VOV4.K’ho-Bơh bô nam do, Công ty Ồs đèng Daknông neh lam lơh đèng ai [òn 5 Tầng in tàm xã Dak Rla, kơnhoàl Dak Mil, càr. Do là jơnau geh bơta kuơ màng ngan gơ wèt mờ [òn tiah sar lơgar ngài do, tài bơh đèng geh dong làng bol bơtàu tơnguh rài kis, bơtàu tơnguh lơh sa, tơn jơh jơgloh tơrmù r[ah.

Mu\t tàm [òn 5 Tầng ơm kis bơh nam 2005 ală ngai [òn pa crơng gơs den tàng rlau mờ cau lơi jơh, ồng Vy Văn Tới, kis tàm [òn 5 Tầng, xã Dak Rla gi\t loh ngan bơta tam gơl tiah do, ngan là bơh tu\ geh ồs đèng. Ồs đèng ờ mìng ngui tàm jơnau kờ` ngui sa tàm rài kis bè pờ àng, ngui chi puh, tùh mrềt, iat rơdio, sền ti vi lơm gời ờ, mờ gam dong lơh geh jơnau kờ` kuơ màng ngan rlau jơh, hơ\ là [ồm dà ngui sa bơh ală dà tơrlung khuàng ai kơnhoàl ù tiah kal ke do in. Ồng Vy Văn Tới, pà gi\t:

“Lài do ờ hềt geh ồs đèng, làng bol bòl glar ngan bè dà ngui sa, trồ mang geh tu\ mìng geh 1 nơm tơrlung dà tờ lơm mờ làng bol pal tam pìt bơ\ dà. Bơh ngai geh ồs đèng, rài kis làng bol dê ờ huan bòl glar tai uă ngan, bơh ngai geh ồs đèng, 3 hìu ngui bal dùl tơrlung dà khuàng den tàng rài kis làng bol tam gơl uă ngan”.

Kung bơh tu\ geh ồs đèng sơl, muh mat [òn lơgar tàm do neh geh uă bơta tam gơl pa. Ală hìu ràng tăc phan đèng, drơng broă lơh niam wơl rơndeh rơndồ ờdiơng, mờ hìu ràng tăc phan kung geh lơh sơl, mờ uă bơta phan li la ngan, rơ\ ru ngan, lơh geh bơta [ươn ai làng bol in blơi phan bơna. Bi Phạm Ngọc Hưng, là cau tờm hìu kă bro phan tàm [òn 5 Tầng, pà gi\t, kơnờm bơh geh đèng mờ broă kă bro bơh hìu bơnhă dê gơ gơs pas sơm rlau; jơh ală broă lơh sa, rài kis làng bol dê geh tam gơl uă. Bi Phạm Ngọc Hưng, đơs:

“Bơh ngai geh đèng làng bol neh krơi mờ lài uă ngan, geh ti vi, tùh mrềt, rài kis oh kòn bơsram sră krơi rlau, sươn mìr lài do tuh dà mờ măy nổ mơya tu\ do tuh dà mờ đèng den gơ lờih ngan, làng bol bơtàu tơnguh rlau mờ lài uă ngan”.

{òn 5 Tầng ngài mờ tiah tờm xã Dak Rla, kơnhoàl Dak Mil mờr 30 kơi sồ, gùng lòt rê gam uă ngan kal ke. Tàm kàl mìu, kờ` lòt tus tiah tờm xã pal lòt gùng pơdar lòt gan xã Cư\ K’nia, kơnhoàl Cư\ Ju\t. {òn tu\ do geh rlau 250 hìu bơnhă bal mờ 850 nă làng bol, jơh ală ndrờm là cau Mông mờ cau Dao lơm. Tàm ală nam do, tài bơh phan bơna ờ hềt geh bơcri priă lơh, den tàng rài kis làng bol dê tìp uă kal ke.

Mơya, bơh bồ nam tus tu\ do, ală gùng che đèng dà lơgar geh lơh tus tàm [òn 5 Tầng. Do là jơnau kuơmàng ngan, pơgồp bơnah dong bơtàu tơnguh lơh sa- mpồl bơtiàn, bơtàu tơnguh rài kis làng bol in. Mò Nông Thị Thuyết, Bí thư Chi bộ [òn 5 Tầng, xã Dak Rla, kơnhoàl Dak Mil, pà gi\t: Geh đèng, làng bol geh đèng [ồm dà tuh phan tam in, bơh hơ\, làng bol geh tam gơl tờm chi tam bơh tờm chi lơyah ngai tus tờm chi jo\ ngai bè kơphê, tiêu,…Bơh hơ\ priă lơh geh sơlơ gơguh uă tai. Mò Nông Thị Thuyết, đơs:

“Bơh ngai geh đèng tus tu\ do, rài kis làng bol dê kung neh ngai sơlơ niam rlau, làng bol ngui đèng tàm rài kis, tam gơl bơh broă mìng tam tờm chi lơyah ngai tus tam wơl tờm chi jo\ ngai, rài kis làng bol dê ngai sơlơ bơtàu tơnguh rlau tai. Đah mpồl cau lơh ồs đèng pa crăp dùl bình đèng tai nàng làng bol in ngui đèng pe pha tàm broă lơh sa kă bro, đèng tàm [òn geh sùm, bulah gùng lòt kal ke, ngài mờ tiah tờm xã mơya niam ngan”.

Ồng Nguyễn Xuân Huy, Kuang atbồ Gah ồs đèng kơnhoàl Dak Mil, càr Daknông, pà gi\t: broă lơh gùng che ồs đèng [òn 5 Tầng, xã Dak Rla in gơ wèt Rơndăp broă lơh ồs đèng [òn lơgar. Gùng che đèng do geh gùng che đèng trung thế, ală trạm biến áp mờ ală gùng che đèng hạ thế, lơh geh tơl đèng ờ mìng ngui tàm rài kis lơm gời ờ mờ gam drơng tàm jơnau kờ` lơh sa, kă bro tai. Ồng Nguyễn Xuân Huy, pà gi\t:

“Tàm tơngai pa do, ồs đèng Dak Mil neh bơcri priă lơh đèng ai jơh ală hìu làng bol in ngui tàm tiah do, ù tiah ngài mờ tiah atbồ pờ đèng bơh mpồl dê mờr 30 kơi sồ, ngan là dilah kàl mìu lòt gùng jơh rlau dùl [ùi den hơ\ sồng tus geh tàm tiah lơh broă. Nàng lơh geh gùng dà broă lơh bal, den gah ồs đèng sùm ai dùl mpồl cau ơm wơl tàm [òn lơgar nàng drơng broă ai cau ngui đèng in.

Dilah chơ\t đèng halà gơtìp bơta ờ niam lơi den geh lơh niam wơl nàng kờ` lơh niam broă. Bal mờ hơ\, gah ồs đèng rơcang lài kơnhoàl ù tiah kuơmàng do, rơcang lài sền gàr jơh bal gùng che đèng tơnơ\ công tơ đèng bơh cau ngui đèng dê, ờ lời gơlik geh jơnau ờ niam den hơ\ sồng tus lơh niam wơl”.

Broă bơcri priă lơh gùng che đèng ai [òn 5 Tầng, xã Dak Rla, kơnhoàl Dak Mil, càr Daknông in là bơta dong kờl uă ngan, dong bơtàu tơnguh lơh sa- mpồl bơtiàn tàm tiah kal ke uă ngan do. Do là jơnau kuơmàng nàng [òn 5 Tầng lơh ngan sơrlèt gan kal ke brồ guh lơh pas!

Cau cih mờ yal tơngi\t- Lơ Mu K’Yến