VOV4.K’ho-{òn dờng Dà Làc, càr Lâm Đồng geh sền là anih lòt nhơm, ơm rlô pràn să niam ngan khà dùl bơh Việt Nam dê. Pah nam, tiah do wa\ rò gi\t nđờ tơlak nă năc lòt nhơl bơh tàm lơgar mờ lơgar ndai. Nàng dong kờl, ai tơl bơta niam ai năc lòt nhơl in, càr Lâm Đồng neh ngan ngôn ai ngui phần mềm Dalat City gơlòt tàm điện thoại ngac ngar mu\t lơh broă.

 Mờ phan ngui do, năc lòt nhơl [ươn ngan gi\t geh ală jơnau yal sơrbac mhar, [ươn, dipal mờ geh kơnòl bè jơh ală broă drơng nhơl chờ geh lơh tàm [òn dờng kơh bơnơm do, pleh gơlik jơnau rồn bơklơn khà priă, ngui broă drơng ờ niam bè lài do.

            Dơ\ sơnrờp bi Huỳnh Hoàng Thiên Tài, năc lòt nhơl bơh tàm [òn dờng Hồ Chí Minh lòt còp, ơm rlô pràn să tàm Dà Làc, mơya jơh ală broă lơh sàu sa, nhơl chờ hờp lơh rài bồ tơngoh, anih tus còp nhơl, khà priă hìu năc, hìu ơm rlô mờ ală broă drơng nhơl chờ ndai ndrờm geh lơh niam ngan mờ di jat bè bơta rơcang lài bơh sơnrờp.

Nàng geh dơ\ lòt còp, ơm rlô pràn să di bè nùs he dê kờ` bè do là kơnờm bơh lài hơ\ bi neh lùp, sền jơh ală jơnau yal kuơmàng bơh phần mền Dalat City geh crăp ơn tơn tàm điện thoại ngac ngar.

            Phan bơna tàm phan ngui do uă ngan, a` sền go\ geh phan sa, geh ală anih tus nhơl mờ geh bal ală jơnau yal bè ală broă lơh tơn, halà ală tiah gơtùi lòt còp bè drà Dà Làc, drà bơkàu…

Do là jơnau mờ a` sền go\ là niam ngan, tài bơh he ờ duh pal lùp tàm tiah ndai gơtìp roh gời tu\ jiơ, mìng tàm phan ngui do ndrờm geh jơh ală bơta tơn. Jat a` den ală càr ndai kung pal ngui bè phần mềm bè do, tu\ hơ\, cau tus den gi\t do là anih tờm, ờ ngòt gơtìp cau pơrlồm halà gơtìp tơnguh khà priă bè do bè ne tai.

Phan ngui phần mềm Dalat City tàm Google Play (Android)

 Ndrờm bè hơ\ sơl, bi Châu Gia Bảo, năc lòt nhơl tus bơh càr Đồng Nai kung ai lơh niam nùs ngan bơh phần mền phan ngui ngac ngar do. Bal mờ gi\t là priă jền ală broă drơng ala, bơta ngài đah ală anih tus, rơndeh rơndồ lòt rê, bi Bảo gam rơndăp is tai dơ\ lòt nhơl dipal ai is să tờm he dê in tàm jơh 3 ngai lòt còp, ơm rlô să tàm Dà Làc.

Geh tơl jơh ală jơnau yal bè hìu ơm rlô, anih ơm, ală hìu ràng tăc phan sa den là dong kuơ ngan ai jơh tơl nă cau in tus mờ Dà Làc, ờ roh uă tu\ jiơ jòi lùp mờ gam pin dờn ngan tai. He gi\t geh anih he ơm mờ ală anih he mờr lòt. Pleh geh jơnau gơtìp cau pơrlồm, yal tơngi\t jơnau tìs ờ di mờ gơ là niam ngan ai ală cau kơnòm să in lòt còp nhơl tàm uă tiah.

Phan ngui phần mềm Dalat City là dùl phần mềm ngui tàm jơh ală bơta điện thoại ngac ngar geh măy đơng lam Android halà IOS bơh [òn dờng Dà Làc pơgồp bal mờ ală sở, gah sơnah lơh broă càr Lâm Đồng dê lơh mờ ai ngui, bal mờ jơnau kờ` ai Dà Làc gơ gơs là dùl [òn dờng nhơl chờ ngac ngar, rềp mềl, lơh niam nùs năc lòt nhơl in.

Tơnơ\ tu\ pờ tơmu\t crăp ơn bơh App Store halà Google Play, phan ngui phần mềm Dalat City geh yal ai năc lòt nhơl in tơl ală jơnau yal nền cê bè anih mờ priă ală broă drơng ơm bic, lòt còp nhơl, blơi phan, sàu sa mờ nhơl lơh rài bồ tơngoh; ală jơnau yal dong kờl khà priă, tơrmù khà priă mờ ală bơta [ươn bè anih hìu sơnơm, kuang àng, rơndeh rơndồ lòt rê, jrong ATM, anih tăc xang zờu, hìu jă brê mpồl bơtiàn…

Bal mờ dong kờl yal ai năc lòt nhơl in, phần mền phan ngui Dalat City gam dong kờl gời ờ sa priă nàng mpồl lơh sa kă bro tàm Dà Làc, càr Lâm Đồng in tàm tơrbo\, yal tơngi\t jơnau yal nền cê bè ală phan bơna broă drơng nhơl chờ bơh anih lơh sa he dê.

Bi Nguyễn Thanh Giang, cau ala mat Hìu năc Đà Lạt Plaza pà gi\t, bơh ngai lơh bal phan ngui do, ală jơnau yal bè mpồl lơh sa kă bro tus mờ năc lòt nhơl in neh geh mhar mờ [ươn ngan rlau.

A` sền go\ phần mềm do geh kuơ ngan, ală jơnau yal bơh mpồl lơh sa kă bro dê gơtùi tus mờ năc lòt nhơl in sơrbac mhar rlau, yal tơngi\t geh niam rlau.

Phan ngui phần mềm Dalat City yal tơngi\t uă jơnau yal [ươn mờ geh kuơ ngan ai năc lòt nhơl in

Jat mò Nguyễn Thị Bích Ngọc, Phó Kuang atbồ Sở Văn hoá, Thể thao mờ Du lịch càr Lâm Đồng yal, phần mềm phan ngui do gam yal sồ điện thoại is, geh anih nàng năc lòt nhơl yal wơl jơnau đơs bơh he dê bè bơta niam broă drơng ala, ală jơnau yal ờ niam, khà priă, bơta ờ niam digơlan gơlik geh…tus mờ ală anih lơh broă geh gơnoar in nàng geh dong kờl mờ bơsong di tu\, dong kơryan ală jơnau lơh sa ờ niam, pơrlồm, lơh rồn bơklơn tơnguh khà priă, rồn bơklơn năc lòt nhơl.

Năc lòt nhơl geh uă bơta [ươn, gơtùi dan apah cơldu\ ơm, dan blơi ve\ bơh tàm internet nàng tềm pềr tu\ jiơ. Pơnyơu bè năc lòt nhơl kờ` ơm tàm hìu năc A, sền ală cơldu\ geh pờ tơlik tơn, tơl khà là cơldu\ lơi, khà priă nđờ, phan bơna geh tàm cơldu\ bè lơi, anih cơldu\ hơ\ ơm bè lơi…

Năc lòt nhơl kung gơtùi pờ sền khat ală tiah, anih lòt còp nhơl lơi kung geh wil tơl ală jơnau yal. Pờ phan ngui ngac ngar do den năc lòt nhơl gơtùi lơh is ai he in broă lòt còp tàm tiah lơi, nđờ ngai, priă jền bè do den pal ơm pal sa tềng anih lơi, nhơl tềng lơi den tàm phan ngui do kung bơto pơlam tơn sơl.

Mờ pơlam gùng bơ\t bơtàu Dà Làc gơ gơs là dùl [òn dờng nhơl chờ ngac ngar ai kòn bơnus lơh tờm, mờ 3 cau tờm là mpồl lơh sa kă bro, năc lòt nhơl mờ anih lơh broă atbồ dà lơgar, phần mềm phan ngui Dalat City geh sền là dùl phan ngui geh kuơ mờ dipal ngan, pơgồp bơnah uă ngan dong Dà Làc gơ gơs là anih tus ngan ngồn lơh gơkờ` cau, niam ngan mờ lơh niam nùs ai jơh tơl nă năc lòt nhơl bơh tàm lơgar mờ lơgar ndai in.

Cau mblàng Lơ Mu K’Yến