VOV4.K’ho- Kơnhoàl Dam Rong, càr Lâm Đồng dê ờ lơh geh jơnau kờ` bè tơrmù khà hìu r[ah jat Rơndăp broă lơh 30a. Jat UBND kơnhoàl Dam Rong dê yal, jơnau tờm lơh gơlik bơta do là tài bơh làng bol kòn cau tàm tiah đah tô dà lơgar mu\t ơm kis tàm kơnhoàl, sơgràm ù brê tìs mờ kơrnoat boh lam tàm ală bă brê rcăng gàr bồ tô dà, rài kis kal ke.

Jat jơnau đơs bơh kơnhoàl Dam Rong dê, bulah uă broă neh lơh geh rlau 80% pơndrờm mờ broă rơndăp lơh, mơya kung gam sơl bàr pe jơnau kờ` ờ hềt lơh geh jat bè broă rơndăp lơh neh ai, bè: tam gơl rơndăp tăp sèng gam lơyaì; bă brê dờp atbồ sền gàr ờ hềt geh cồng nha; bơta pràn jak ngui măy mok jak chài pa tàm broă lơh sa gam lơyaì; broă ròng phan gam lơh jat broă lơh ròng dùl êt mờ rah rài ờ geh kơ\ kơl jăp…

Cau mblàng Lơ Mu K’Yến