VOV4.K’ho – Bơh ngai 1/11 tus do, priă apah lòt gan trạm BOT tàm Gùng rơndeh 14 gơl gùng lòt gan càr Daklak digơlan geh gơmù bơh 5 rbô tus 10 rbô đong dùl dơ\ gơ jat tơl rơndeh. Broă rơndăp lơh tơrmù khà priă bơh Tổng cục gùng rơndeh Việt Nam dê dan mờ Bộ Giao thông Vận tải. Bè hơ\, khà gơmù khà priă geh ndrờm mờ 6 tus 14% khà priă apah lòt gùng tu\ do.

Jat broă rơndăp lơh do, tơngai ai wơl priă lơh gùng bơh rơndăp broă lơh dê kờp ing là pơgăp rlau 16 nam. Gơ wèt mờ broă tơrmù khà priă ai cau tờm rơndeh in tàm tiah gùt dar trạm, tài bơh ală gah gam cribơyai ntrờn trạm tus tàm ù tiah pa, den tàng ờ hềt geh jơnau dan.

Cau cih mờ yal tơngi\t- Lơ Mu K’ Yến