VOV4.K’ho – Kơnờm geh tam gơl broă lơh atbồ mờ sền gròi bơcri lơh niam gùng che đèng, pơ gồp bal den tàng bơta niam ồs đèng tàm càr Daklak ngai sơlơ geh tơnguh:

Tơnơ\ uă nam atbồ, ngui mờ tac đèng mờr 11 rbô nă nac ngui đèng in, gùng che đèng bơh Hợp tác xã đèng dà Ea Kar neh gơbàn ờ diơng ngan. Bơh lồi nam lài, gùng che đèng do geh jàu gah ồs đèng Ea Kar in (di Kong ti ồs đèng Daklak), mờ 3 kơi sồ gùng che đèng trung thế, 12 kơi sồ gùng che đèng hạ thế.

Tơnơ\ mờ tu\ dờp gùng che đèng hạ áp [òn lơgar bơh hợp tác xã đèng dà Ea Kar, gah ồs đèng Ea Kar neh tơrgùm priă bơcri lơh niam gùng che đèng, tơmù hoàc huơr ồs đèng, dong cau nac geh ngui đèng geh bơta niam uă rlau. Ồng Trần Văn Dũng – Phó kuang atbồ ồs đèng Ea Kar pà git, kờp jơh priă nàng lơh niam gùng che đèng do là rlau 46 tơmàn priă:

“Tơnơ\ mờ tu\ dờp, gah ồs đèng neh lòt sền, sền sơwì wơl bơta geh ngan phan bơna kung bè ală đồng hồ đèng den sền go\ tàm uă tiah neh gơbàn ờ diơng ngan, ờ gam tơl niam tai. Gah ồs đèng Ea Kar neh crơng gơs ală rơndap broă lơh mờ geh ki\, kờp jơh priă bơcri ai jơh ală gùng che đèng bơh Hợp tác xã dê jàu gơguh tus rlau 46 tơmàn priă.”

Tus tu\ do, gah ồs đèng Ea Kar bơh sơn rờp neh lơh jơh broă lơh niam wơl, tam gơl jơh đồng hồ đèng ai mờr 12 rbô nă cau ngui in di 34 trạm biến áp. Lơh pa 26 trạm biến áp, crap mờr 4 kơi sồ gùng che đèng trung áp mờ 35 kơi sồ gùng che đèng hạ áp. Bơh bồ nam do neh tam gơl jơh đồng hồ đèng, mờ mờr 12 nơm công tơ điện tử. Ồng Nguyễn Văn Hùng ơm tàm [òn 4, thị trấn Ea Kar, kơnhoàl Ea Kar pà git, bơh tu\ gơ gơs nac ngui đèng bơh Kong ti ồs đèng Daklak dê, broă ngui đèng niam rlau, ờ do ờ dă rlau, tu\ gơlik geh bơta lơi ờ niam den kung geh bơsong di tu\ rlau:

“Lài do, geh uă tu\ hìu nhă chơt đèng, hòi điện thoại Hợp tác xã in kung pal roh 2, 3 ngai den hơ\sồng geh đèng wơl. Công tơ đèng den đah hợp tác xã đồng hồ đèng ờ geh sền gròi, ờ geh automat, tu\ do ngui đèng bơh kong ti ồs đèng dê den đồng hồ đèng kung niam rlau, ngui đồng hồ điện tử, geh automat tơn, ờ do ờ dă rlau. Ồs đèng hợp tác xã dê mờ tam gơl ai gah kong ti ồs đèng in den `jrong đèng kung niam rlau, làng bol go\ gơ loh iang nùs rlau.”

Ồng Lê Hoài Nhơn, Phó Kuang atbồ kong ti ồs đèng Daklak pà git, ală nam lài do, gùng che đèng tàm [òn lơgar, ngan là gơwèt mờ gùng che đèng tơnơ\ mờ tu\ gah ồs đèng dờp wơl bơh ală hợp tác xã dê, uă ngan geh bơceh lơh ờ jat khà tơl kỹ thuật, khà ai ồs đèng jòng, gùng che dềt, rah rài uă bơta… neh lơh aniai tus bơta ờ do ờ dă, digơlan gơlik geh rềs àr tu\ ngui đèng.

Bal mờ hơ\, đèng ờ niam, ngan là tàm ală tiah dut ndơl gùng che đèng dê, ờ tơl đèng nàng ngui tàm rài kis, broă lơh sa. Ală nam do, kong ti neh lơh pơ gồp bal ală broă lơh ồs đèng [òn lơgar mờ ală rơndap broă lơh niam gùng che đèng bơh priă càn lơgar ndai dê. Tus tu\ do, gùt càr neh lơh pa mờ lơh niam rlau 732 kơi sồ gùng che trung áp; mờr 1 rbô 400 kơi sồ gùng che hạ áp; 442 trạm biến áp mờ kờp jơh priă bơcri rlau 877 tơmàn. Ồng Lê Hoài Nhơn pà git:

“Pah nam, kơnòl bơh bol a` dê là tă dùl khà priă bơcri uă ngan, ai ală rơndap broă in bơh priă càn lơgar ndai dê, bol a` bơcri lơh niam gùng che đèng, lơh uă gùng che đèng tàm tiah [òn lơgar, kờ` drơng jơnau kờ` bè đèng làng bol in. Lài ngan là ngui tàm rài kis mờ kuơ màng ngan rlau jơh là gàr tơl đèng ngui tàm broă lơh sa kă bro nàng tơnguh niam rài kis, bơtàu tơnguh lơh sa.”

Kơnờm geh sền gròi bơcri lơh niam mờ tam gơl broă lơh atbồ, tus tu\ do, bơta niam ồs đèng tàm càr Daklak neh gơguh uă, gàr niam ờ do ờ dă tàm broă ngui đèng, pơ gồp bơnah chul chồl bơtàu tơnguh lơh sa, bơtàu tơnguh rài kis tàm [òn lơgar.

                                                                        Cau cih mờ yal tơnggit K’Duẩn