VOV4.K’ho – Mho òr 3/11, Mpồl tam klac ală mpồl Khoa học mờ kỹ thuật càr Daklak pơgồp bal mờ Tỉnh đoàn, Sở Gíao dục mờ Đào tạo, Sở Khoa học mờ Công nghệ bơyai lơh tơn jơh mờ jàu khà jờng pơr lòng bơceh pa ơruh pơnu, kơnòm pa tàu, kơnòm dềt càr Daklak dơ\ 5 nam 2017.

Jat jơnau đơs bơh Mpồl bơyai lơh dê, tơnơ\ mờr 1 nam mut lơh, neh geh 42 broă lơh bơceh pa bơh ală cau bơceh, mpồl cau bơceh là ơruh pơnu, kơnòm pa tàu, kơnòm bơsram ală kơnă càr Daklak tus bal pơr lòng. Tàm hơ\ geh uă broă lơh geh bơta bơceh niam, ngan ngồn, gơtùi ngui tàm broă bơsram sră, nhơl `o\ lơh rài bồ tơngoh mờ tàm rài kis pah ngai bè phan ngui mai\ rơndeh moto jak chài, phan ngui ală phan bơna ngui đèng tàm hìu mờ điện thoại at tê, rơndeh khòm, cho\, khum mờ ơn tàu [àu kơphe… Mpồl bơyai lơh neh rơwah 27 broă lơh niam ngan rlau jơh nàng jàu khà jờng, tàm hơ\ geh 1 khà 1, 2 khà 2, 6 khà 3 mờ 18 khà pơn jờng.