VOV.K’ho-Là dùl tàm bàr kơnhoàl r[ah bơh càr Daknông dê, gơ wèt Broă lơh 30A bơh Chính phủ dê, Dak Glong là tiah brê bơnơm dờng, ù tiah [òn lơgar bal mờ gùng lòt kal ke ngan. Bulah bè hơ\, broă lơh đèng ngui tàm broă lơh sa mờ rài kis bơh làng bol dê geh sền gròi ngan. Rơcang wa\ rò sơnam pa 2018 mờ sa Tềp lơgar he Mậu Tuất, gi\t nđờ rhiang hìu làng bol tàm tiah brê bơnơm do neh geh đèng ngui bơh gùng che đèng dà lơgar.

Bơh uă [òn lơgar krơi is mu\t tàm kơnhoàl Dak Glong, càr Daknông ơm kis lơh sa neh rlau 20 nam do, ờ bài ko\ng mờ rài kis ngui đèng zờu klam jơngo jù mung tàm gùl tiah brê bơnơm dờng, ngài ngan ờ huan geh cau ơm kis do, dùl mpồl hìu bơnhă làng bol gơwèt [òn 10 mờ [òn 6, xã Quảng Khê, neh tă pơgồp is priă jền blơi che đèng mờ lơh jrong đèng mờ chi nàng hoài đèng rê tus tiah tờm Hìu sơnơm kơnhoàl.

  Gah ồs đèng Dak Glong lơh niam wơl gùng che đèng mờ lơh crăp tai trạm biến áp tàm xã Quảng Khê

Tài bơh che đèng dềt, jơnau kờ` ngui đèng uă den tàng đèng ờ pràn. Nàng tơn jơh bơta do, nam do, Gah ồs đèng kơnhoàl Dak Glong gơ wèt Công ty Ồs đèng càr Daknông neh bơcri priă lơh niam wơl gùng che đèng do, lơh tai trạm biến áp, den tàng neh ờ gam tai jơnau ờ do. Bi Nguyễn Thị Thìn, ơm tàm [òn 6, xã Quảng Khê, pà gi\t:

Lài do nàng gùng che đèng rê tus tàm do là he lơh is gơ dê. Gùng che đèng ờ pràn ngan den tàng gơtìp aniai sùm cầu giao. {ồm dà mờ pìh phan mờ măy là pal ngui tàm tu\ jiơ ờ huan geh uă cau ngui đèng, dilah ngui tàm tu\ jiơ geh uă cau ngui đèng là đèng chơ\t tơn.

Tu\ do, đèng pràn rlau mờ àng sơndah rlau. Mơkung geh ngui sơl nàng bơsir phan. Ngui đèng tàm do jơh pơgăp 350 đong dùl nhai, ai đèng pe pha den ngui nàng [ồm dà tuh phan tam in, gơ jat tàm broă he tuh dà uă halà dùl êt.

Geh đèng pe pha, làng bol tàm xã Quảng Khê tă pơgồp is priă jền nàng blơi [ong đèng pờ àng jat kềng gah gùng lòt tàm [òn

Ală gùng che đèng geh lơh pa lòt gan tềng đap hìu, hìu bơnhă mò Nguyễn Thị Mừng, ơm tàm [òn 10 bal mờ ală hìu bơnhă ndai tàm [òn neh tă pơgồp priă jền blơi bong đèng pờ àng jat kềng gah gùng lòt tàm [òn, kờ` gàr niam lơngăp lơngai ờdo ờdă tàm [òn lơgar mơkung lơh geh nùs nhơm chờ hờp lài mờ ngai sơnđờm mu\t sơnam pa: 

Jơh ală nam lài, den kòn a` lơh jrong đèng mờ chi bơh tềng hơđang kơnhoàl ne rê tus tàm do; geh nhai ngui đèng jơh tus 1 tơlak 300 rbô đong, geh nhai den jơh 1 tơlak. Bơh ngai geh cau lơh đèng do geh lơh tơn tus tàm mpồng hìu den là ờ kas ngan. Cau sơnđan là đèng pe pha.

Pờ niam ngan jat mờ nùs he kờ`. Puan cơldu\ den 4 nơm bong đèng, hơ\ sồng đèng kềng gah hìu tai. Gam tă pơgồp tai priă jền den blơi bong đèng crăp tềng gah gùng lòt nàng cau in lòt gơ àng sơndah. Thùng dà tềng hơđang rơkàng hìu den pal [ồm dà nàng dà gơguh tus hơđang hơ\. Gah ồs đèng mìng lòt lùp priă đèng pah nhai 300 rbô lơm, đơs ngan là ờ go\ kas ờ.

  Gah ồs đèng Dak Glong gam pơgồp bal mờ mpồl lơh đèng mhar lơh đèng ai làng bol tiah sar lơgar ngài Dak Rmăng in

Ală nam lài, tàm ală [òn 1, 2, 3 bơh xã Dak R’măng dê mìng geh rlau 2 rbô nă làng bol kòn cau Mông ơm kis, mơya gah ồs đèng pal bơcri gi\t nđờ tơmàn priă nàng lơh gùng che đèng 220 kV (ki lô vôn) jòng rlau 20 kơi sồ lòt gan brê bơnơm dờng nàng jun đèng tus drơng tàm rài kis mờ broă lơh sa bơh làng bol dê.

Nam do, [òn 5 mờ [òn 6 pơn jat tai geh Dà lơgar ai priă jền lơh Rơndăp broă lơh ồs đèng [òn lơgar bơh gùng che đèng dà lơgar.

Ồng Giàng A Chu, Phó Kuang atbồ [òn 5, xã Dak R’măng, kơnhoàl Dak Glong pà gi\t, [òn geh rlau 800 nă cau, jơh ală là cau Mông ntrờn ơm kis bơh tiah đah tô mu\t tàm do ơm kis bơh nam 2001 tus tu\ do.

 Ù tiah tàm do niam ngan nàng tam kơphê mơya tài bơh ờ hềt geh gùng che đèng dà lơgar den tàng broă [ồm dà tuh phan tam in kung bè măy phan gơtìp kal ke ngan. Tu\ do, sền go\ gùng che đèng geh lơh tus tơn jat kềng gah gùng lòt tàm [òn, làng bol chờ hờp ngan mờ ngan ngồn là sa Tềp mờr tus chờ hờp rlau tai. Ồng Giàng A Chu, đơs bè do: 

Tu\ pa mu\t ơm kis tàm do, den đèng ờ geh làng bol pal ngui đèng zờu lơm. Tơnơ\ hơ\, den ngui đèng mat tơngai làng bol blơi is, ai gùng che đèng den là ờ hềt geh. Nam do, Dà lơgar pa lơh, ồng Chủ tịch xã đơs là sa Tềp tus là geh đèng.

Geh đèng den lơh broă lơi kung [ươn rlau. Pơn yơu bè, măy mok [ồm dà, tuh dà kơphê in. Tờ dà tơrlung den bồ măy diezen nàng [ồm mơya ờ [ươn bè [ồm mờ đèng. Hìu bơnhă a` den kờ` ngui uă đèng, gam ờ hềt geh măy puh tai. Tơngai tus geh đèng den kờ` bơta lơi là blơi.

   Kàl prang tus, làng bol tàm [òn 5, [òn 6, xã Dak Rmăng ờ gam pal ngui măy nổ tai nàng măy kơphê

Ồng Đỗ Văn Triều, Kuang atbồ Gah ồs đèng kơnhoàl Dak Glong gơ wèt Công ty Ồs đèng càr Daknông pà gi\t, lơh rơndăp broă lơh đèng ală [òn ai lơh lài xã tiah nhàr lơgar mờ tiah kal ke uă ngan in, tus tu\ do neh jơh lơh 3 trạm biến áp, 1 kơi sồ 6 gùng che đèng trung áp, 1 kơi sồ 2 gùng che đèng hạ áp, mờ kờp jơh priă tă lơh là 2 tơmàn 200 tơlak priă.

 Bal mờ hơ\, Gah ồs đèng kơnhoàl Dak Glong neh geh broă rơndăp lơh niam wơl, tam gơl mờ tơnguh bơta pràn bàr pe trạm biến áp dê. Digơlan tus lài mờ tơngai sa Tềp lơgar he Mậu Tuất tus là lơh gơs pơgăp 25 trạm biến áp, tơnguh jơh bơta niam đèng tàm dơ\ sa Tềp mờ geh ngui tơl tàm kàl prang mờr tus. Ồng Đỗ Văn Triều, đơs ngan bè do: 

Nàng geh tơl đèng tàm kàl prang ai làng bol tàm ù tiah kơnhoàl Dak Glong in, Gah ồs đèng kơnhoàl Dak Glong kung lơh mhar tơngai pơrgon lơh gơs, pơgồp bal mờ mpồl lơh đèng nàng ai ală broă ngui, lơh geh đèng drơng tàm kàl prang tàm nam 2018 tus do ai ală hìu làng bol in.

 Kờp tus tơngai lài mờ ngai 31/12 tus do, bol he geh lơh jơh ală broă gam wơl, ai ngui tai 2 trạm biến áp, 6 kơi sồ gùng che đèng hạ áp mờ kờp jơh priă tă lơh là 1 tơmàn 600 tơlak.

{òn lơgar bol a` dê là kal ke ngan, ală gùng che đèng lòt gan dòr bơnơm tam cah is. Geh bơta sền gròi dong kờl bơh Công ty dê neh bơcri priă ai bol a` in dùl nơm hìu drơng pờ đèng tàm xã Quảng Sơn rơcang ai ngui; dùl bơnah ai oh mi in geh anih ơm anih sa nàng drơng làng bol [òn lơgar in.

Mờ [òn lơgar dờng ơning ơnàng, mìng là brê bơnơm lơm, khà kờp làng bol gơguh mhar, ngan là làng bol ntrờn ơm kis khat gơboh mu\t ơm kis tàm brê, mơya nàng gàr niam mờ bơtàu tơnguh, gah ồs đèng càr Daknông đơs bal mờ Gah ồs đèng kơnhoàl Dak Glong đơs is kung gam pal lơh ngan sơrlèt gan kal ke nàng ngai sơlơ drơng broă niam ngan rlau jơh.

 Tus tu\ do, rlau 80% khà [òn neh geh đèng, mờ rlau 95% khà hìu bơnhă làng bol geh đèng ngui sùm. Kơnờm bè hơ\ mờ rài kis bơh làng bol tàm kơnhoàl kal ke uă ngan do neh geh tam gơl uă ngan!

Cau cih mờ yal tơngit Lơ Mu K’Yến