VOV4.K’ho – UBND càr Daklak pa geh dơ\ lơh broă mờ Mpồl lơh broă Đại sứ quán Đan Mạch tàm lơgar Việt Nam, cribơyai bè ală tơngume gơ rềng tus rơndap broă lơh ai dà [òn lơgar in ngui broă lơh năng lượng mattơngai, rơcang càn priă bơh broă lơh priă jền mpồl lơh sa kă bro Danida.

Tơngai bơh nam 2001 tus nam 2016, Chính phủ Đan Mạch neh dong kờl càr Daklak bơcri lơh 61 broă lơh ai dà ngui bal; rlau 300 broă lơh ai dà mờ gàr kloh niam hìu bơsram, hìu sơnơm; mờr 20 rbô nơm hìu jă brê hìu nhă; rlau 1 rbô 900 broă lơh ai dà dềt mờ rah rài. Kơnờm bơh hơ\, tu\ do gùt càr neh geh 88% làng bol [òn lơgar geh ngui dà tơl kloh niam.

UBND càr Daklak neh dan mờ Chính phủ Đan Mạch dong kờl bơcri priă lơh niam, rề ơnàng mờ crap lơh mai\ [ồm năng lượng mattơngai ai 14 broă lơh ai dà [òn lơgar neh bơcri priă; lơh pa mờ crap mai\ [ồm năng lượng mattơngai 12 broă lơh in. Digơlan kờp jơh priă bơcri là 492 tơmàn priă, tàm hơ\, priă càn bơh Đan Mạch dê là rlau 442 tơmàn priă, priă bơcri bơh càr dê mờr 50 tơmàn.

                                                              Cau cih mờ yal tơnggit K’Duẩn