VOV4.K’ho- 15 nam lơh broă, broă lơh bơh Ngân hàng Chính sách Xã hội càr Daknông dê ngai sơlơ bơtàu tơnguh, priă drơng ai hìu bơnhă r[ah mờ ală cau chính sách in ngai sơlơ gơguh tai, khà gơguh tai kờp bal pah nam geh rlau 15%, tơnguh jơh priă dồs ai càn tus tu\ do là 2.147 tơmàn.

Bơnah priă do neh dong 246 rbô hìu r[ah mờ ală cau chính sách bơcri bơtàu tơnguh lơh sa, lơh geh tai priă jền, lơh geh broă lơh broă sa ai gi\t nđờ rbô nă cau lơh broă in; dong rlau 33 rbô nă kơnòm bơsram mờ cau bơsram dờng geh priă jền bơsram sră.

Bơh priă ai càn ờ sa priă cồng uă do, rài kis làng bol càr Daknông dê dùl bơnah lơi geh tam gơl pa, khà hìu r[ah bơh càr dê gơmù bơh 33% tàm nam 2004 tu\ do gơmù gam 19%. Bal mờ hơ\, Ngân hàng Chính sách Xã hội càr Daknông kung neh lơh 2 rbô nơm hìu bơta nđàc pà hìu bơnhă r[ah in.

Cau cih mờ yal tơngi\t- Lơ Mu K’Yến