chi tam ndai. Gah lơh tàu sơdàng Daklak ngan là gơtìp bơta lòng sơlơ dờng rlau tu\ bơta kuơ lơh sa ờ niam mờ bơta pin dờn ờ gam.

           Cau mblàng K’Duẩn