VOV4.K’ho – Tơngai pa do, tàm xã Quảng Phú, kơnhoàl Krông Nô, càr Daknông geh 2, 3 nă cau ờ git mat bơh ală tiah ndai tus pơn dờm, pơn jồ, sac rơwah ală kơnòm dềt kòn cau Mông lòt lơh broă tìs mờ adat boh lam. Uă cau gơtìp sac rơwah, uă ngan là ală oh ùr, bơh 11 tus 16 sơnam neh gơtìp ală cau do jun tus [òn dờng Hồ Chí Minh nàng lơh broă kơn jơ\ ngan. Bơta moat jrùm là ală mè bèp ală oh dềt do dê tài rài kis kal ke, jơnau git wă adat boh lam ờ huan geh den tàng neh ai oh kòn he dê lòt lơh broă tu\ ờ hềt tơl sơnam:

Hìu bơnhă ồng Sồng A Gàng, ơm tàm [òn Phú Vinh, xã Quảng Phú, kơnhoàl Krông Nô là 1 tàm ală cau geh kòn ùr pa rê wơl tơnơ\ mờ tu\ gơtìp ală cau pơn dờm jun tus [òn dờng Hồ Chí Minh nàng lơh broă. Ồng Gàng pà git, bồ nhai 3 pa do, iat jơnau kòn bơrtơu tàm Daklak dê, ồng neh ai kòn ùr là Sồng Thị Nênh, 11 sơnam lòt [òn dờng Hồ Chí Minh nàng lơh broă, mờ priă nhai 18 tơlak tàm 1 nam, sa tềp tus den geh jun kòn ùr ồng rê mờ tơm jơh priă nhai lơh broă hìu bơnhă in: “Klo đơs là geh uă oh tàm Daklak kung neh lòt sơl. Tơnơ\ hơ\ geh kòn bơrtơu đơs là ai kòn in lòt mờ go\ kòn ùr a` dê kung kờ` lòt lơh broă den tàng a` ai lòt. Pơgap bồ nhai 3, geh rơndeh dờng tus tàm hìu nàng rò sau bal mờ 2, 3 nă sau ùr ndai tàm [òn nàng lòt [òn dờng lơh broă. Tus [òn dờng, kòn ùr a` dê dềt ir ờ git lơh broă den tàng kờ` rê wơl. Tơnơ\ hơ\ cau tờm sồr cau jun khai rê tus tàm hìu.”

Kung ndrờm bè hơ\ sơl, hìu bơnhă ồng Phàng A Hồng, ơm tàm [òn Phú Vinh, xã Quảng Phú, kơnhoàl Krông Nô, càr Daknông kung geh 2 nă kòn ùr (sau dờng 16 sơnam mờ sau dềt 14 sơnam), tu\ do gam gơtìp ală bol pơn dờm jun tus [òn dờng Hồ Chí Minh nàng lơh broă tàm ală hìu mai\ mai phan. Ồng Phàng A Hồng pà git, ală kòn ồng dê pa hòi điện thoại yal là rài kis bòl glar ngan: “Klo ală kòn a` dê đơs là lòt lơh ơpah 1 nam geh 18 tơlak, sàu sa khi kơlôi rơcang jơh. A` ờ git den tàng hơ\ sồng ai kòn lòt lơh, mơya tus tàm hơ\ ờ di lơh bè hơ\, cau tờm sồr lơh rlau ir tu\ jiơ, lơh tus 11 jiơ mang hơ\ sồng geh rlô, bol kòn a` dê ờ jai kong, ờ gơtùi lơh, den tàng kờ` ai bol khi in rê. Tàm hơ\, cau tờm krơ\ ờ ai lik bơdĩh, tài ală sau gam dềt ir den tàng tu\ do a` kờ` sồr gơnoar atbồ jun ală sau rê wơl tàm hìu mờ ờ ai ală sau lòt lơh tai.”

Ồng Phàng A Chư, kuang bàng mặt trận [òn Phú Vinh xã Quảng Phú, kơnhoàl Krông Nô pà git, tơngai pa do, geh bơta cau ờ git mat tus rơwah cau lơh broă là kơnòm dềt tàm [òn. Êt ngan den ồng kung sền go\ geh 3 dơ\, ndrờm đì rơndeh dờng geh bàng sồ 47 bơh càr Daklak dê tus rò: “Geh 1 ngai a` ơm tàm hìu den go\ geh 1 nơm rơndeh dờng geh bàng sồ 47B… tus ơm tềng gah gùng. A` tus lùp den ală cau đì tàm rơndeh do đơs là lòt rò nđờ nă oh dềt lòt Sài Gòn nàng lơh mai phan. Klo bè hơ\ den a` kung geh lùp là lơh broă hơ\ den bè lơi, lơh tàm kong ti halà tàm hìu, mờ priă nhai 1 nam tong nđờ, den khi đơs là 18 tơlak priă tàm 1 nam. Tơnơ\ 1 thoa, den geh 5 nă oh dềt, bơh 13 tus 14 sơnam đì rơndeh lòt Sài Gòn. Hơ\ là dơ\ 1, pơgap 2 ngai tơnơ\ den geh tai 1 nơm rơndeh dờng rò tàm Daklak. Tus dơ\ 3 den geh rơndeh ơm kềng gah gùng tus rò nđờ nă oh dềt lòt tai, den tàng a` yal mờ tơl nă cau in.”

Jat ồng Châu Ru Ni, Kuang atbồ Kuang àng xã Quảng Phú, kơnhoàl Krông Nô, càr Daknông yal, tơnơ\ gơlik geh broă do, gơnoar atbồ xã, kuang àng xã neh lơh ngan pơgồp bal mờ kuang àng kơnhoàl Krông Nô đal git lơh loh broă gơlik geh, mơkung chồl pràn ală broă lơh mblàng yal, tơnguh jơnau git wă làng bol in, pleh lời gơlik geh ală broă ndrờm bè do tai: “Bơh đal git ai go\, bơh bồ nhai 3 nam 2018 tus tu\ do, tàm xã Quảng Phú, kơnhoàl Krông Nô geh 2, 3 nă cau ờ git mat đì rơndeh dờng tus ală tiah sar lơgar ngài nàng rơwah cau lơh broă, tàm hơ\ geh 11 nă sau dềt geh bol do rơwah lòt lơh broă tàm [òn dờng Hồ Chí Minh. Ală cau do neh sơ mờm bơta [uơn đòm, [uơn iat, ờ huan git wă bè adat boh lam bơh làng bol dê, hơ\ sồng cih ală sră pơrgon, sră nggal rơwah cau lơh broă ờ di mờ adat boh lam nàng pơr lồm, lơh gơs bơta pin dờn làng bol in. Ală cau do tus tàm [òn rơwah ờm cau lơh broă, ờ geh bơta ring bal bơh gơ noar atbồ tàm [òn lơgar.”

Jat kuang àng kơnhoàl Krông Nô yal, tàm khà 11 nă kơnòm dềt gơtìp pơn jồ jun tus [òn dờng Hồ Chí Minh lơh broă, tu\ do neh geh 2 nă sau pồn rê wơl mờ hìu bơnhă, 3 nă sau geh anih lơh broă geh gơnoar tus nàng jun rê, 5 nă sau ndai geh ală cau lòt rơwah jun rê, gam 1 nă sau kung ờ hềt git tềng lơi. Đại uý Nguyễn Trọng Tâm, atbồ mpồl bơt bơtàu srơh broă lơh mờ drơng broă xã dê bè ngap lơngai ờ do ờ dă – di Kuang àng kơnhoàl Krông Nô pà git: “Tơngai tus, bol a` geh tus tơl hìu bơnhă làng bol, mblàng yal, dong làng bol in git bè kai ală bol lòt sac rơwah cau lơh broă dê, ai làng bol in ki\ jơnau pơrgon, mơkung lơh jơh sră nggal nàng lơh glài ală cau lơh tìs.”

Bulah jơh ală sau dềt neh geh rê wơl tàm hìu ờ do ờ dă, mìng gam 1 nă tai ờ git loh ơm tềng lơi, mơya bơh hơ\ ai go\ broă pơn dờm pơn jồ kơnòm dềt tàm kơnhoàl Krông Nô, càr Daknông lam lòt lơh broă tàm [òn dờng Hồ Chí Minh là ngòt rơngơt ngan, pal đơs lài ngan. Bơdĩh mờ bơta lơh bal bơh anih lơh broă geh gơnoar dê, ală mpồl bal kờ` pal chồl pràn broă mblàng yal, tơnguh jơnau git wă làng bol in. Kuơ màng, ală hìu bơnhă pal git rơcang ngac mờ broă lơh pơr lồm rơwah kơnòm dềt lòt lơh broă.

             Cau cih mờ yal tơnggit K’Duẩn