VOV4.K’ho - Ngai òr (25/05), Pơrjum dunia ală đảng tờm tàm châu Á (ICAPP) neh bơyai lơh pơrjum pờ tơlĭk tàm internet kuơ màng dơ̆ 2 bè kòp Covid-19 mờ broă tus bal bơh kuang đơng lam 24 đảng tờm tus bơh 18 lơgar tàm châu Á, ala măt bơh pơrjum thường trực ală đảng tờm Mỹ La tinh mờ Caribean mờ ờ uă mpồl lơh broă dunia.

Ală kuang bàng tus pơrjum neh ring bal là jơh ală làng bol tàm jơh ală lơgar ờ tam cah is cau pas ha là cau rơƀah pal geh dờp broă lơh ndrờm bal mờ ală phan sơndră mờ kòp Covid-19 bè sơnơm vaccine bal mờ ală broă sền nàng gĭt kòp mờ sơm kòp.

Ồng Nguyễn Mạnh Cường, kuang geh jơng tàm Đảng Dà lơgar, Phó kuang atbồ Mpồl lơh broă bal mờ lơgar ndai Đảng Dà lơgar, Kuang geh jơng tàm Ủy ban Thường trực ICAPP, lơh kuang lam bồ lơgar Việt Nam, neh tus bal pơrjum mờ geh jơnau đơs tàm pơrjum. Ồng Nguyễn Mạnh Cường neh tam pà broă lơh mờng chài tàm broă sơndră mờ kòp Covid-19 lơgar Việt Nam dê tàm tơngai do, mờ đơs tus jơnau hơ bơh Đảng Cộng sản lơgar Việt Nam dê bè broă lơh bal mờ dunia tàm broă sơndră mờ kòp Covid-19.

Cau mblàng Ndong Brawl