VOV4.K’ho- Mu\t lơh broă lơh broă bal đah dà lơgar mờ làng bol tàm bơtàu tơnguh kơ\ kơl jăp tiah Tây Nguyên là tơngume geh ai nàng tơrgùm cribơyai tàm dơ\ Cribơyai bơtàu tơnguh kòn cau nam 2017 pa geh lơh tàm thị xã Gia Nghĩa, càr Daknông.

Cribơyai do bơh Ủy ban Kòn cau gơ wèt Chính phủ dê pơgồp bal mờ Hội động kòn cau Quốc hội dê, Ủy ban Nhân dân càr Daknông bơyai lơh. Tàm dơ\ cribơyai, ală kuang bàng neh yal uă bơta mờng chài tàm ală broă, bè: Lơh broă bal đah dà lơgar mờ làng bol mờ kơnòl mpồl bơtiàn bơh mpồl lơh sa kă bro dê; tơrmù r[ah mờ bơtàu tơnguh kơ\ kơl jăp tiah kòn cau; tu\ tơngai niam lơh sa kơnờm tàm brê tàm lơgar Việt Nam, tàm yal tơngi\t bal bè mờng chài bơh broă lơh UN_REDD tơngai dơ\ 2; lơh broă bal đah dà lơgar mờ làng bol tàm bơtàu tơnguh tiah kòn cau mờ tiah kơh bơnơm, gơ jat bal mờ bơtàu tơnguh brê mờ sền gàr tiah ơm kis; broă lơh dà sàng kloh mờ kloh niam tiah ơm kis; mờng chài lơh Broă lơh 135 bơh kơnă hơđơm…

Ală kuang bàng kung neh bơyai bè uă broă tàm bơta gơrềng bal đah dà lơgar mờ làng bol bè: Gơnoar broă bơh [òn lơgar dê; bơta dong kờl bơh gơnoar atbồ tiah do dê gơ wèt mờ mpồl lơh sa kă bro; gùng dà broă lơh nàng bơne\ bơnài bal bơta kuơ đah mpồl lơh sa kă bro mờ dà lơgar, làng bol...

Cau cih mờ yal tơngi\t- Lơ Mu K’Yến