VOV4.K’ho – Kơnờm rơcang lài sơndră mờ bơta mìu càl rbut dờng bơh bồ nam, den tàng gah ồs đèng càr Daklak neh di tu\ bơsong uă bơta ờ niam bè ồs đèng, gàr niam broă pờ đèng ờ do ờ dă, kơ\ kơljap mờ pờ sùm. Bơh bồ nam tus tu\ do, tàm càr Daklak neh gơlik geh 4 bơta ờ niam bè ồs đèng tài trồ tiah lơh aniai, hoàc huơr rlau 350 tơlak. Mùl màl, lồi nhai 5 pa do, mìu dờng geh bal mờ càl pồt pràn neh lơh pừ 7 nơm `jrong đèng trung thế, lơh rlau 4 rbô nă cau ngui đèng tàm kơnhoàl Buôn Đôn chơt đèng. Ai tàm kơnhoàl Ea Sup, sùm tàm nhai 4 mờ nhai 5 neh gơlk geh càl pồt pràn, lơh pừ 30 nơm `jrong đèng trung, hạ áp, lơh aniai 1 trạm biến áp lơh git nđờ rbô hìu bơnhă làng bol gơtìp chơt đèng.

Gah ồs đèng Daklak mờ ală mpồl lơh broă gơwèt gah do neh bơt bơtàu Mpồl đơng lam rơcang sơndră trồ tiah lơh aniai mờ jòi dong kờl rềs àr mờ geh rơndap broă rơcang sơndră jat jơnau đơs “4 tơn tàm 1 anih”, crơng gơs mpồl lam lài mờ bơyai lơh pơlam tàp rơndap broă bơsong bơta ờ niam tus mờ uă bơta digơlan gơlik geh krơi is. Ồng Bùi Khắc Dũng, Kuang atbồ phòng ờ do ờ dă, gơwèt Kong ti ồs đèng Daklak pà git, kơnờm git rơcang lài, den tàng 4 bơta ờ niam bè ồs đèng tàm nam do neh geh lơh niam wơl di tu\. Tu\ do gam tàm nhai mìu càl rbut dờng, mpồl pơn jat tai rơcang lài phan bơna, mai\ mok nàng rơcang lài bơsong di tu\ ală bơta ờ niam gơlik geh, mơkung sơlơ tơnguh rlau tai broă mblàng yal bè ờ do ờ dă ồs đèng.