VOV4.K’ho – Ngai òr (24/11), càr Daknông bơyai lơh pơrjum cribơyai broă lơh càn priă drơng bơtàu tơnguh lơh sa suơn sre, [òn lơgar jat Nghị định sồ 55 nam 2015 bơh Chính phủ dê. Tơnơ\ rlau 2 nam lơh jat, mpồl cau lơh broă sa ală kơnă pơ gồp bal mờ Ngân hàng Nông nghiệp mờ Phát triển nông thôn Daknông neh tă mờr 24 tơmàn priă, bơh 52 mpồl ai càn priă, mờ 320 nă cau geh jơng. Broă ai càn priă bơh ală mpồl neh pơgồp bơnah sơlơ tơnguh rlau tai bơta tam klac, dong kờl bal, lơh broă bal đah ală hìu nhă cau lơh broă sa, gàr niam priă càn geh ngui di jơnau kờ`.

Tàm pơrjum, uă hìu nhă cau lơh broă sa neh đơs ală kòl yan, kal ke tàm broă càn priă jat Nghị định sồ 55 bè: Sră nggal ai càn priă tam pa wơl kơphe gam kal ke; phan bơna gơ jat bal mờ ù pal geh sền sơwì tu\ ai càn priă geh phan bơna hơ pơrgon; ală bơta pal geh nàng càn priă; pal geh ală bơta dong kờl lài bè priă càn ai Hợp tác xã lơh sa suơn sre in. Kuang đơng lam bồ UBND càr sồr ală mpồl, chồl pràn broă mblàng yal dong làng bol git loh Nghị định sồ 55; sră nggal càn priă pal [uơn rlau nàng hời rơ hời tơmù tu\ tơngai, priă jền làng bol in tu\ càn priă.

                   Cau cih mờ yal tơnggit K’Duẩn